مەملەكەت باسشىسى «سامۇرىق-قازىنا» ۇلتتىق ەل-اۋقات قورىن باسقارۋ جٶنٸندەگٸ كەڭەستٸڭ وتىرىسىن ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىنعا پرەمەر-مينيستر ب.ساعىنتاەۆ, پرەزيدەنت ەكٸمشٸلٸگٸنٸڭ باسشىسى ە.جاقسىبەكوۆ, ۇلتتىق بانك تٶراعاسى د.اقىشەۆ, «سامۇرىق-قازىنا» اكتسيونەرلٸك قوعامى باسقارماسىنىڭ تٶراعاسى ا.ەسٸموۆ, پرەمەر-مينيستردٸڭ ورىنباسارلارى ا.مامين جەنە ا.جۇماعاليەۆ, پرەزيدەنتتٸڭ كٶمەكشٸسٸ ە.سمايىلوۆ, ينۆەستيتسييالار جەنە دامۋ مينيسترٸ ج.قاسىمبەك, ۇلتتىق ەكونوميكا مينيسترٸ ت.سٷلەيمەنوۆ, قارجى مينيسترٸ ب.سۇلتانوۆ, ەنەرگەتيكا مينيسترٸ ق.بوزىمباەۆ, «سامۇرىق-قازىنا» اكتسيونەرلٸك قوعامىنىڭ تەۋەلسٸز ديرەكتورى ر.ەۆانس, ۇلتتىق كومپانييالار مەن كەسٸپورىنداردىڭ جەتەكشٸلەرٸ قاتىستى.
باسقوسۋ بارىسىندا «سامۇرىق-قازىنا» اكتسيونەرلٸك قوعامىنىڭ جاڭارعان دامۋ ستراتەگيياسى مەن قوردى ترانسفورماتسييالاۋ باعدارلاماسىن قابىلداۋ مەسەلەلەرٸ تالقىلاندى.
كەزدەسۋدٸ اشقان قازاقستان پرەزيدەنتٸ ۇلتتىق ەكونوميكامىزدى نىعايتۋ جەنە ودان ەرٸ دامىتۋ ٸسٸندە «سامۇرىق-قازىنا» ەل-اۋقات قورىنىڭ جۇمىسى ستراتەگييالىق ماڭىزعا يە بولىپ وتىرعانىن اتاپ ٶتتٸ.
– «سامۇرىق-قازىنا» ۇلتتىق ەل-اۋقات قورى ەل ەكونوميكاسىندا ماڭىزدى رٶل اتقارادى. قوردى دامىتۋ جٶنٸندەگٸ العاشقى ۇزاق مەرزٸمدٸ ستراتەگييا 2012 جىلى قابىلداندى. ول ەلەمدٸك قارجى داعدارىسىنىڭ سالدارىنا قارسى تۇرۋ ماقساتىمەن ەزٸرلەنگەن بولاتىن. سوڭعى جىلدارى احۋال ٶزگەردٸ. ەكونوميكامىز سىرتقى فاكتورلاردىڭ ەسەرٸنە تٶتەپ بەرٸپ, ورنىقتى دامۋ جولىنا تٷستٸ. كٶپ جۇمىس اتقارىلدى, – دەدٸ ەلباسى.
نۇرسۇلتان نازارباەۆ قوردى دامىتۋ ٷشٸن اتقارىلعان جۇمىستارعا وڭ باعا بەرٸپ, بۇعان دەيٸن قابىلدانعان باعدارلامالاردى قازٸرگٸ جاعدايلارعا سەيكەس جاڭارتۋ قاجەتتٸگٸن ايتتى.
– بٸز ەكونوميكامىزدى ٷشٸنشٸ جاڭعىرتۋ جولىنا تٷسٸپ, تسيفرلاندىرۋ جٶنٸندەگٸ جۇمىستارعا بەلسەندٸ تٷردە كٸرٸستٸك. ەلٸمٸزدٸڭ 2025 جىلعا دەيٸنگٸ دامۋ ستراتەگيياسى قابىلداندى. وسى ورايدا, «سامۇرىق-قازىنا» ۇلتتىق ەل-اۋقات قورىنىڭ جاڭا دامۋ ستراتەگيياسىن دا قابىلداۋ قاجەتتٸلٸگٸ تۋىنداپ وتىر. سونداي-اق, قوردى ترانسفورماتسييالاۋ باعدارلاماسىن جاڭارتۋ قاجەت. بۇل باعدارلامانىڭ نەتيجەلەرٸ قور كومپانييالارىنىڭ قىزمەتٸندە دە كٶرٸنۋگە تيٸس, – دەدٸ مەملەكەت باسشىسى.
وتىرىس بارىسىندا «سامۇرىق-قازىنا» اكتسيونەرلٸك قوعامى ديرەكتورلار كەڭەسٸنٸڭ تٶراعاسى – پرەمەر-مينيستر ب.ساعىنتاەۆتىڭ, «سامۇرىق-قازىنا» اكتسيونەرلٸك قوعامى باسقارماسىنىڭ تٶراعاسى ا.ەسٸموۆتٸڭ, «سامۇرىق-قازىنا» اق تەۋەلسٸز ديرەكتورى ر.ەۆانستىڭ ەسەپتەرٸ تىڭدالدى. جيىنعا قاتىسۋشىلارعا «سامۇرىق-قازىنا» اكتسيونەرلٸك قوعامىنىڭ 2018-2028 جىلدارعا ارنالعان جاڭارعان دامۋ ستراتەگيياسى جەنە ترانسفورماتسييالاۋ باعدارلاماسى تانىستىرىلدى. ادامي كاپيتالدى دامىتۋ جەنە قوردىڭ كادر ەلەۋەتٸن تيٸمدٸ پايدالانۋ مەسەلەلەرٸنە ەرەكشە نازار اۋدارىلدى.
نۇرسۇلتان نازارباەۆ بايانداماشىلاردى تىڭداپ, جيىنعا قاتىسۋشىلاردىڭ نازارىن تيٸستٸ شارالار قابىلداۋدى قاجەت ەتەتٸن بٸرقاتار مەسەلەگە اۋداردى.
– قوردى باسقارۋدىڭ تيٸمدٸلٸگٸن ارتتىرۋ مەسەلەسٸنە توقتالايىق. قور كومپانييالارىن باسقارۋدىڭ كٶپ دەڭگەيلٸ جٷيەسٸ ەلٸ كٷنگە دەيٸن ەرەكەت ەتٸپ كەلەدٸ. بۇل شەشٸمدەر قابىلداۋدى كٷردەلەندٸرەدٸ, سانى كٶپ ەكٸمشٸلٸك-باسقارۋشىلىق پەرسونالدى ۇستاۋ ٷشٸن ەلەۋلٸ قارجى رەسۋرستارىن تالاپ ەتەدٸ. باسقارۋ دەڭگەيلەرٸن قىسقارتۋ قاجەت, – دەدٸ مەملەكەت باسشىسى.
قازاقستان پرەزيدەنتٸ سونداي-اق قوردىڭ اكتيۆتەرٸن جەكەشەلەندٸرۋ جٶنٸندەگٸ جۇمىستى جالعاستىرۋدىڭ ماڭىزدىلىعىنا نازار اۋدارىپ, بۇل باعدارلاماعا شەتەلدٸك ينۆەستورلار زور قىزىعۋشىلىق تانىتىپ وتىرعانىن ايتتى.
نۇرسۇلتان نازارباەۆ قور كومپانييالارىن تسيفرلاندىرۋ ٷدەرٸسٸنە ارنايى توقتالىپ, تٶرتٸنشٸ ٶنەركەسٸپتٸك رەۆوليۋتسييا جاعدايىندا بۇل باعدارلامانىڭ ٶزەكتٸلٸگٸن جەنە دەر كەزٸندە ۇسىنىلىپ وتىرعانىن اتاپ ٶتتٸ.
بۇدان بٶلەك, مەملەكەت باسشىسى قوردىڭ ٸرٸ ينۆەستيتسييالىق جوبالارىنا قاتىستى جٷيەلٸ شەشٸم قابىلداۋ قاجەتتٸگٸن ايتتى.
جيىن سوڭىندا قازاقستان پرەزيدەنتٸ «سامۇرىق-قازىنا» اكتسيونەرلٸك قوعامىنىڭ 2018-2028 جىلدارعا ارنالعان جاڭارعان دامۋ ستراتەگيياسىن جەنە قوردى ترانسفورماتسييالاۋ باعدارلاماسىن ماقۇلداپ, ونىڭ ەرٸ قاراي جٷزەگە اسىرىلۋىن ەرەكشە باقىلاۋعا الۋدى تاپسىردى.
– ۇلتتىق ەل-اۋقات قورىنىڭ جۇمىسى قازاقستاندىقتاردىڭ تۇرمىسىن جاقسارتۋعا جەنە ەل ەكونوميكاسىن كٶتەرۋگە باعىتتالۋى كەرەك. دامۋدىڭ جاڭا ستراتەگيياسى مەن ترانسفورماتسييالاۋ باعدارلاماسى قور جۇمىسىنىڭ تيٸمدٸلٸگٸن ارتتىرىپ قانا قويماي, ۇلتتىق ەكونوميكانىڭ ودان ەرٸ دامۋىنا دا ىقپال ەتەدٸ. وسىعان وراي ٷكٸمەت قور باسشىلىعىمەن بٸرلەسٸپ, وسى باعدارلامالاردى جٷزەگە اسىرۋ باعىتىندا بەلسەندٸ جۇمىس جٷرگٸزۋٸ قاجەت, – دەدٸ ەلباسى.
