قازاقستاننىڭ تۇڭعىش پرەزيدەنتٸ نۇرسۇلتان نازارباەۆ «بٸر بەلدەۋ, بٸر جول» ەكٸنشٸ حالىقارالىق ىنتىماقتاستىق فورۋمىنىڭ سەسسيياسىندا سٶيلەگەن سٶزٸندە قازٸرگٸ زامانعى جاھاندىق سىن-قاتەرلەرگە تٶتەپ بەرۋدٸڭ جولدارى تۋرالى ايتتى.
ەلباسى كيبەر قاۋٸپسٸزدٸك پەن قولدانىستاعى كوممۋنيكاتسييانىڭ قاۋٸپسٸزدٸگٸن قامتاماسىز ەتۋدٸڭ ٶزەكتٸلٸگٸن جەنە ٶڭٸرارالىق دەڭگەيدەگٸ بەسەكەنٸڭ ارتا تٷسكەنٸن اتاپ ٶتتٸ.
– دامۋدى جەنە قاۋٸپسٸزدٸكتٸ قامتاماسىز ەتەتٸن جاھاندىق ينستيتۋتتاردىڭ تيٸمدٸلٸگٸنە قاتىستى سۇراقتار تۋىنداۋدا. ەكونوميكا سالاسىندا «ساۋدا تەكە-تٸرەسٸ مەن سانكتسييالىق سوعىستار» پايدا بولدى. بٷكٸل ەلەم بويىنشا پورتتار مەن ەۋەجايلاردىڭ تەرمينالدارى ارقىلى جٶنەلتٸلەتٸن جٷكتەر كٸدٸرە باستادى. تٷپتەپ كەلگەندە, بۇل ەلەم ەكونوميكاسىنىڭ دامۋ قارقىنىن بەسەڭدەتٸپ, حالىقتىڭ, ەسٸرەسە, دامۋشى ەلدەر تۇرعىندارىنىڭ جاعدايىن ناشارلاتادى, – دەدٸ نۇرسۇلتان نازارباەۆ.
ەلباسى ەلەمدٸك قوعامداستىقتى ادامزاتتىڭ جاھاندىق پروبلەمالارىن شەشۋ ٷشٸن جۇمىلۋعا شاقىردى.
– الىپ قۇرلىعىمىزدىڭ دەل ورتاسىندا ورنالاسقان قازاقستان ەۋرازييادا تىعىز سەرٸكتەستٸك ورناتۋدى ەردايىم قولدايدى. بٸزدٸڭ سىرتقى ساياسي دوكترينامىز كٶپ جاقتى ىنتىماقتاستىقتى جەنە بٸرلەسە دامۋدى, سەنٸم مەن قاۋٸپسٸزدٸكتٸ نىعايتۋدى كٶزدەيدٸ. بٸز بٷكٸل ەلەمگە حالىقارالىق كٷن تەرتٸبٸندەگٸ ەڭ كٷردەلٸ مەسەلەلەردٸ تالقىلاۋ بويىنشا دا ٷلگٸ كٶرسەتە الدىق, – دەدٸ نۇرسۇلتان نازارباەۆ.
قازاقستاننىڭ تۇڭعىش پرەزيدەنتٸ ەلٸمٸزدٸڭ يادرولىق قارۋسىزدانۋ جەنە جاپپاي قىرىپ جوياتىن قارۋدىڭ تارالۋىن بولدىرماۋ ٸسٸندەگٸ جەتٸستٸكتەرٸنە توقتالدى.
– بٸز گەوساياسات پەن گەوەكونوميكادا كەيٸنگە قالدىرۋعا بولمايتىن مٸندەتتەردٸ شەشۋگە سەپتٸگٸن تيگٸزەتٸن جاھاندىق ارحيتەكتۋرانى قالىپتاستىرۋ ٸسٸنە الداعى ۋاقىتتا دا اتسالىسا بەرەمٸز. مەنٸڭ ويىمشا, مۇنى «ٷش د» جاڭا احۋالىن قالىپتاستىرۋ ارقىلى جٷزەگە اسىرۋعا بولادى. مۇنى «ٷش ديالوگ» جٷرگٸزۋ قاجەتتٸگٸ دەپ تٷسٸنگەن جٶن. بٸرٸنشٸسٸ جاھاندىق دەڭگەيدٸ قامتيدى. بۇل – اقش, رەسەي, قىتاي جەنە ەۋروپا وداعى اراسىنداعى ديالوگ, – دەدٸ ەلباسى.
نۇرسۇلتان نازارباەۆ ەكٸنشٸ ديالوگتىڭ ەۋرازييا دەڭگەيٸندە قاجەتتٸگٸن اتاپ ٶتتٸ. ونداعى ماقسات – ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس پەن ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ ەلەۋەتٸن بٸرٸكتٸرۋ.
– ٷشٸنشٸ ديالوگ – بۇل ەۋرازييا ەكونوميكالىق وداعى, ەۋروپا وداعى, شانحاي ىنتىماقتاستىق ۇيىمى جەنە وڭتٷستٸك شىعىس ازييا ەلدەرٸ قاۋىمداستىعى اراسىنداعى جٷيەلٸ ەكونوميكالىق ديالوگ. وسىنداي فورماتتاعى ەكونوميكالىق كووپەراتسييانى دامىتۋ ارقىلى, بٸرٸنشٸدەن, ەلدەرٸمٸزدٸڭ دامۋىنا جەنە ازاماتتارىمىزدىڭ ەل-اۋقاتىنىڭ ارتۋىنا زور سەرپٸن بەرەمٸز. ەكٸنشٸدەن, ەكونوميكانى ەرتاراپتاندىرۋدىڭ جاڭا كٶزدەرٸن اشۋعا, بەسەكەگە قابٸلەتتٸلٸكتٸ نىعايتۋعا, بيزنەس احۋالىن جاقسارتۋعا جەنە مەملەكەتتەردٸڭ ينۆەستيتسييالىق تارتىمدىلىعىن ارتتىرۋعا جاعداي جاسالادى. ٷشٸنشٸدەن, ٷلكەن ەۋرازييانىڭ جاھاندىق رٶلٸن ارتتىرۋعا مٷمكٸندٸك تۋىندايدى, – دەدٸ قازاقستاننىڭ تۇڭعىش پرەزيدەنتٸ.
سوڭىندا, ەلباسى اتالعان ٷش ديالوگتىڭ باستالۋى فورۋمعا قاتىسۋشىلاردىڭ بارلىعىنىڭ مٷددەلەرٸنە ساي كەلەتٸنٸن اتاپ ٶتٸپ, بٸرٸككەن ەۋرازييانىڭ جارقىن بولاشاعى ٷشٸن ٶزارا بايلانىستار ورناتۋدىڭ قاجەتتٸلٸگٸ تۋرالى ايتتى.
