بٷگٸن پارلامەنت مەجٸلٸسٸندە ەلدٸڭ 2020-2024 جىلدارعا ارنالعان ەلەۋمەتتٸك-ەكونوميكالىق دامۋ بولجامى تانىستىرىلدى, دەپ حابارلايدى قازاقپارات.
قر ۇلتتىق ەكونوميكا ۆيتسە-مينيسترٸ مەدي تاكيەۆ بولجامدى قالىپتاستىرۋدىڭ نەگٸزگٸ فاكتورلارىنا توقتالا كەلە, بۇل رەتتە جالپى ٸشكٸ ٶنٸم بويىنشا 2018 جىلعى ەسەپتٸك ستاتيستيكالىق دەرەكتەر, بيىلعى 7 ايداعى ەكونوميكا دامۋىنىڭ قورىتىندىلارى قامتىلعانىن اتاپ ٶتتٸ.
«جالپى ٸشكٸ ٶنٸمنٸڭ ٶسۋٸ 4,2 پايىزدى قۇرادى. ينفلياتسييا نىسانالى دەلٸزدە (5,4%), ينۆەستيتسييالار 11 پايىز دەڭگەيٸندە ٶسۋدە. ەلەمدٸك قارجى ۇيىمدارىنىڭ مەلٸمەتتەرٸنە سەيكەس, 2019 جىلى مۇناي باعاسىنىڭ كونسەنسۋس-بولجامى 65 دوللاردى قۇرايدى. ال 2020 جىلى بٸر باررەل ٷشٸن 63 دوللارىنا دەيٸن تٶمەندەيدٸ», - دەدٸ ۆيتسە-مينيستر.
ونىڭ سٶزٸنە قاراعاندا, سىرتقى پارامەترلەردٸڭ ٶزگەرۋٸنە بايلانىستى قازاقستان ەكونوميكاسى دامۋىنىڭ ىقتيمال ٷش ستسەناريٸ قارالدى. بولجام مەن بيۋدجەتتٸك پارامەترلەردٸ قالىپتاستىرۋ ٷشٸن بازالىق ستسەناريي نەگٸزگە الىندى. ول مۇناي باعاسىن 55 دوللار كٶلەمٸندە كٶزدەيدٸ.
«جالپى ٸشكٸ ٶنٸمنٸڭ ناقتى ٶسۋٸ 2020 جىلى 4,1 پايىز دەڭگەيٸندە بولجانىپ وتىر. 2024 جىلى ول 4,7 پايىزعا جەتەدٸ. ورتاشا جىلدىق ٶسۋ قارقىنى 5 جىلدا 4,4 پايىزدى قۇرايدى. جٸٶ-نٸڭ جالپى جيناقتىڭ, ٸشكٸ تۇتىنۋدىڭ جەنە ەكسپورتتىڭ ٶسۋٸ ەسەبٸنەن قامتاماسىز ەتٸلەدٸ. ينۆەستيتسييالار ەكونوميكالىق ٶسۋدٸ قولداۋدىڭ ماڭىزدى فاكتورى بولادى», - دەدٸ م. تاكيەۆ.
سالالىق بٶلٸنٸستە نەگٸزگٸ ٶسٸم شيكٸزاتتىق ەمەس سەكتورىنا تيەسٸلٸ بولادى. بۇل ٶڭدەۋ ٶنەركەسٸبٸ, قىزمەت كٶرسەتۋ سالاسى جەنە قۇرىلىس. بۇل سالالاردىڭ ورتاشا ٶسٸمٸ 4,7 پايىز دەڭگەيٸندە بولادى. جالپى ٸشكٸ ٶنٸمنٸڭ ٶسۋٸندەگٸ سالىمى 3,5 پروتسەنتتٸك تارماقتى قۇرايدى.
