قازاقستان پارلامەنتٸ سەناتىنىڭ دەپۋتاتى داريعا نازارباەۆا بەيسەنبٸ كٷنٸ استانادا ٶتكەن ەسكەري-پاتريوتتىق تەربيە مەسەلەلەرٸ جٶنٸندەگٸ ۆەدومستۆوارالىق كەزدەسۋدە قازاقستاندىقتار ەلدەگٸ تۇراقتىلىقتىڭ ارقاسىندا "ٷلكەن باقىتقا" - ٶمٸرٸن جوسپارلاۋ مٷمكٸندٸگٸنە يە بولىپ وتىرعانىن ايتتى.
قازاقپارات اگەنتتٸگٸنٸڭ حابارلاۋىنشا, داريعا نازارباەۆا بۇل سٶزٸن كادەت كورپۋسىنىڭ وقۋشىلارى جەنە ەسكەري-پاتريوتتىق كلۋبتارعا باراتىن بالالار الدىندا ايتقان.
"بٸز بيلٸگٸ ورنىققان, ساياساتى تۇراقتى, بارلىعىن بولجاۋعا بولاتىن بەيبٸت ەلدە ٶمٸر سٷرٸپ جاتىرمىز جەنە سٸز بەن بٸزدٸڭ ٶمٸرٸمٸزدٸ الداعى بٸرنەشە جىلعا بولجاۋعا بولادى. ٷلكەن باقىت دەگەن - ول بٸلٸم الامىن, ودان ارى جۇمىس ٸستەيمٸن, ماقساتىما جەتەمٸن دەپ ٶز ٶمٸرٸڭدٸ جوسپارلاۋعا مٷمكٸندٸگٸڭ بولۋ" دەدٸ داريعا نازارباەۆا.
سونىمەن بٸرگە, داريعا نازارباەۆا كەزدەسۋگە كەلگەن دەپۋتاتتار مەن مينيسترلەر نازارىن جاستاردىڭ ازاماتتىق پارىزى مەن جاۋاپكەرشٸك سەزٸمٸن قالىپتاستىرۋ مەسەلەسٸنە اۋداردى.
ونىڭ پٸكٸرٸنشە, بۇل باعىتتا مەكتەپتەردەگٸ ەسكەري-پاتريوتتىق كلۋبتار ماڭىزدى رٶل اتقارادى.
«بٸزگە جاس ەسكەري قۇرىلىمداردى مەملەكەتتٸك دەڭگەيدە دامىتۋ مەن قولداۋ بويىنشا بٸرەگەي رەسپۋبليكالىق باعدارلاما قاجەت», - دەپ ٶز سٶزٸن تولىقتىردى داريعا نازارباەۆا.
54 جاستاعى نازارباەۆا ٶتكەن جىلى قىركٷيەكتە مەملەكەت باسشىسىنىڭ بۇيرىعىمەن سەناتور بولىپ تاعايىندالعان. ول سەناتتا حالىقارالىق قاتىناستار, قورعانىس جەنە قاۋٸپسٸزدٸك كوميتەتٸن باسقارادى.
