Niagara ózeniniń túbindegi jartastarǵa 100 jyl buryn tirelip, sonda qalyp qoiǵan kemeni qatty daýyl men sý tasqyny aǵyzyp ketti, dep habarlaidy CBS telearnasy.
Uzyndyǵy 20 metrden asatyn barja 1918 jyldyń tamyzynda ózin súiregen kemeden úzilip ketkendikten, ony ekipaj Niagara ózeniniń Kanada bóligine shóktirgen. Sodan beri Taǵa sarqyramasynan (Kanada sarqyramasy) 1,5 shaqyrym jerde jatqan keme Niagara kesheniniń týrister qyzyqtaityn oryndardyń birine ainalǵan bolatyn.
Tolassyz jaýǵan nóserden sý deńgeii kóterilip, ony 50 metrdei jerge deiin jyljytqan. Shókken kemeni ózenniń aǵyzýyna dál sol baǵytta soqqan qatty daýyl da septigin tigizgen.
Kanadanyń Niagara parkiniń komissiiasy ózenniń kemeni birtindep sarqyramaǵa deiin aǵyzyp aparýy múmkin dep boljap otyr.
