سوڭعى كٷندەرٸ ەلەۋمەتتٸك جەلٸلەردە «شەنەۋنٸكتەردٸڭ» مەشٸتتە اياقكيٸممەن تٷسكەن سۋرەتٸ كٶپشٸلٸك اراسىندا قىزۋ تالقىعا تٷسٸپ, داۋ تۋدىرىپ, ارتى دٸني دٷردارازدىققا ۇلاسۋدا. ونىڭ ٷستٸنە وسى مەسەلە جٶنٸندە «Kazislam» پورتالىنداعى ساراپشىلىق بلوگىما دا بٸرقاتار ازاماتتار اتالمىش جاعدايعا بايلانىستى پٸكٸر بٸلدٸرٸپ, مەسەلەنٸڭ اراجٸگٸن اجىراتىپ بەرٸڭٸز دەپ ٶتٸنۋدە.
مەشٸتكە ەشقانداي «شەنەۋنٸك» ەلٸمٸز تەۋەلسٸزدٸك العان جىلداردان بەرٸ اياقكيٸممەن كٸرٸپ ارالاعان ەمەس. ىلايىم بۇدان كەيٸن دە سولاي بولادى. ال, كٶپشٸلٸكتٸڭ تالقىسىنا تٷسٸپ, داۋ تۋدىرعان سۋرەتكە كەلسەك, ول – مەشٸتكە كەلەتٸن رەسمي قوناقتارعا ارنالعان «سٷيرەتپە» (تەپٸشكە). شالباردىڭ بالاعىنان شىعىپ تۇرعان تۇمسىعى تۋفليگە ۇقساعان سٷيرەتپە كٶزگە سىرت اياق كٸيٸمٸ بولىپ كٶرٸنۋٸ مٷمكٸن. الايدا بۇل سٷيرەتپەلەر مەشٸتتٸڭ ٸشكٸ تەرتٸبٸ مەن ەدەبٸنە, مەشٸت درەسس-كودىنا ساي تازا كيٸم بولىپ سانالادى. وسىعان ۇقساعان سٷيرەتپەلەردٸ مەشٸت قىزمەتكەرلەرٸ دە كيەدٸ.
مەشٸت – جەر بەتٸندە قۇلشىلىق جاساۋعا ارنالعان قاسيەتتٸ ورىن, اللانىڭ ٷيٸ. سوندىقتان, ەربٸر مۇسىلمان بالاسى قاسيەتتٸ ورىننىڭ قۇرمەتٸن ساقتاۋى تيٸس. مەشٸتكە كەلۋشٸنٸڭ كٸمٸنٸڭ تازا ەرٸ ەدەمٸ بولۋى مەشٸت ەدەبٸنە جاتادى. بۇل جايىندا اللا تاعالا قۇران كەرٸمدە: «ۋا, ادامنىڭ ۇرپاقتارى! مەشٸتكە كەلگەندە ەسەم كيٸنٸڭدەر...», – دەپ, بۇيىرعان (ەل-اعراف سٷرەسٸ, 31-ايات). ياعني, مەشٸتكە كەلگەندە كيٸمٸڭٸز ەسەم, ەرتٷرلٸ نەجٸس زاتتاردان تازا بولۋى تيٸس. كيٸمگە قاتىستى ەڭ باستى شارت – دەنەنٸ جالاڭاشتاماي, كيٸم كييۋ جەنە ونىڭ تازا بولۋى. ال, داۋ تۋدىرعان سٷيرەتپەلەر مەشٸت ٸشٸندە قولدانۋعا عانا ارنالعان نەجٸستەن تازا كيٸم بولىپ تابىلادى.
قۇرمەتتٸ اعايىن, سٸزدەردەن ٶتٸنەرٸم, بٸر مەسەلەنٸڭ بايىبىنا بارىپ, اق-قاراسىن اجىراتىپ المايىنشا كٶرٸنگەن كٶك اتتىنىڭ (پاسىقتاردىڭ) ايتقانىنا كٶڭٸل بٶلمەسەڭٸزدەر ەكەن. مۇنداي تىرناق استىنان كٸر ٸزدەپ, ەلدٸ ارانداتۋشى اقپاراتپەن الداپ وتىرعاندار بار. ولار ٶزدەرٸن دٸنگە جاناشىر, تاقۋا ەتٸپ كٶرسەتكەنٸمەن, تەرٸس پيعىلى ٸبٸلٸس مالعۇنعا قولشوقپار ەتۋٸ مٷمكٸن. شاريعات ٸلٸمدەرٸندە پەتۋا ايتۋعا بٸلٸمٸ دە, قۇقى دا جوق كٸسٸلەردٸڭ ايتقانىمەن جٷرۋ اقيقاتتى ٸزدەۋگە جاتپايدى.
دەل قازٸرگٸ ۋاقىتتا ٶزارا قىرىق پىشاق بولعانشا, دٸني ەرٸ ازاماتتىق تۇرعىدان پارىز بولىپ تابىلاتىن بٸرلٸك پەن بەرەكەنٸ بٸرٸنشٸ كەزەككە قويىپ, يسلامعا قاتىستى كەز-كەلگەن مەسەلەنٸڭ جاۋابىن تەك قانا قمدب-دان (مٷفتيياتتان) عانا العانىمىز ابزال.
ەرشات وڭعاروۆ,
«Kazislam» پورتالىنىڭ مەنشٸكتٸ ساراپشىسى,
يسلامتانۋشى
