اقش-تىڭ بانك, تەحنولوگييا, سەن جەنە شوۋ-بيزنەس سالاسىنداعى ٸرٸ كومپانييالارى نەسٸلشٸلدٸككە قارسى نارازىلارعا قولداۋ بٸلدٸردٸ.
ستريمينگ قىزمەتٸن ۇسىناتىن Netflix كومپانيياسى Twitter-دە “ٷندەمەۋ سىبايلاس بولۋمەن بٸردەي. قارا نەسٸلدٸلەردٸڭ ٶمٸرٸ ماڭىزدى. بٸزدٸڭ پلاتفورمامىز بار, بٸزدٸڭ قارا نەسٸلدٸ كٶرەرمەندەرٸمٸزدٸڭ, قىزمەتكەرلەرٸمٸزدٸڭ, اۆتورلارىمىزدىڭ, تالانتتارىمىزدىڭ الدىنداعى جاۋاپكەرشٸلٸمٸز جەنە بار” دەپ جازدى.
Google كومپانيياسى ٶزٸنٸڭ ٸزدەۋ جٷيەسٸندە بارلىق نەسٸل تەڭ دەپ مەلٸمدەدٸ.
“راسيزم ەلٸ دە قوعام اۋرۋىنىڭ قاينار كٶزٸ بولىپ وتىر. وسى جاعداي ٶزگەرمەيٸنشە, امەريكادا سونشا دەرٸپتەلەتٸن ەركٸندٸك پەن تەڭدٸك يدەالدارى قولجەتٸمسٸز قالا بەرمەك” دەدٸ Citibank-تٸڭ قارجى ديرەكتورى افروامەريكالىق مارك مەيسون ٶز بلوگىندا.
اقش-تاعى ٸرٸ رەتەيلەر Target قارسىلىق شەرۋٸ كەزٸندە كٶپتەگەن قالادا دٷكەندەرٸ تونالسا دا, نارازىلاردى قولدادى. كومپانييا باسشىسى دجوردج فلويدتىڭ ٶلٸمٸ “جىلداپ جينالعان جارانى” اشتى دەدٸ. كومپانييانىڭ شتاب-پەتەرٸ فلويد قازا تاپقان ميننەاپوليس قالاسىندا ورنالاسقان.
سپورتتىق كيٸمٸمەن تانىمال Nike Twitter-دە “راسيزمگە كٶز جۇما قاراماڭدار. بٸزدە بەيكٷنە جانداردى ٶلتٸرەتٸنٸنە مويىنسۇنباڭدار. جەلەۋگە جول بەرمەڭدەر” دەگەن مەلٸمدەمەسٸ بار ۆيدەو-روليگٸن جارييالادى. Nike-تٸڭ بەسەكەلەسٸ Adidas وسى تۆيتتٸ بٶلٸستٸ.
اقش-تىڭ ونداعان قالاسىندا نەسٸلشٸلدٸككە قارسى نارازىلىق شەرۋلەرٸ ٶتٸپ جاتىر. نارازىلىق ميننەسوتا شتاتى ميننەاپوليس قالاسىنىڭ تۇرعىنى دجوردج فلويد 25 مامىر كٷنٸ پوليتسييا قولىنان قازا تاپقاننان كەيٸن باستالدى. پوليتسييا دٷكەننەن تەمەكٸ ساتىپ الاردا جالعان اقشا قولداندى دەگەن كٷدٸكپەن 46 جاستاعى فلويدتى تۇتقىنداماق بولىپ, قولىنا كٸسەن سالادى دا, جەرگە جاتقىزادى. فلويد ەشقانداي قارسىلىق تانىتپاسا دا, تۇتقىنداۋعا كەلگەن تٶرت پوليتسەيدٸڭ بٸرٸ دەرەك شوۆين ونىڭ موينىن تٸزەسٸمەن باسىپ, سەگٸز مينۋتتاي وتىرعان. شوۆين فلويدتىڭ بٸرنەشە رەت "دەم الا الماي جاتىرمىن" دەگەنٸن ەلەمەگەن. سول جەردە ەسٸنەن تانعان فلويد اۋرۋحانادا كٶز جۇمعان. پوليتسييانىڭ فلويدتى دەل وسىلاي تۇتقىنداۋى ۆيدەوعا تٷسٸپ, ەلەۋمەتتٸك جەلٸدە تەز تارادى. قازا تاپقان فلويدتىڭ نەسٸلٸ قارا, ونى ۇستاۋعا كەلگەن تٶرت پوليتسەيدٸڭ نەسٸلٸ اق بولعاندىقتان, جۇرت مۇنى نەسٸلشٸلدٸك دەپ قابىلداپ, جاپپاي شەرۋگە شىعا باستادى.
