مەملەكەت باسشىسىنىڭ تٶراعالىعىمەن ٸشكٸ ٸستەر ورگاندارىنىڭ قىزمەتٸن جاڭعىرتۋ مەسەلەلەرٸنە ارنالعان كەڭەس ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىندى اشقان قازاقستان پرەزيدەنتٸ قۇقىقتىق تەرتٸپتٸ قامتاماسىز ەتۋ جەنە قىلمىسقا قارسى كٷرەس جٷرگٸزۋ مەسەلەلەرٸن قاتاڭ باقىلاۋدا ۇستاپ وتىرعانىن ايتتى.
نۇرسۇلتان نازارباەۆ ٸشكٸ ٸستەر ورگاندارىنىڭ كٷش جۇمىلدىرۋىنىڭ ارقاسىندا سوڭعى ٷش جىلدا قىلمىس دەڭگەيٸ 17,5 پايىزعا ازايعانىن اتاپ ٶتتٸ.
– ادامدار قىلمىستىق ەرەكەتتەن قورعانۋ ٷشٸن, ەڭ الدىمەن, پوليتسيياعا بارادى. تەۋەلسٸزدٸك جىلدارى 779 پوليتسييا قىزمەتكەرٸ قازا تاۋىپ, ەكٸ جارىم مىڭعا جۋىعى جاراقات الدى. مۇنى ەستەن شىعارماۋ كەرەك. سونىمەن قاتار, ٸشكٸ ٸستەر ورگاندارىنىڭ قازٸرگٸ جاعدايى قوعام تالابىنا تولىق جاۋاپ بەرە الماي وتىر, – دەدٸ ەلباسى.
مەملەكەت باسشىسى پوليتسەيلەردٸڭ ازاماتتارمەن ٶزارا قارىم-قاتىناسىنىڭ قازٸرگٸ ستاندارتتارى ەسكٸرگەنٸن ەرٸ زامان تالابىنا ساي كەلمەيتٸنٸن اتاپ ٶتتٸ.
– ٸشكٸ ٸستەر ورگاندارىنىڭ جۇمىسى قوعام كٷتكەن سەنٸمدٸ تولىق اقتاي الماي وتىر, ازاماتتاردىڭ كٶڭٸل تولماستىعىن تۋعىزۋدا. ادامدار ٶزدەرٸن قاۋٸپسٸز سەزٸنە المايدى. بٸز ونسىز باستى باعدارىمىز سانالاتىن قازاقستاندىقتاردىڭ جوعارى ساپالى ٶمٸر سٷرۋٸن قامتاماسىز ەتە المايمىز. سوندىقتان, پوليتسييانى رەفورمالاۋ ٸسٸنە شۇعىل كٸرٸسۋٸمٸز قاجەت, – دەدٸ قازاقستان پرەزيدەنتٸ.
نۇرسۇلتان نازارباەۆ بيىلعى جولداۋدىڭ باعىتتارىنا ساي ٸشكٸ ٸستەر سالاسىندا مازمۇندى ەرٸ ساپالى ٶزگەرٸستەر جاساۋ قاجەتتٸگٸنە توقتالدى.
وتىرىس بارىسىندا كٷن تەرتٸبٸنە سەيكەس پرەزيدەنت ەكٸمشٸلٸگٸنٸڭ باسشىسى ە.يسەكەشەۆ پەن ٸشكٸ ٸستەر مينيسترٸ ق.قاسىموۆ بايانداما جاسادى.
ەلباسى بەرٸلگەن مەلٸمەتتەردٸ نازارعا الىپ, جوسپارلانعان بارلىق ٸس-شارانى مۇقييات پىسىقتاۋ قاجەت ەكەنٸن ايتتى.
مەملەكەت باسشىسى جاڭعىرتۋدىڭ ماڭىزدىلىعىنا توقتالىپ, ٸشكٸ ٸستەر ورگاندارىنىڭ قۇرىلىمى مەن شتاتىن وڭتايلاندىرۋدى, سونداي-اق ٶزٸنە تەن ەمەس فۋنكتسييالاردى الىپ تاستاۋدى تاپسىردى.
– ارتىق نەرسەنٸڭ بەرٸنەن ارىلىپ, قىلمىسپەن كٷرەس جٷرگٸزۋ جەنە قۇقىقتىق تەرتٸپتٸ ساقتاۋ ٸسٸنە مەن بەرۋ كەرەك. قۇرىلىمدار وڭتايلاندىرىلادى. سونىڭ نەتيجەسٸندە بٸر باسشىنىڭ قاراماعىندا ٷشەۋ ەمەس, بەس ادام بولادى.
شتات سانى 10 پايىزعا قىسقارادى. وسى شارالار پوليتسەيلەر سانىنىڭ 100 مىڭ ادامعا شاققاندا 471 پوليتسەيدەن كەلۋٸن 424-كە دەيٸن تٶمەندەتۋگە جول اشتى. بۇل ەۋروپالىق ورتاشا دەڭگەيگە سەيكەس كەلەدٸ. وسىعان وراي, 16 ميلليارد تەڭگە ٷنەمدەلمەك, – دەدٸ قازاقستان پرەزيدەنتٸ.
نۇرسۇلتان نازارباەۆ ٷنەمدەلگەن قاراجاتتى قىزمەتكەرلەردٸڭ ەڭبەكاقىسى مەن ەلەۋمەتتٸك قامتۋ جٷيەسٸن جاقسارتۋعا جۇمساۋدى تاپسىردى. ەلباسى قوسىمشا ٸشكٸ رەزەرۆتەردٸ ٸزدەۋ جەنە تيٸمسٸز ەكٸمشٸلٸك شىعىنداردى بولدىرماۋ جٶنٸندە جٷيەلٸ جۇمىس جٷرگٸزۋ قاجەتتٸگٸن دە ايتتى.
– پوليتسەيلەردٸڭ جالاقىسىن ارتتىرۋعا قوسىمشا 21,4 ميلليارد تەڭگە بٶلٸنەتٸن بولادى. مۇنىڭ بەرٸ – حالىقتىڭ اقشاسى. پوليتسييانى, ارمييانى جەنە سوتتاردى سالىق تٶلەۋشٸلەردٸڭ قاراجاتى ەسەبٸنەن ۇستاپ وتىرمىز. سوندىقتان, ازاماتتارىمىز قۇقىق قورعاۋ ورگاندارىنىڭ ٶز مٸندەتٸن مٸنسٸز اتقارۋىن تالاپ ەتەدٸ, – دەدٸ مەملەكەت باسشىسى.
قازاقستان پرەزيدەنتٸ قىلمىسقا قارسى كٷرەس جٷرگٸزەتٸن جەنە قوعامدىق تەرتٸپتٸ ساقتاۋ ٸسٸمەن تٸكەلەي اينالىساتىن قىزمەتكەرلەردٸڭ تۇرعىن ٷي مەسەلەلەرٸن شەشۋ ٷشٸن قابىلدانعان شارالارعا دا توقتالدى. بۇل شارالار پوليتسييا جۇمىسىنىڭ ەڭ ماڭىزدى دەگەن باعىتتارىنا بٸلٸكتٸ جاڭا كادرلاردى تارتۋعا, سونداي-اق, قوعامدىق تەرتٸپتٸ كٷزەتەتٸن جەنە قىلمىسقا قارسى كٷرەس جٷرگٸزۋ قىزمەتٸن اتقاراتىن بٶلٸمشەلەردٸ كٷشەيتۋگە مٷمكٸندٸك بەرەدٸ.
ەلباسى پوليتسييا قىزمەتكەرٸنٸڭ تەرٸس قىلىق جاساعانى ٷشٸن ٸشكٸ ٸستەر ورگاندارىنداعى قىزمەتٸنەن بوساتىلىپ, بارلىق جەڭٸلدٸكتەن ايىرىلاتىنىن ايتتى.
– بٸزگە جاڭا فورماتسييانىڭ پوليتسەيلەرٸ قاجەت. كادرلاردى ٸرٸكتەۋ, دايارلاۋ جەنە ٸلگەرٸلەتۋ جٷيەسٸ قايتا قاراستىرىلاتىن بولادى. ۆەدومستۆولىق بٸلٸم بەرۋ ٸسٸ ايتارلىقتاي ٶزگەرەدٸ. مامانداردى دايارلاۋ ساپاسى ەلەمدٸك ستاندارتتارعا ساي كەلەتٸن زاماناۋي پوليتسييا اكادەمييالارى قاجەت, – دەدٸ مەملەكەت باسشىسى.
قازاقستان پرەزيدەنتٸ ٸشكٸ ٸستەر مينيسترلٸگٸنە تيەسٸلٸ 12 وقۋ ورنىنىڭ ٷزدٸك بەسەۋٸ عانا قالاتىنىن ايتىپ, وعان جوعارى جالاقى تٶلەنەتٸن مەيلٸنشە بٸلٸكتٸ وقىتۋشىلار ٸرٸكتەلٸپ الىناتىنىن اتاپ ٶتتٸ.
– قازٸرگٸ پوليتسەيلەردٸ كەزەكتەن تىس اتتەستاتسييا كٷتٸپ تۇر. زاماناۋي ستاندارتتارعا ساي كەلەتٸن قىزمەتكەرلەر عانا قالادى. وسى سىناقتان ٶتپەگەندەردٸڭ ورنىنا لايىقتى قىزمەتكەرلەردٸ الۋ كەرەك. قازاقستاندا ٸرٸكتەۋدٸ ساپالى جٷرگٸزۋگە زور مٷمكٸندٸكتەر بار – جىل سايىن ەلٸمٸزدٸڭ جوعارى وقۋ ورىندارى 20 مىڭنان استام زاڭگەر دايىنداپ شىعارۋدا, – دەدٸ ەلباسى.
سونداي-اق, مەملەكەت باسشىسى ٸشكٸ ٸستەر ورگاندارىنان جۇمىستىڭ سەرۆيستٸك مودەلٸنە كٶشۋدٸ تالاپ ەتتٸ.
– جىل سايىن پوليتسيياعا 4,5 ميلليوننان استام ازامات شاعىمدانادى, ال ولاردى قابىلداۋ ٷشٸن جاعداي جاسالماعان. ەگەر باسىنا ٸس تٷسكەن ادام كەلسە, ونى تەزٸرەك ەرٸ سىپايىلىقپەن قابىلداۋ كەرەك. بٸراق بۇل – بٸتەر ٸستٸڭ جارتىسى عانا. ونىڭ پروبلەماسىن شۇعىل ەرٸ زاڭعا سەيكەس قاراستىرۋ قاجەت. حالىقپەن جۇمىس ٸستەۋدٸڭ زاماناۋي فورماتى دەگەنٸمٸز وسى, – دەدٸ قازاقستان پرەزيدەنتٸ.
نۇرسۇلتان نازارباەۆ جۇمىس كەستەسٸ ىڭعايلى, سونداي-اق جايلى, تەحنيكالىق تۇرعىدان جاقسى جاراقتاندىرىلعان فرونت-كەڭسەلەر قۇرۋدى تاپسىردى.
– قىزمەتكەرلەردٸڭ جۇمىسىندا دٶرەكٸلٸك پەن مەنسٸنبەۋشٸلٸك بولماۋعا تيٸس. بٸرەۋ قىلمىستىڭ قۇربانى بولسا, نەمەسە وعان سونداي بٸر قاۋٸپ تٶنسە, ول قاۋٸپسٸزدٸكتٸ سەزٸنبەيٸنشە, جايلى ٶمٸر سٷرٸپ, جۇمىس ٸستەي المايدى, – دەدٸ ەلباسى.
سونىمەن بٸرگە, قازاقستان پرەزيدەنتٸ پوليتسييا قىزمەتٸن باعالاۋدىڭ جاڭا كريتەرييلەرٸن ەنگٸزۋدٸ تاپسىردى.
– كريتەرييلەر شىنايى ەرٸ تەكسەرٸلەتٸن بولۋعا تيٸس, سونداي-اق وندا پوليتسييا جۇمىسىنىڭ ساپالى ورىندالۋى مەن وسى جۇمىستاردىڭ تيٸمدٸلٸگٸنە حالىقتىڭ باعا بەرۋٸ كٶرٸنٸس تابۋى كەرەك. بۇل ٷشٸن مەملەكەتتٸك ورگانداردىڭ ستاتيستيكالىق مەلٸمەتتەرٸمەن قاتار, ەلەۋمەتتٸك زەرتتەۋلەردٸ دە پايدالانۋ قاجەت. ازاماتتاردىڭ سەنٸمٸ, جايلى تۇرمىسى مەن قاۋٸپسٸزدٸگٸ پوليتسييانىڭ تيٸمدٸلٸگٸن باعالاۋدىڭ نەگٸزٸنە اينالادى. ەسەپتٸك كٶرسەتكٸشتەردٸ ارتتىرۋ ٷشٸن جۇمىس ٸستەۋ ٶتكەننٸڭ ەنشٸسٸندە قالۋعا تيٸس, – دەدٸ قازاقستان پرەزيدەنتٸ.
سونىمەن قاتار, مەملەكەت باسشىسى قوعامدىق تەرتٸپتٸ قامتاماسىز ەتۋ جٶنٸندەگٸ جۇمىسقا تسيفرلىق تەحنولوگييانى ەنگٸزۋدٸڭ ماڭىزدىلىعىنا نازار اۋداردى.
– ٸشكٸ ٸستەر ورگاندارىنىڭ جۇمىسىنا تسيفرلىق تەحنولوگييانى جاپپاي ەنگٸزۋ قاجەت. جولداۋدا كٶرسەتٸلگەندەي, قازاقستاننىڭ بارلىق قالالارى قوعامدىق قاۋٸپسٸزدٸككە مونيتورينگ جٷرگٸزۋ جٷيەلەرٸمەن جابدىقتالادى. تۇرعىندارمەن ونلاين رەجٸمدەگٸ كەرٸ بايلانىستى جاقسارتۋعا مٷمكٸندٸك بەرەتٸن قىزمەت تٷرلەرٸ ەنگٸزٸلەتٸن بولادى. زاماناۋي تەحنولوگييا پوليتسييا قىزمەتٸنٸڭ بارلىق سالاسىن قامتيدى, – دەدٸ نۇرسۇلتان نازارباەۆ.
قازاقستان پرەزيدەنتٸ تسيفرلاندىرۋدىڭ سىبايلاس جەمقورلىقتى ازايتۋعا, سونداي-اق, باسقارۋ بۋىندارى مەن شتات سانىن ودان ەرٸ وڭتايلاندىرۋعا سەپتٸگٸن تيگٸزەتٸنٸن اتاپ ٶتتٸ.
مەملەكەت باسشىسى پوليتسييا قىزمەتٸن عانا ەمەس, سونداي-اق ٸشكٸ ٸستەر مينيسترلٸگٸنٸڭ باسقا دا قۇرىلىمدارىن رەفورمالاۋ قاجەتتٸگٸن ايتتى.
– قىلمىستىق-اتقارۋ جٷيەسٸنە دە ماڭىزدى ٶزگەرٸستەر ەنگٸزٸلەتٸن بولادى. زورلىق-زومبىلىق جاساعان قىلمىسكەرلەر باسقا سوتتالۋشىلاردان بٶلەك ۇستالادى, – دەدٸ نۇرسۇلتان نازارباەۆ.
ەلباسى كٶشەلەردەگٸ جەنە باسقا دا قوعامدىق ورىندارداعى قىلمىس دەڭگەيٸن مەيلٸنشە تٶمەندەتۋ جٶنٸندە شارالار قابىلداۋدى تاپسىردى.
– ادامدار ٶز بولاشاعىنا الاڭداماۋعا, قاۋٸپسٸزدٸگٸ مەملەكەت تاراپىنان قورعالاتىنىنا سەنٸمدٸ بولۋعا تيٸس. ازاماتتاردىڭ جەكە باسى مەن مٷلٸكتەرٸنٸڭ قاۋٸپسٸزدٸگٸن قامتاماسىز ەتۋدٸڭ ماڭىزى زور. پوليتسييا جۇمىسى تيٸمدٸلٸگٸنٸڭ نەگٸزگٸ كريتەرييٸنٸڭ مەنٸ وسىندا, – دەدٸ مەملەكەت باسشىسى.
