بٷگٸن «نۇر ەلەم» كٶرمە كەشەنٸندە قازاقستان پرەزيدەنتٸ نۇرسۇلتان نازارباەۆتىڭ قاتىسۋىمەن جاستار جىلىنىڭ اشىلۋ رەسٸمٸ ٶتٸپ جاتىر. «تەۋەلسٸزدٸكتٸڭ ۇرپاقتارى» دەپ اتالاتىن سالتاناتتى شارادا ەلٸمٸزدٸڭ بەتكە ۇستار جاستارى باس قوسىپ, سٶز سٶيلەدٸ.
جيىندا جاستاردى تىڭداعان مەملەكەت باسشىسى «سٶزدٸ توقتاتپاي, ايتا بەرسٸن دەگەن وي كەلدٸ» دەدٸ. ەلباسى جاستار جىلىنىڭ ماڭىزدىلىعىن اتاپ ٶتتٸ.
«جاستار, سەندەر مەن ايتايىن دەگەن نەگٸزگٸ مەسەلەنٸڭ بارلىعىن ەر سالادا كٶتەرٸپ جاتىرسىڭدار. 27 جىل تەۋەلسٸزدٸكتٸڭ ٸشٸندە كٶپ نەرسە جاسادىق, كٶپ جەڭٸسكە جەتتٸك. تەۋەلسٸزدٸك قازاقستاندى ورناتىپ, مەملەكەتتٸ دٷنيەجٷزٸ كارتاسىنا قويدىق. بۇل اۋقىمدا, بۇل شەكارادا دەل وسىنداي جاعدايدا قازاقستان ەش ۋاقىتتا بولعان جوق. بۇرىن دٷنيەجٷزٸ بارلىعىن پاش ەتكەن, مويىنداعان, قادٸرلەگەن ەل بولعانىمىز جوق. سوندىقتان, اتا-بابىمىز ارمانىمىزدى ورىنداپ, بٸزدٸڭ بٷگٸنگٸ تەۋەلسٸزدٸگٸمٸزدٸ ورناتتى», - دەدٸ نازارباەۆ.
پرەزيدەنتتٸڭ ايتۋىنشا, ساياساتقا كەلگەن ەربٸر ادامنىڭ, ەسٸرەسە ەل باسقارامىن دەگەن ٷمٸتٸ بار ازاماتتاردىڭ حالىققا جولدايتىن ٸشكٸ ويى, جوسپارى بولۋى كەرەك.
«سول جوسپاردى ٸسكە اسىرىپ, نەتيجەسٸن كٶرگەن ساياساتكەر باقىتتى. ٸستەپ جاتقان جۇمىستىڭ بارلىعىن ايتا بەرۋگە بولادى. ەلٸمٸزدٸ قۇردىق, ەكونوميكانى كٶتەردٸك, حالىقتىڭ ەل-اۋقاتىن جوعارىلاتتىق, مەدەنيەتٸن, دەنساۋلىعىن, بارلىعىن كٶتەردٸك. دٷنيەجٷزٸ تاڭ قالاتىن استانانى سالدىق. بٸراق تا, ٸشٸندەگٸ ەڭ نەگٸزگٸ جەتٸستٸك – سەندەردٸ, جاڭا بۋىن قازاقستاندىقتاردى تەربيەلەپ شىقتىق. جاڭا بۋىن - قازاقستاننىڭ ەڭ ٷلكەن جەتٸستٸگٸ, مەنٸڭ مەملەكەت باسشىسى رەتٸندەگٸ ەڭبەگٸمنٸڭ ەڭ ٷلكەن جەمٸسٸ», - دەدٸ ەلباسى.
ايتا كەتەيٸك, ەلورداداعى «نۇر ەلەم» پاۆيلونىندا ەلباسى نۇرسۇلتان نازارباەۆتىڭ قاتىسۋىمەن «تەۋەلسٸزدٸك ۇرپاقتارى» اتتى جاستار جىلىنىڭ سالتاناتتى اشىلۋ رەسٸمٸ ٶتٸپ جاتىر.
قر پرەزيدەنتٸ نۇرسۇلتان نازارباەۆ قازاقستان حالقىنا ٶتكەن جىلعى جولداۋىندا 2019 جىلدى جاستار جىلى دەپ جارييالاۋدى ۇسىنعان بولاتىن. پرەزيدەنت ٶز سٶزٸندە جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن ەلەۋمەتتٸك ساتىنىڭ اۋقىمدى پلاتفورماسىن قالىپتاستىرۋ كەرەكتٸگٸن ايتقان ەدٸ. ال, ارادا بٸر ايدان استام ۋاقىت ٶتكەندە ەلباسى جارلىعىمەن 2019 جىل جاستار جىلى دەپ جارييالاندى.
