قازاقستان پرەزيدەنتٸ نۇرسۇلتان نازارباەۆ ارنايى مەلٸمدەمە جاساپ, ساعىنتاەۆ باسقاراتىن ٷكٸمەتتٸ وتستاۆكاعا جٸبەردٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسىنىڭ مەلٸمدەمەسٸ
قۇرمەتتٸ قازاقستاندىقتار!
مەن بٷگٸن ەلٸمٸز ٷشٸن ماڭىزدى شەشٸم قابىلداعالى وتىرمىن.
ٶتكەن جىلدارداعى ەلەۋمەتتٸك-ەكونوميكالىق احۋال تۇراقتى بولدى.
بۇل – ەرينە, جاقسى كەزەڭ.
بٸراق, بۇل قازٸرگٸ ۋاقىت تالابى ٷشٸن جەتكٸلٸكسٸز.
مەن ۇسىنعان ٷشٸنشٸ جاڭعىرۋ جەنە «100 ناقتى قادام – ۇلت جوسپارى» قۇرىلىمدىق رەفورمالاردى جەدەل جٷزەگە اسىرۋعا باعىتتالدى.
بەس ينستيتۋتسيونالدىق رەفورمانىڭ تولىق ٸسكە اسىرىلۋى شاعىن جەنە ورتا بيزنەستٸڭ ٷلەسٸن تٷبەگەيلٸ ارتتىرۋعا جەنە ەكونوميكاداعى مەملەكەتتٸك سەكتوردىڭ ٷلەسٸن ازايتۋعا, بانكتەردٸ «تازارتۋعا», سوتتارعا جەنە قۇقىق قورعاۋ جٷيەسٸنە دەگەن سەنٸمدٸ ارتتىرۋعا تيٸس.
قابىلدانعان زاڭدارعا, ٷكٸمەت شەشٸمدەرٸنە قاراماستان, ەكونوميكانىڭ كٶپتەگەن باعىتتارى بويىنشا وڭ ٶزگەرٸستەرگە قول جەتكٸزٸلمەدٸ.
ٸشكٸ جالپى ٶنٸم نەگٸزٸنەن شيكٸزات رەسۋرستارى ەسەبٸنەن ٶستٸ.
بٸراق, ٷكٸمەت پەن ۇلتتىق بانك ەل ەكونوميكاسىن ساپالى دامىتۋعا سەرپٸن بەرەتٸن ناقتى قۇرالداردى تولىققاندى جاساپ شىعارا المادى.
مەملەكەتتٸك باعدارلامالاردى جٷزەگە اسىرۋ بارىسىنا جاسالعان تالداۋ قورىتىندىسى ولاردىڭ ورىندالىپ جاتقانىن كٶرسەتكەنٸمەن, كٶپتەگەن ماڭىزدى باعىتتار بويىنشا ناقتى نەتيجەلەردٸڭ جوق ەكەنٸن اڭعارتتى.
ٶنٸمدٸ جۇمىس ورىندارى جەتكٸلٸكتٸ تٷردە اشىلماي وتىر. بۇل ەسٸرەسە اۋىلدىق جەرلەرگە قاتىستى. شاعىن جەنە ورتا بيزنەس ٶسٸمنٸڭ قوزعاۋشى كٷشٸنە جەنە ونى دامىتۋ ٸسٸ ەكٸمدەر مەن مينيسترلەردٸڭ نەگٸزگٸ مٸندەتٸنە اينالمادى.
مەن تۇرعىنداردىڭ تابىسى مەن تۇرمىس ساپاسى ەربٸر ٷكٸمەت مٷشەسٸ مەن ەربٸر ەكٸمنٸڭ جۇمىسىنداعى نەگٸزگٸ باسىمدىق بولۋ كەرەك دەپ بٸرنەشە رەت ايتتىم.
ەكٸ جىل بۇرىن بٸز كونستيتۋتسييالىق رەفورما جٷرگٸزدٸك. وسىعان وراي ٷكٸمەت ەكٸمدەرمەن بٸرگە ەلەۋمەتتٸك-ەكونوميكالىق مەسەلەلەردٸ شەشٸپ, وعان جاۋاپ بەرۋ ٷشٸن بارلىق تيٸستٸ ٶكٸلەتتٸك پەن دەربەستٸككە يە بولدى.
يندۋستريالدى, ەلەۋمەتتٸك, ينفراقۇرىلىمدىق دامۋ, دەنساۋلىق ساقتاۋ جەنە بٸلٸم بەرۋ سالالارىن دامىتۋعا قاتىستى بارلىق قاجەتتٸ مەملەكەتتٸك باعدارلامالار قابىلداندى. ولاردى جٷزەگە اسىرۋ ٷشٸن قاجەتتٸ قارجى بٶلٸندٸ.
دەگەنمەن, جٷيەلٸ جۇمىس جٷرگٸزٸلمەدٸ. تۇرعىنداردىڭ ناقتى تابىسى ٶسپەدٸ. وتباسىلاردىڭ بيۋدجەتٸندە ازىق-تٷلٸككە دەگەن شىعىن كٶلەمٸ ارتا تٷستٸ.
اتقارۋشى ورگانداردىڭ سالعىرتتىعىنان ەلەۋمەتتٸك تۇرعىدان از قامتىلعان تۇرعىنداردىڭ بٸر بٶلٸگٸ اتاۋلى ەلەۋمەتتٸك كٶمەكپەن قامتىلماعان.
ونىڭ ٷستٸنە ٷكٸمەت مٷشەلەرٸ, مينيسترلەر, ەكٸمدەر حالىقپەن جۇمىس ٸستەي المادى, سونداي-اق جۇرتشىلىقتىڭ پروبلەمالارىنا قۇلاق اسىپ, اتقارىلىپ جاتقان ٸستەر مەن ساياساتتى تٷسٸندٸرۋ جۇمىستارىن جٷرگٸزۋگە شاماسى كەلمەدٸ.
بۇل رەتتە, مەن ەل پرەزيدەنتٸ ەرٸ كونستيتۋتسييانىڭ كەپٸلٸ رەتٸندە حالىقتىڭ مٷددەسٸن ەسكەرە وتىرىپ, مىناداي شەشٸم قابىلدادىم.
ٷكٸمەت وتستاۆكاعا كەتۋگە تيٸس دەپ سانايمىن.
ٷكٸمەتتٸڭ جاڭا باسشىلىعى ٶمٸر سٷرۋ دەڭگەيٸن ارتتىرۋ, ەكونوميكانى ىنتالاندىرۋ, ستراتەگييالىق مٸندەتتەردٸ جٷزەگە اسىرۋ جٶنٸندە ناقتى شارالار ەزٸرلەۋگە تيٸس.
مەن «نۇر وتان» پارتيياسىنىڭ جاقىندا ٶتەتٸن سەزٸندە ەلەۋمەتتٸك قولداۋدى كٷشەيتۋگە جەنە ازاماتتاردىڭ تۇرمىس ساپاسىن ارتتىرۋعا ارنالعان بٸرقاتار شارالار ۇسىنامىن. بۇعان بيۋدجەتتەن جەنە ۇلتتىق قوردان قوماقتى قارجى بٶلٸنەتٸن بولادى.
بۇل قاراجات مىناداي مٸندەتتەردٸ شەشۋگە باعىتتالادى:
1. از قامتىلعان ازاماتتارعا ەلەۋمەتتٸك قولداۋ كٶرسەتۋ ٸسٸن كٷشەيتۋ.
2. حالىقتىڭ ەلەۋمەتتٸك تۇرعىدان ەلسٸز توپتارىنىڭ باسپانا جاعدايىن جاقسارتۋ مٷمكٸندٸكتەرٸن ارتتىرۋ.
3. ٶڭٸرلەردٸ دامىتۋ ساياساتىن تٷبەگەيلٸ ٶزگەرتۋ.
ٷكٸمەت پەن بارلىق دەڭگەيدەگٸ ەكٸمدەردٸڭ جۇمىسى وسى مٸندەتتەردٸ جٷزەگە اسىرۋعا باعىتتالۋى تيٸس.
ٷكٸمەت پەن ٶڭٸرلەردٸڭ يەلٸگٸندەگٸ قاراجات كٶزدەلگەن ماقساتقا ساي جۇمسالماي وتىر. مۇنىڭ بەرٸنە باقىلاۋ ورناتىلادى. وسى باعىتتار جٶنٸندە «نۇر وتان» پارتيياسىنىڭ سەزٸندە تولىعىراق ايتىلاتىن بولادى.
