قازاقستان پرەزيدەنتٸ نۇرسۇلتان نازارباەۆ ٷكٸمەتتٸڭ جۇمىسىن سىنعا الدى, دەپ حابارلايدى Sputnik قازاقستان تٸلشٸسٸ.
پرەزيدەنت ەكونوميكاعا تيٸمدٸ جوبالار مەن بەسەكەگە قابٸلەتتٸ كەسٸپورىندار كەرەك ەكەنٸن اتاپ ٶتتٸ. ايتۋىنشا, تەك سوڭعى ٷش جىلدا بانكروتتىقتىڭ الدىندا تۇرعان كەسٸپورىندار سانى شامامەن 2 ەسەگە ٶسكەن.
"بانك اقشا بەرمەيدٸ دەپ شۋلايسىڭدار, ال ول كٸمگە بەرەدٸ? بارلىق جەردە كەسٸپورىندار بانكروت. ەشكٸم كەپٸلدٸك بەرە المايدى, ەشكٸم اقشانى قايتارا المايدى. كٸمگە بەرەدٸ, قايتارىپ بەرەتٸن ادامدار جوق. قازٸر وسى بەرەشەك 4 تريلليون تەڭگەدەن اسادى", — دەدٸ نازارباەۆ ٷكٸمەتتٸڭ كەڭەيتٸلگەن وتىرىسىندا.
ەلباسى قارجى جٷيەسٸن مىسالعا كەلتٸردٸ.
"مەسەلەن, بانك قۇرىلادى, جۇمىس ٸستەي باستايدى, ادامدار سەنٸپ, اقشاسىن ساقتايدى. كۆازيمەملەكەتتٸك سەكتور اقشاسىن قۇيادى. سودان كەيٸن اكتسيونەرلەر سول اقشانى شەتەلگە شىعارىپ, ۇرلاي باستايدى. بٸزدە ولاردى تٷرمەگە قامايتىن زاڭ جوق. بٷكٸل ەلەمدە سولاي. بەرٸ قاشىپ كەتەدٸ, بٸز ارتىنان جٷگٸرەمٸز", — دەيدٸ مەملەكەت باسشىسى.
نازارباەۆ ۇلتتىق بانك پەن ٷكٸمەتكە اكتسيونەرلەردٸڭ ٶز بانكٸن توناپ, قاشىپ كەتپەۋٸن قاداعالاۋدى تاپسىردى.
"بانكروتتىق ينستيتۋتى نارىقتىق ەلدەردە كەڭ تارالعان قۇبىلىس. سەندەر مينيستر ەمەس, بار بولعانى قورقاقسىڭدار. اياق-قولدارىڭ دٸرٸلدەپ, شەشٸم قابىلداي المايسىزدار?
سوندا نە ٷشٸن جۇمىس ٸستەپ جٷرسٸڭدەر? بارلىق بانكتەردٸ تازارتىڭدار, سوندا مەن بۇل ٷكٸمەت ٶز مٸندەتٸن ادال ورىندادى دەپ سانايمىن, سوسىن وسىمەن وتستاۆكاعا كەتٸڭدەر. مٸنە, سوندا بۇل ناعىز جۇمىس بولادى", – دەپ اشۋلاندى پرەزيدەنت.
"بەرٸمٸز بٸردەڭە جاساپ جٷرگەندەي قول سٸلتەيمٸز, بٸراق ناقتى جۇمىس جوق. پرەمەر-مينيستر جەكە باقىلاۋىنا السىن. بۇل مەسەلەنٸ شەشسٸن. مەن "كەتٸڭدەر" دەپ جاي ايتتىم. ەشقايدا كەتپەڭدەر, جۇمىستارىڭدى ٸستەپ, بايانداڭدار", — دەپ تٷيٸندەدٸ نازارباەۆ.
