Búgin Parlament Májilisinde eldiń 2020-2024 jyldarǵa arnalǵan áleýmettik-ekonomikalyq damý boljamy tanystyryldy, dep habarlaidy QazAqparat.
QR Ulttyq ekonomika vitse-ministri Mádi Takiev boljamdy qalyptastyrýdyń negizgi faktorlaryna toqtala kele, bul rette Jalpy ishki ónim boiynsha 2018 jylǵy eseptik statistikalyq derekter, biylǵy 7 aidaǵy ekonomika damýynyń qorytyndylary qamtylǵanyn atap ótti.
«Jalpy ishki ónimniń ósýi 4,2 paiyzdy qurady. Infliatsiia nysanaly dálizde (5,4%), investitsiialar 11 paiyz deńgeiinde ósýde. Álemdik qarjy uiymdarynyń málimetterine sáikes, 2019 jyly munai baǵasynyń konsensýs-boljamy 65 dollardy quraidy. Al 2020 jyly bir barrel úshin 63 dollaryna deiin tómendeidi», - dedi vitse-ministr.
Onyń sózine qaraǵanda, syrtqy parametrlerdiń ózgerýine bailanysty Qazaqstan ekonomikasy damýynyń yqtimal úsh stsenarii qaraldy. Boljam men biýdjettik parametrlerdi qalyptastyrý úshin bazalyq stsenarii negizge alyndy. Ol munai baǵasyn 55 dollar kóleminde kózdeidi.
«Jalpy ishki ónimniń naqty ósýi 2020 jyly 4,1 paiyz deńgeiinde boljanyp otyr. 2024 jyly ol 4,7 paiyzǵa jetedi. Ortasha jyldyq ósý qarqyny 5 jylda 4,4 paiyzdy quraidy. JIÓ-niń jalpy jinaqtyń, ishki tutynýdyń jáne eksporttyń ósýi esebinen qamtamasyz etiledi. Investitsiialar ekonomikalyq ósýdi qoldaýdyń mańyzdy faktory bolady», - dedi M. Takiev.
Salalyq bóliniste negizgi ósim shikizattyq emes sektoryna tiesili bolady. Bul óńdeý ónerkásibi, qyzmet kórsetý salasy jáne qurylys. Bul salalardyń ortasha ósimi 4,7 paiyz deńgeiinde bolady. Jalpy ishki ónimniń ósýindegi salymy 3,5 protsenttik tarmaqty quraidy.
