قر پرەزيدەنتٸ نۇرسۇلتان نازارباەۆ شەتەلدەگٸ قارجىنى قايتارۋعا قاتىستى ارنايى زاڭنامانى ەزٸرلەۋدٸ تاپسىردى. اتالعان مٸندەت ٷكٸمەت باسشىسى باقىتجان ساعىنتاەۆقا جٷكتەلدٸ, دەپ حابارلايدى "ۇلت اقپارات".
«وسى ۋاقىتقا دەيٸن بٸز اقشانى زاڭداستىرۋدى ٷش رەت ٶتكٸزدٸك. ەشكٸمگە تيٸسپەيمٸز دەدٸك. سولاي بولدى. بٸر ادامدى جاۋاپقا تارتتىق پا? بٸرەۋدٸڭ استىن قازبالادىق پا? جوق, ەشكٸمگە تيٸسكەن جوقپىز. قازٸرگٸ جاعدايدا سٸزدەر شەكارانىڭ ارعى جاعىندا ۇستاپ وتىرعان اقشالارىڭىزدان ايىرىلاسىزدار! ٶزدەرٸنٸز سەزٸپ جاتقان بولارسىز. سانكتسييالىق سوعىس قىزىپ تۇر. وندايدا سٸزدەرگە ەشكٸم كٶمەكتەسە المايدى. اقشانى قازاقستانعا قايتارىڭدار دا, وسىندا ۇستاڭدار! قانداي كەپٸلدٸك كەرەك? مەن تيٸستٸ زاڭداردى دا, جارلىقتاردى دا شىعارىپ بەرەمٸن. ولاي ٸستەمەيمٸن دەسەڭدەر, بٸز ٶزٸمٸز ٸستەيمٸز. ارتىنان رەنٸش بولماسىن», - دەدٸ نۇرسۇلتان نازارباەۆ بٷگٸن يندۋسترييالاندىرۋ كٷنٸنە ارنالعان جالپىۇلتتىق تەلەكٶپٸر كەزٸندە.
«بٸز جٷرگٸزٸپ وتىرعان ساياساتتىڭ جەنە نارىقتىق جاعدايدى قالىپتاستاستىرۋدىڭ ارقاسىندا ەلٸمٸزدە اۋقاتتى دا باي ازاماتتار پايدا بولدى. مەن دە قازاقستاندا دەۋلەتتٸ ازاماتتاردىڭ بولعانىن قالادىم. الايدا قازٸرگٸ تاڭدا ولار قازاقستانداعى كاپيتالىن سىرتقا شىعارىپ, ونى سوندا ساقتاۋدا. ولار تيٸمسٸز نەمەسە كٷمەن تۋعىزاتىن ەكسپورتتىق-يمپورتتىق كەلٸسٸمدەر ارقىلى كاپيتالدى سىرتقا شىعارىپ وتىر. بۇل ادامدى الداۋ عوي. قارجى سالاسىنداعى زاڭنامالار كەلٸسٸمشارتتار ارقىلى كٷردەلٸ ٸس-ەرەكەتتەر جاساۋعا مٷمكٸندٸك بەرەدٸ. وسىلايشا, ولار جاۋاپكەرشٸلٸكتەن ۇزاق جىلدارعا بوساتىلادى. بٷگٸندە 27 مىڭ سىرتقى ەكونوميكالىق كەلٸسٸم-شارت بويىنشا 7,7 ملرد دوللار قارىز بار. وعان 2 جىلدان استام ۋاقىت بولدى. زاڭ بۇعان شەكتەۋ قويا المايدى», — دەپ, ٶز ويىن ناقتىلادى.
پرەزيدەنتتٸڭ ايتۋىنشا, بٷگٸندە 18 وتاندىق كومپانييا 12,5 ملرد دوللاردى شەتەلدە ۇستاپ وتىر. اتاپ ايتقاندا, «تەڭٸز شەۆرويل» كومپانيياسى - 4,5 ملرد دوللار, «قازمۇنايگاز» ۇلتتىق كومپانيياسى - 3 ملرد دوللار, «قازمۇنايگاز بارلاۋ مەن ٶندٸرۋ» كومپانيياسى - 2 ملرد دوللار, «ازييا گاز قۇبىرى» جشس - 1 ملرد-تان استام, «بەينەۋ-شىمكەنت» گاز قۇبىرى» جشس - 100 ملن دوللار, بۇدان بٶلەك, «شىعىس تسەمەنت», «جايىق مۇناي», كاسپيي قۇبىرى كونسورتسيۋمى جەنە تاعى باسقا كومپانييالار شەتەلدە قىرۋار قاراجاتتى ۇستاپ كەلەدٸ.
«نەگە ولاي ٸستەيسٸزدەر? قازاقستاننىڭ رەسۋرستارىن ساتىپ, اقشا تاباسىزدار? ال تابىستى شەتەلدە ۇستايسىزدار. نەگە ول اقشا وسىندا اينالىپ, ەل ەكونوميكاسىنا جۇمىس ٸستەمەيدٸ? جارتى جىلدىڭ ٸشٸندە مەملەكەتكە قاراستى كومپانييالار شەتەلدەگٸ قارجىسىن 2 ملرد دوللاردان 6 ملرد-قا دەيٸن ۇلعايتتى. سٸزدەر نەنٸ كٷتٸپ وتىرسىزدار?! مەن وسىنى تٷسٸنبەيمٸن», - دەپ اتاپ كٶرسەتتٸ پرەزيدەنت.
وسى ورايدا ەلباسى ەربٸر كومپانييا باسشىسىمەن جەكە-جەكە سٶيلەسۋدٸ تاپسىردى. ٷكٸمەت باسشىسى باقىتجان ساعىنتاەۆقا اتالعان ولقىلىقتاردى جويۋ ٷشٸن تيٸستٸ زاڭ دايىنداۋعا تاپسىرما بەردٸ.
«باقىتجان ەبدٸرۇلى, ەرتەڭنەن باستاپ ولاردى (تٷرمەگە – اۆتور) وتىرعىزاتىن, (اقشانى – اۆتور) قايتاراتىن زاڭدى دايىنداي بەرٸڭٸزدەر. اقشانى قايتارماسا, مەن ولارمەن باسقاشا سٶيلەسەمٸن. وسىنى بٷكٸل قازاقستاننىڭ الدىندا ەسكەرتٸپ قويايىن. بٸز ول اقشانى قايتارۋدىڭ جولىن تابامىز. بٸراق ول كەزدە سٸزدەر بولمايسىزدار. سٸزدەرگە جامان بٸر نەرسە ٸستەيمٸز دەپ وتىرعان جوقپىن. مەملەكەت سٸزدەرگە اقشا جاساۋعا جاعداي جاسادى. سٸزدەر بولسا, ول اقشانى مەملەكەتتەن تىعىپ وتىرسىزدار. ولاي بولمايدى. جەتەدٸ وسىمەن», - دەدٸ نۇرسۇلتان ەبٸشۇلى.
