قازاقستان كوممۋنيستٸك حالىق پارتيياسى حالىققا نەسيە راقىمشىلىعىن جاساۋ باستاماسىنا بايلانىستى ەلوردادا وتىرىس ٶتكٸزدٸ, دەپ حابارلايدى "ۇلت اقپارات".
«كەشە ٶزدەرٸڭٸز بٸلەتٸندەي, بٸز حالىقتىڭ, شاعىن جەنە ورتا بيزنەستٸڭ نەسيەگە باتىپ كەتكەنٸن ايتىپ, ٷكٸمەتكە ساۋال حات جولداعان ەدٸك. بٸز جالپى حالىقپەن ەتەنە جۇمىس جٷرگٸزەمٸز. كٶبٸنٸڭ مەسەلەسٸنەن حابارىمىز بار. ازاماتتاردىڭ كٶبٸ نەسيە جٷكتەمەسٸنە بايلانىستى قينالاتىنىن ايتادى. سەبەبٸ حالىقتىڭ ٸشٸندە 4-5 بانكتە قارىزى بار ازاماتتار بار. ولاردى ٶتەۋ تىم قيىن. حالىقتىڭ كٶبٸ وسىنداي تىعىرىقتا تۇر», - دەيدٸ قكحپ وك حاتشىسى, قر پارلامەنتٸندەگٸ اتالمىش پارتييا فراكتسيياسىنىڭ جەتەكشٸسٸ ايقىن قوڭىروۆ قكحپ نۇر-سۇلتان قالالىق كوميتەتٸنٸڭ كەڭسەسٸندە ٶتكەن وتىرىستا.
ونىڭ ايتۋىنشا, قازٸرگٸ زاڭناماعا سەيكەس ازاماتتاردىڭ العان قارىزى ٷشٸن بانكتەر مەن ميكروقارجىلىق ۇيىمداردىڭ الدىنداعى جاۋاپكەرشٸلٸگٸ كٷشەيگەن. قارجىلىق ينستيتۋتتار قايتارىلماعان قارىزدار ٷشٸن ازاماتتاردىڭ قۇقىعىن شەكتەي الادى.
«كەيبٸر قارجىلىق ينستيتۋتتار ازاماتتاردىڭ ەل ٸشٸندە قوزعالىسىن شەكتەۋگە دەيٸنگٸ قۇزىرەتكە يە بولعان. تٸپتٸ پويىز بەن ۇشاققا وتىرعىزباۋعا دەيٸنگٸ جاعدايلار كەزدەسەدٸ. مۇنىڭ اقىرى ەكونوميكانى دەگراداتسيياعا ۇشىراتىنىن ەسكەرۋ كەرەك», - دەدٸ ول.
ايقىن قوڭىروۆتىڭ سٶزٸنە سەنسەك بانك سەكتورىنىڭ ەكونوميكانىڭ شىنايى سەكتورىنداعى كٷشٸ باسىم.
«ەكونوميستەردٸڭ ايتۋىنشا, بۇل جاعداي قازٸر ٶزٸنٸڭ لوگيكالىق تٷيٸنٸنە تاقاپ قالعان. ٶتكەن عاسىردا باتىس ەلدەرٸنٸڭ بانكيرلەرٸ مەن كاپيتاليستەرٸ ەكونوميكانىڭ باسىم بٶلٸگٸنٸڭ نەسيەگە باتۋ مەسەلەسٸمەن بەتپە-بەت كەلگەن. الايدا كەيٸن سوۆەت بيلٸگٸ قۇلاپ قالدى دا, جاڭا نارىقتارعا جول اشىلدى. تيٸسٸنشە ولار بۇل جٷيەنٸ جالعاستىرۋ مٷمكٸندٸگٸنە يە بولدى. بٸراق بٸزدەگٸ جاعدايدى ويلايىق. قازٸر قازاقستان حالقىنىڭ 90 پايىزىندا نەسيە بار. قازٸر كٶپ ادامدا ەندٸ نەسيە الاتىن جاعداي دا جوق. سەبەبٸ جاڭادان قارىز الۋ ٷشٸن ەسكٸسٸن جابۋىڭ كەرەك. ال ەسكٸ نەسيەنٸ جابۋ ٷشٸن تابىسىڭ بولۋى تيٸس. ال دەۆالۆاتسيياعا بايلانىستى حالىقتىڭ تابىسى تٷسٸپ كەتتٸ. سول سەبەپتٸ حالىقتا ونى جابار شاما دا جوق», - دەيدٸ ول.
ەسكە سالا كەتسەك كەشە مەجٸلٸستٸڭ جالپى وتىرىسىندا «حالىق كوممۋنيستەرٸ» فراكتسيياسىنىڭ دەپۋتاتتارى اتىنان ٷكٸمەت باسشىسى اسقار مامينگە ساۋال جولداعان بولاتىن.
ولاردىڭ ايتۋىنشا ەلدە شەكتەۋ شارالارى ەنگٸزٸلگەنگە دەيٸن تۇراقتى تٷردە سالىق تٶلەگەنٸمەن, قازٸر وبەكتيۆتٸ سەبەپتەرگە بايلانىستى نەسيەلەرگە قىزمەت كٶرسەتۋ بويىنشا كٷردەلٸ جاعدايعا تاپ بولعان جەكە جەنە زاڭدى تۇلعالار ٷشٸن كەڭ اۋقىمدى نەسيە راقىمشىلىعىن جٷرگٸزۋ قاجەت.
