مەملەكەت باسشىسى جاڭا زەلاندييانىڭ گەنەرال-گۋبەرناتورى پەتسي رەدديگە كٶڭٸل ايتۋ جەدەلحاتىن جولدادى, دەپ حابارلايدى اقوردا.
قازاقستان پرەزيدەنتٸ كرايستچەرچ قالاسىنداعى لاڭكەستٸك ەرەكەت سالدارىنان كٶپتەگەن ادامنىڭ قازا بولعانى تۋرالى حاباردى زور كٷيزەلٸسپەن قابىلدادى.
«بٸز جاھاندىق قاۋٸپسٸزدٸك پەن بەيبٸتشٸلٸككە قاتەر تٶندٸرەتٸن تەرروريزم مەن ەكسترەميزمنٸڭ كەز كەلگەن تٷرٸن قاتاڭ ايىپتايمىز.
قازاقستان بٸزدٸڭ ەلدەرٸمٸزدٸڭ بەيبٸت ٶمٸرٸ مەن قاۋٸپسٸزدٸگٸن قامتاماسىز ەتۋ ٷشٸن قازٸرگٸ زاماننىڭ قاۋٸپ-قاتەرلەرٸنە قارسى ىنتىماقتاستىقتى جالعاستىرۋعا ەرقاشان دايىن», - دەلٸنگەن جەدەلحاتتا.
نۇرسۇلتان نازارباەۆ قازاقستان حالقىنىڭ جەنە جەكە ٶزٸنٸڭ اتىنان قازا بولعانداردىڭ جاقىندارى مەن تۋعان-تۋىستارىنا كٶڭٸل ايتتى, سونداي-اق زارداپ شەككەندەردٸڭ تەزٸرەك ساۋىعىپ كەتۋٸنە تٸلەكتەستٸك بٸلدٸردٸ.
