سەنات تٶراعاسى داريعا نازارباەۆا "كٷندەلٸك" ەلەكتروندى كٷندەلٸگٸ سەرۆيسٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات" سەناتتىڭ سايتىنا سٸلتەمە جاساپ.
سەنات بيۋروسىنىڭ وتىرىسىندا داريعا نازارباەۆا بٸلٸم بەرۋ, دەنساۋلىق ساقتاۋ جٷيەلەرٸن تسيفرلاندىرۋ مەن اۋىلدارداعى ينتەرنەت مەسەلەلەرٸن شەشۋدٸ تاپسىردى. ونىڭ ايتۋىنشا, قازٸر ايماقتاردا ينتەرنەت جوق جەنە ول مۇعالٸمدەر جٷكتەمەسٸن ۇلعايتادى دەگەن سىلتاۋمەن "كٷندەلٸك" ەلەكتروندى كٷندەلٸگٸ سەرۆيسٸنٸڭ جۇمىسى شەكتەلە باستاعان.
"ەربٸر جەكەلەگەن جاعدايدىڭ شەشٸمٸن ٸزدەستٸرۋ كەرەك. ەكٸمدٸكتەر مەن جەرگٸلٸكتٸ بٸلٸم باسقارمالارىنا ەلەكتروندى كٷندەلٸك نەگە تيٸمسٸز? ٶيتكەنٸ ول بارلىق بٸلٸم بەرۋ, تەستٸلەۋ, ساباققا قاتىسۋ, ساباق ٶتكٸزۋ جٷيەسٸن اشىق كٶرسەتەدٸ", - دەدٸ نازارباەۆا.
تٶراعانىڭ پٸكٸرٸنشە, "كٷندەلٸك" بارلىق ساباقتىڭ بولاتىنىن ەلدە قاعازدا عانا قالاتىنىن انىقتاپ بەرەدٸ.
"بٷگٸنگٸ كٷنٸ ەلەكتروندى كٷندەلٸك وقۋشىلاردىڭ ٷلگەرٸم دەڭگەيٸن, مۇعالٸمدەردٸڭ ٶزدەرٸنٸڭ دايىندىعىن – وسىنىڭ بەرٸن كٶرسەتٸپ وتىر. بۇل ولارعا تيٸمسٸز", - دەدٸ ول.
سەنات تٶراعاسى سونداي-اق اۋىلدىق نىساندارعا, ونىڭ ٸشٸندە ەلەۋمەتتٸك ينفراقۇرىلىم وبەكتٸلەرٸنە جوعارى جىلدامدىقتاعى ينتەرنەت جٷرگٸزۋ ٷشٸن ەكٸمدٸكتەرگە بٶلٸنگەن قاراجاتتىڭ قالاي يگەرٸلگەنٸن تەكسەرۋ قاجەت دەدٸ.
"مەنٸڭ ويىمشا, دەپۋتاتتار ايماق باسشىلارى سيرەك باراتىن ەڭ شالعاي ەلدٸ مەكەندەردە بولۋ كەرەك. وسى ساپار كەزٸندە دەپۋتاتتاردىڭ نەگٸزگٸ ماقساتى ازاماتتاردىڭ ٶزەكتٸ مەسەلەلەرٸن شەشۋ بولۋى تيٸس", - دەدٸ جوعارعى پالاتا باسشىسى.
