قىرعىزستان پرەزيدەنتٸ سوورونباي جەەنبەكوۆ 25-26 جەلتوقساندا رەسمي ساپارمەن قازاقستانعا كەلەدٸ, دەپ حابارلايدى Sputnik قىرعىزستان قر باسشىسى اپپاراتى سىرتقى ساياسات بٶلٸمٸنٸڭ مەڭگەرۋشٸسٸ ايزادا سۋباكوجوەۆاعا سٸلتەمە جاساپ.
بۇعان دەيٸن نازارباەۆ پەن جەەنبەكوۆ الداعى كەزدەسۋلەر كەستەسٸن قاراپ شىققان بولاتىن.
"نۇرسۇلتان نازارباەۆتىڭ شاقىرۋىمەن 25-26 جەلتوقساندا قىرعىزستان پرەزيدەنتٸ قازاقستانعا رەسمي ساپارمەن بارادى. شاعىن جەنە كەڭەيتٸلگەن قۇرامدا كەزدەسۋلەر ٶتەدٸ, تاراپتار ەكٸجاقتى ىنتىماقتاستىق پەن ەاەو اياسىندا ٶزارا ٸس-قيمىل مەسەلەلەرٸ بويىنشا پٸكٸر الماسادى. سونداي-اق پرەمەر-مينيسترمەن كەزدەسۋ ٶتەدٸ", — دەدٸ سۋباكوجوەۆا.
ونىڭ ايتۋىنشا, الداعى كەلٸسسٶزدەر "جول كارتاسىن" ٸسكە اسىرۋعا سەرپٸن بەرمەك.
"قىرعىز تاراپى تەڭ قۇقىقتىق, ٶزارا تيٸمدٸلٸك جەنە قۇرمەت نەگٸزٸندە دوستىق قارىم-قاتىناس پەن سەرٸكتەستٸكتٸ ودان ەرٸ نىعايتۋعا مٷددەلٸ",- دەدٸ سۋباكوجوەۆا.
بٶلٸم باسشىسى مەملەكەتتٸك شەكارانى كەسٸپ ٶتۋ رەجيمٸ مەن دەماركاتسييالاۋ تۋرالى قۇجاتتارعا, بٸرلەسكەن مەلٸمدەمەگە قول قويۋ جوسپارلانىپ وتىرعانىن اتاپ ٶتتٸ.
ەستەرٸڭٸزگە سالا كەتەيٸك, قىرعىزستاندا قازان ايىنىڭ ورتاسىندا ٶتكەن پرەزيدەنت سايلاۋىندا سوورونباي جەەنبەكوۆ جەڭٸسكە جەتكەن ەدٸ. قىرعىزستاننىڭ بۇرىنعى باسشىسى المازبەك اتامباەۆ پرەزيدەنت بولعان كەزٸندە قازاقستان باسشىلىعىن ەلدٸڭ سايلاۋ ناۋقانىنا ارالاستى دەپ ايىپتاعان بولاتىن. قازاقستان "سۇر" يمپورتپەن كٷرەس ماقساتىندا قىرعىزستانمەن شەكارادا باقىلاۋدى بٸراز ۋاقىتقا كٷشەيتتٸ.
