قازاقستان پرەزيدەنتٸ نۇرسۇلتان نازارباەۆ تمد-عا مٷشە ەلدەردٸڭ ٷكٸمەت باسشىلارى كەڭەسٸنٸڭ مٷشەلەرٸمەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋگە قازاقستان رەسپۋبليكاسىنىڭ پرەمەر-مينيسترٸ ب.ساعىنتاەۆ, ەزەربايجان رەسپۋبليكاسىنىڭ پرەمەر-مينيسترٸ ن.مامەدوۆ, بەلارۋس رەسپۋبليكاسىنىڭ پرەمەر-مينيسترٸ س.رۋماس, قىرعىز رەسپۋبليكاسىنىڭ پرەمەر-مينيسترٸ م.ابىلعازيەۆ, تەجٸكستان رەسپۋبليكاسىنىڭ پرەمەر-مينيسترٸ ك.راسۋلزودا, ٶزبەكستان رەسپۋبليكاسىنىڭ پرەمەر-مينيسترٸ ا.اريپوۆ, رەسەي فەدەراتسيياسى ٷكٸمەتٸنٸڭ تٶراعاسى د.مەدۆەدەۆ, ارمەنييا رەسپۋبليكاسىنىڭ بٸرٸنشٸ ۆيتسە-پرەمەرٸ ا.ميرزويان, تٷرٸكمەنستاننىڭ مينيسترلەر كابينەتٸ تٶراعاسىنىڭ ورىنباسارى گ.مۋرادوۆ, تمد-نىڭ اتقارۋ كوميتەتٸنٸڭ تٶراعاسى – اتقارۋشى حاتشى س.لەبەدەۆ قاتىستى.
مەملەكەت باسشىسى تمد-عا مٷشە ەلدەر دەلەگاتسييالارىنىڭ باسشىلارىنا ٸلتيپات بٸلدٸرٸپ, دوستاستىق مەملەكەتتەرٸنٸڭ ىنتىماقتاستىعىن نىعايتۋ ٷشٸن بٷگٸن ٶتٸپ جاتقان كەڭەستٸڭ ايرىقشا مەنٸ بار ەكەنٸن اتاپ ٶتتٸ.
– بٷگٸن سٸزدەر ٷكٸمەت باسشىلارى كەڭەسٸنٸڭ كەزەكتٸ وتىرىسىنا قاتىساسىزدار. ونىڭ كٷن تەرتٸبٸندە 15 ناقتى مەسەلە بار. بۇل ٸس-شارا ەلدەرٸمٸز اراسىنداعى ٶزارا تيٸمدٸ قارىم-قاتىناستاردى ودان ەرٸ دامىتۋعا زور ٷلەس قوسادى دەپ سەنەمٸن, – دەدٸ نۇرسۇلتان نازارباەۆ.
قازاقستان پرەزيدەنتٸ تمد ەلدەرٸ اراسىنداعى ساۋدا-ەكونوميكالىق بايلانىستاردى دامىتۋدىڭ ماڭىزدىلىعىن ايتتى.
– شيرەك عاسىردان استام ۋاقىت ٸشٸندە تمد ٸرگەلٸ ۇيىمعا اينالدى. بۇل بٸرلەستٸك حالىقتارىمىز اراسىنداعى تاريحي بايلانىستاردى ساقتاپ قالۋعا مٷمكٸندٸك بەرٸپ, ەر ەلدٸڭ ەگەمەندٸگٸن نىعايتۋعا سەپتٸگٸن تيگٸزدٸ. قازٸرگٸ كەزدە دوستاستىق اياسىنداعى ٶزارا ىقپالداستىقتىڭ ماڭىزدىلىعى ارتا تٷستٸ. تمد-داعى ساۋدا-ساتتىق كٶلەمٸ ٶسٸپ كەلەدٸ. بىلتىر تاۋار اينالىمىنىڭ كٶلەمٸ 25 پايىزعا ارتىپ, 164 ميلليارد دوللارعا جەتتٸ. مۇنداي ٷردٸس بيىل دا جالعاسىن تابۋدا, – دەدٸ مەملەكەت باسشىسى.
قازاقستان پرەزيدەنتٸ تمد مەملەكەتتەر باسشىلارى كەڭەسٸنٸڭ بيىلعى وتىرىسىنىڭ نەتيجەلەرٸنە دە توقتالدى.
– بٸز ۇيىمىمىزدى نىعايتۋ مەسەلەلەرٸن قاراستىردىق. سونىڭ ٸشٸندە جۇمىستىڭ تيٸمدٸلٸگٸن ارتتىرۋعا جەنە ونى زامان تالابىنا ساي بەيٸمدەۋگە باعىتتالعان جاڭعىرتۋ ٷدەرٸسٸن ٸلگەرٸلەتۋگە مەن بەردٸك. دوستاستىق اياسىنداعى ەكونوميكالىق كووپەراتسييانى كەڭەيتۋ ٷشٸن ەكونوميكالىق دامۋ ستراتەگيياسىن جانداندىرۋ جەنە تمد ەلدەرٸ كٶرسەتەتٸن قىزمەتتەردٸڭ ەركٸن ساۋداسى تۋرالى كەلٸسٸمنٸڭ قابىلدانعان جوبالارىن جٷزەگە اسىرۋدى جەدەلدەتۋ قاجەتتٸگٸ ايتىلدى, – دەدٸ نۇرسۇلتان نازارباەۆ.
سونىمەن قاتار, مەملەكەت باسشىسى دۋشانبەدەگٸ مەملەكەتتەر باسشىلارى كەڭەسٸنٸڭ وتىرىسىندا جارييا ەتٸلگەن جاڭا ۇسىنىستار, سونىڭ ٸشٸندە تمد اياسىندا ساۋدا كەدەرگٸلەرٸن جويۋ, كٶلٸك-لوگيستيكا جەنە تۋريزم سالالارىنداعى ٶزارا ٸس-قيمىلدىڭ تيٸمدٸلٸگٸن ارتتىرۋ, عارىش سالاسىنداعى جوبالاردى جٷزەگە اسىرۋ, تسيفرلىق ەكونوميكانى دامىتۋ جەنە يننوۆاتسييالىق شەشٸمدەردٸ پايدالانۋ مەسەلەلەرٸن تالقىلاۋ نەتيجەسٸ جٶنٸندە ەڭگٸمەلەدٸ.
– تەحنوپاركتەر ينتەگراتسيياسى جەنە بٸرلەسكەن يننوۆاتسييالىق جوبالاردىڭ جٷزەگە اسىرىلۋى تمد كەڭٸستٸگٸندە جوعارى تەحنولوگييالىق ٶندٸرٸس قالىپتاستىرۋ ٷشٸن ٷلكەن سينەرگەتيكالىق پايدا تابۋعا مٷمكٸندٸك بەرەدٸ. باتىس ەلدەرٸ جاساندى ينتەللەكتكە جول اشاتىن 5G فورماتىنداعى ينتەرنەتتٸ بەلسەندٸ تٷردە قولدانۋدا. بٸزگە ونى دامىتۋ ٸسٸمەن اينالىسۋ كەرەك. مۇنى ەرقايسىمىز جەكە-جەكە ٸسكە اسىرا المايمىز, – دەدٸ قازاقستان پرەزيدەنتٸ.
نۇرسۇلتان نازارباەۆ سٶزٸنٸڭ سوڭىندا مەملەكەتتەر باسشىلارىنىڭ كەڭەسٸندە ايتىلعان باستامالاردى ٸسكە اسىرۋ ٷشٸن ناقتى شارالار كەشەنٸن ەزٸرلەۋ قاجەتتٸگٸن ايتتى.
– بارلىق باعىت بويىنشا تيٸمدٸ شارالار كەشەنٸن ەزٸرلەۋ – ماڭىزدى مٸندەت. بۇل باستامالاردىڭ جٷزەگە اسىرىلۋى ەكونوميكانىڭ دامۋىنا سەپتٸگٸن تيگٸزٸپ قانا قويمايدى, سونداي-اق مەملەكەتتەرٸمٸز اراسىنداعى دوستىق ەرٸ تۇراقتى قارىم-قاتىناستاردى نىعايتۋدىڭ ماڭىزدى فاكتورىنا اينالادى, – دەدٸ مەملەكەت باسشىسى.
سونىمەن قاتار, كەزدەسۋ بارىسىندا قازاقستان رەسپۋبليكاسىنىڭ پرەمەر-مينيسترٸ ب.ساعىنتاەۆ پەن رەسەي فەدەراتسيياسى ٷكٸمەتٸنٸڭ تٶراعاسى د.مەدۆەدەۆ بايانداما جاسادى.
