Qazaqstan Prezidenti Nursultan Nazarbaev TMD-ǵa múshe elderdiń Úkimet basshylary keńesiniń múshelerimen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Kezdesýge Qazaqstan Respýblikasynyń Premer-Ministri B.Saǵyntaev, Ázerbaijan Respýblikasynyń Premer-Ministri N.Mamedov, Belarýs Respýblikasynyń Premer-Ministri S.Rýmas, Qyrǵyz Respýblikasynyń Premer-Ministri M.Abylǵaziev, Tájikstan Respýblikasynyń Premer-Ministri K.Rasýlzoda, Ózbekstan Respýblikasynyń Premer-Ministri A.Aripov, Resei Federatsiiasy Úkimetiniń tóraǵasy D.Medvedev, Armeniia Respýblikasynyń birinshi vitse-premeri A.Mirzoian, Túrikmenstannyń Ministrler Kabineti tóraǵasynyń orynbasary G.Mýradov, TMD-nyń Atqarý komitetiniń tóraǵasy – Atqarýshy hatshy S.Lebedev qatysty.
Memleket basshysy TMD-ǵa múshe elder delegatsiialarynyń basshylaryna iltipat bildirip, Dostastyq memleketteriniń yntymaqtastyǵyn nyǵaitý úshin búgin ótip jatqan Keńestiń airyqsha máni bar ekenin atap ótti.
– Búgin sizder Úkimet basshylary keńesiniń kezekti otyrysyna qatysasyzdar. Onyń kún tártibinde 15 naqty másele bar. Bul is-shara elderimiz arasyndaǵy ózara tiimdi qarym-qatynastardy odan ári damytýǵa zor úles qosady dep senemin, – dedi Nursultan Nazarbaev.
Qazaqstan Prezidenti TMD elderi arasyndaǵy saýda-ekonomikalyq bailanystardy damytýdyń mańyzdylyǵyn aitty.
– Shirek ǵasyrdan astam ýaqyt ishinde TMD irgeli uiymǵa ainaldy. Bul birlestik halyqtarymyz arasyndaǵy tarihi bailanystardy saqtap qalýǵa múmkindik berip, ár eldiń egemendigin nyǵaitýǵa septigin tigizdi. Qazirgi kezde Dostastyq aiasyndaǵy ózara yqpaldastyqtyń mańyzdylyǵy arta tústi. TMD-daǵy saýda-sattyq kólemi ósip keledi. Byltyr taýar ainalymynyń kólemi 25 paiyzǵa artyp, 164 milliard dollarǵa jetti. Mundai úrdis biyl da jalǵasyn tabýda, – dedi Memleket basshysy.
Qazaqstan Prezidenti TMD memleketter basshylary keńesiniń biylǵy otyrysynyń nátijelerine de toqtaldy.
– Biz uiymymyzdy nyǵaitý máselelerin qarastyrdyq. Sonyń ishinde jumystyń tiimdiligin arttyrýǵa jáne ony zaman talabyna sai beiimdeýge baǵyttalǵan jańǵyrtý úderisin ilgeriletýge mán berdik. Dostastyq aiasyndaǵy ekonomikalyq kooperatsiiany keńeitý úshin Ekonomikalyq damý strategiiasyn jandandyrý jáne TMD elderi kórsetetin qyzmetterdiń erkin saýdasy týraly kelisimniń qabyldanǵan jobalaryn júzege asyrýdy jedeldetý qajettigi aityldy, – dedi Nursultan Nazarbaev.
Sonymen qatar, Memleket basshysy Dýshanbedegi Memleketter basshylary keńesiniń otyrysynda jariia etilgen jańa usynystar, sonyń ishinde TMD aiasynda saýda kedergilerin joiý, kólik-logistika jáne týrizm salalaryndaǵy ózara is-qimyldyń tiimdiligin arttyrý, ǵarysh salasyndaǵy jobalardy júzege asyrý, tsifrlyq ekonomikany damytý jáne innovatsiialyq sheshimderdi paidalaný máselelerin talqylaý nátijesi jóninde áńgimeledi.
– Tehnoparkter integratsiiasy jáne birlesken innovatsiialyq jobalardyń júzege asyrylýy TMD keńistiginde joǵary tehnologiialyq óndiris qalyptastyrý úshin úlken sinergetikalyq paida tabýǵa múmkindik beredi. Batys elderi jasandy intellektke jol ashatyn 5G formatyndaǵy internetti belsendi túrde qoldanýda. Bizge ony damytý isimen ainalysý kerek. Muny árqaisymyz jeke-jeke iske asyra almaimyz, – dedi Qazaqstan Prezidenti.
Nursultan Nazarbaev sóziniń sońynda Memleketter basshylarynyń keńesinde aitylǵan bastamalardy iske asyrý úshin naqty sharalar keshenin ázirleý qajettigin aitty.
– Barlyq baǵyt boiynsha tiimdi sharalar keshenin ázirleý – mańyzdy mindet. Bul bastamalardyń júzege asyrylýy ekonomikanyń damýyna septigin tigizip qana qoimaidy, sondai-aq memleketterimiz arasyndaǵy dostyq ári turaqty qarym-qatynastardy nyǵaitýdyń mańyzdy faktoryna ainalady, – dedi Memleket basshysy.
Sonymen qatar, kezdesý barysynda Qazaqstan Respýblikasynyń Premer-Ministri B.Saǵyntaev pen Resei Federatsiiasy Úkimetiniń tóraǵasy D.Medvedev baiandama jasady.
