قازاقستان پرەزيدەنتٸ ۇلتتىق بانك تٶراعاسى دانييار اقىشەۆتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا مەملەكەت باسشىسىنا ۇلتتىق بانكتٸڭ 2018 جىلى اتقارعان جۇمىسىنىڭ قورىتىندىسى جٶنٸندە ەسەپ بەرٸلٸپ, ەلدەگٸ ۆاليۋتا-قارجى نارىعىنىڭ قازٸرگٸ احۋالى تۋرالى باياندالدى.
ەلباسى بٸرقاتار ەكونوميكالىق ينديكاتورلاردىڭ وڭ قارقىنمەن ٶسٸپ كەلە جاتقانىن اتاپ ٶتٸپ, ينفلياتسييا دەڭگەيٸن تٶمەندەتۋ ٷشٸن قابىلدانىپ جاتقان شارالاردىڭ تيٸمدٸلٸگٸ تۋرالى مەسەلەگە توقتالدى.
– 5,3 پايىز دەڭگەيٸندەگٸ ينفلياتسييا – بۇل جاقسى كٶرسەتكٸش. بٸراق, بۇعان ەكونوميكانىڭ تيٸمدٸلٸگٸنەن ەمەس, نارىقتاعى ٶتٸمدٸلٸك كٶلەمٸنٸڭ قىسقارۋى ەسەبٸنەن قول جەتكٸزٸلٸپ وتىر. ۇلتتىق بانك پەن ٷكٸمەتتٸڭ بۇل باعىتتاعى جۇمىسى ناشار. قاراجاتتى اينالىمنان شىعارۋ ارقىلى ينفلياتسييانى ودان ەرٸ تٶمەندەتۋگە بولادى, بٸراق بۇل شەشٸمنٸڭ ەكونوميكاعا قالاي ەسەر ەتەتٸنٸ بەلگٸسٸز. سونىمەن قاتار, ۇزاق مەرزٸمدٸ نەسيەلەردٸڭ ازايعانىن بايقاۋعا بولادى, – دەدٸ نۇرسۇلتان نازارباەۆ.
قازاقستان پرەزيدەنتٸ قولدانىستاعى زاڭناماعا بٸرقاتار ٶزگەرٸستەر ەنگٸزٸلگەنٸنە توقتالىپ, ۇلتتىق بانك تاراپىنان بۇل سالاعا تيٸستٸ باقىلاۋ جٷرگٸزٸلۋٸ قاجەت ەكەنٸن ايتتى.
دانييار اقىشەۆ مەملەكەت باسشىسىنىڭ قازاقستان حالقىنا ارنالعان جولداۋىندا ايتىلعان قايتا ٶڭدەۋ ٶنەركەسٸبٸن نەسيەلەۋ جٶنٸندەگٸ تاپسىرمالاردىڭ ورىندالۋ بارىسى تۋرالى ەڭگٸمەلەدٸ.
سونداي-اق, ۇلتتىق بانك تٶراعاسى قازاقستان پرەزيدەنتٸنە ۇلتتىق ۆاليۋتا باعامىنىڭ ٶزگەرۋٸنە ىقپال ەتەتٸن فاكتورلار تۋرالى باياندادى.
– تەڭگەنٸڭ اقش دوللارىنا شاققانداعى ايىرباس باعامى جىل ٸشٸندە 15,6 پايىزعا تٶمەندەدٸ. بۇعان, نەگٸزٸنەن, سىرتقى فاكتورلار سەبەپشٸ بولدى. ەلەمدەگٸ مۇناي باعاسى ٶتە قۇبىلمالى بولىپ وتىر. سىرتقى جاعدايلار, سونىڭ ٸشٸندە قولداۋشىلىق پەن سانكتسييالىق ساياسات تا تۇراقتى ەمەس. دەي تۇرعانمەن, ەركٸن ايىرباس باعامى رەجٸمٸ بارلىق اۋىرتپالىقتى جەڭٸلدەتٸپ, ٶتكەن جىلدىڭ سوڭىندا 30,9 ميلليارد اقش دوللارىن قۇرايتىن التىن ۆاليۋتا رەزەرۆٸن ساقتاپ قالۋعا مٷمكٸندٸك بەردٸ. ۇلتتىق قوردىڭ شەتەل ۆاليۋتاسىنداعى اكتيۆٸ 57,7 ميلليارد اقش دوللارىنا جەتتٸ, – دەدٸ ەلباسى.
د.اقىشەۆ قارجى نارىعىن نەسيەلەۋ جەنە ساۋىقتىرۋ ٷشٸن اتقارىلىپ جاتقان جۇمىستار جٶنٸندە مەلٸمدەدٸ.
– بٸز قارجى سەكتورىن جاقسارتۋ ارقىلى نارىققا لايىقتى قاتىسۋشىلاردىڭ جۇمىسىن ٸلگەرٸلەتۋگە مٷمكٸندٸك بەرەمٸز. تيٸستٸ شارالار قابىلدانعاننان كەيٸن نەسيە كٶلەمٸ ايتارلىقتاي ارتادى دەپ ويلايمىز. بۇل كٶرسەتكٸش 2019 جىلى 10 پايىزعا ٶسەدٸ دەپ بولجامداپ وتىرمىز. بۇل نومينالدى ٸشكٸ جالپى ٶنٸمنەن جوعارى. تيٸسٸنشە, نەسيەلەردٸڭ قول جەتٸمدٸلٸگٸ ارتىپ, بٸرتە-بٸرتە جاعداي جاقسارا تٷسەدٸ. بٸز كەلەشەكتە پروبلەمالار تۋىنداتۋى مٷمكٸن كٷرت ٶسٸمنەن گٶرٸ تەڭگەرٸمدٸ ٶسٸمدٸ ماقۇل كٶرەمٸز, – دەدٸ نۇرسۇلتان نازارباەۆ.
كەزدەسۋ سوڭىندا قازاقستان پرەزيدەنتٸ بٸرقاتار ناقتى تاپسىرما بەردٸ.
