سەنات دەپۋتاتى داريعا نازارباەۆا مۇعالٸمدەر مەن دەرٸگەرلەر ٷشٸن جەكە تۇرعىن ٷي باعدارلاماسىن ەزٸرلەۋدٸ ۇسىندى, دەپ حابارلايدى Sputnik قازاقستان تٸلشٸسٸ.
"مۇعالٸمدەر مەن دەرٸگەرلەر ٷلكەن ازاماتتىق سەكتور. ولار بٷگٸنگٸ كٷنٸ باسپانامەن قامتاماسىز ەتٸلۋ جاعدايى بويىنشا ٶتە ەلجۋاز بولىپ وتىر. ەزٸرگە ەشبٸر يپوتەكالىق باعدارلاما ولاردىڭ تۇرعىن ٷي مەسەلەسٸن تولىق كٶلەمدە شەشە الماي كەلەدٸ", — دەدٸ داريعا نازارباەۆا بٷگٸن سەناتتا "نۇرلى جەر" باعدارلاماسىنىڭ جٷزەگە اسىرىلۋ بارىسى تالقىلانعان وتىرىستا.
ونىڭ ايتۋىنشا, مۇعالٸمدەر مەن دەرٸگەرلەر ادامي كاپيتالدى دامىتۋدا ماڭىزدى رٶل اتقارادى. ال حالىقتىڭ بۇل ساناتىنىڭ باسپانا جاعدايى قازٸر قالىس قالىپ وتىرعان جايى بار.
"دەرٸگەر مەن مەدبيكە, مۇعالٸم مەن مۇعالٸمنٸڭ ماتەريالدىق تۇرعىداعى جاعدايى بٸردەي ەمەس. وتباسى بار مۇعالٸمدەر بار, ولار, مەسەلەن, باعدارلاماعا قاتىسا الادى. مۇنداي مٷمكٸندٸگٸ جوق مۇعالٸمدەر دە بار عوي. ولاردىڭ بٸرلەسە باسپانا الۋعا بولاتىن وتباسى جوق, تٸپتٸ كەيبٸرٸنٸڭ موينىندا تۋعان-تۋىسقاندارى وتىر. ولارعا قالاي كٶمەكتەسۋگە بولادى? بٸز ولاردى مەملەكەتتٸك جەنە ازاماتتىق قىزمەتكە ۇمتىلىپ, ٶز بٸلٸكتٸلٸگٸن ارتتىرۋعا ىنتالاندىرۋىمىز قاجەت. سوندىقتان ولار ٷشٸن ەسكەري قىزمەتشٸلەر سەكٸلدٸ جەكە باعدارلاما ەزٸرلەۋدٸ ۇسىنامىن", — دەدٸ نازارباەۆا.
"قازٸر باسپانا مەسەلەسٸ ٶتە ٶزەكتٸ. جىل سايىن تۇرعىن ٷي كٶلەمٸن ارتتىرىپ جاتىرمىز, بٸراق حالىق سانى دا ٶسٸپ جاتىر. سوندىقتان الداعى جٷز جىلدا باسپاناعا مۇقتاج حالىقتىڭ بەرٸن قامتاماسىز ەتە المايمىز دەپ قورقامىن", — دەگەن الاڭداۋشىلىعىن بٸلدٸردٸ سەناتور.
ايتا كەتەيٸك, ەلٸمٸزدە 2018 جىلدىڭ 1 قاڭتارىنان باستاپ قارۋلى كٷشتەر, ەسكەري پروكۋراتۋرا, ۇلتتىق قاۋٸپسٸزدٸك جەنە ٸشكٸ ٸستەر ورگاندارىنىڭ ەسكەري قىزمەتشٸلەرٸنە ارنالعان جاڭا تۇرعىن ٷي باعدارلاماسى جٷزەگە اسىرىلىپ جاتىر.
