قازاقستان پرەزيدەنتٸ نۇرسۇلتان نازارباەۆ جاستارعا ادال ەڭبەكپەن اقشا تابۋعا كەڭەس بەردٸ, دەپ حابارلايدى Sputnik قازاقستان تٸلشٸسٸ.
"قازاقستاننىڭ 100 جاڭا ەسٸمٸ" جوباسىنىڭ كەزەكتٸ جەڭٸمپازدارىمەن كەزدەسكەن مەملەكەت باسشىسى جاستارعا نەنٸڭ ۇيات, نەنٸڭ ۇيات ەمەس ەكەنٸن اجىراتىپ بەردٸ.
"مەن پەتەر جيناۋ ۇيات ەمەس ەكەنٸن جاستارعا ٷنەمٸ ايتىپ جٷرەمٸن. راس قوي?! جۇمىسسىز ەرٸ باقىتسىز بولۋ ۇيات. وسىنشا جۇمىس تۇرعان كەزدە, ەيەلدەرگە ٶز تەنٸن ساتۋ ۇيات", - دەدٸ نازارباەۆ كەزدەسۋ بارىسىندا.
پرەزيدەنت ادامدارعا بالا باعۋ, پەتەر جيناۋ, تاماق دايىنداۋ سەكٸلدٸ نەشە تٷرلٸ قىزمەت كٶرسەتەتٸن كومپانييانى مىسالعا كەلتٸردٸ.
"ولار وسىلاي اقشا تاۋىپ جٷر. مٸنە, بۇل جۇمىس", - دەدٸ ەلباسى.
سونىمەن قاتار, مەملەكەت باسشىسى ۇلتتى ساقتاپ قالۋ ٷشٸن قىزداردى ايالاۋعا شاقىردى. ول قىزدار از دٷنيەگە كەلەتٸن مەملەكەتتٸڭ بولاشاعى جوق ەكەنٸن اتاپ ٶتتٸ.
"مەملەكەتتە ەيەلدەر ازايعان سايىن, ۇلت جويىلادى", - دەدٸ نازارباەۆ.
وسى ورايدا پرەزيدەنت قىتايداعى ستاتيستيكانى مىسال ەتتٸ.
"قىتايدا ەرلەر ەيەلدەرگە قاراعاندا 60 ميلليونعا كٶپ. ولار ٶزٸنٸڭ ٶمٸرلٸك سەرٸگٸن تابۋ ٷشٸن باسقا ەلدەرگە بارادى. ەرٸ-بەرٸدەن سوڭ, 3000 جىلعا قاراي قازٸر قىزدارى از ۇلتتاردىڭ جوق بولاتىنىن ەسەپتەپ قويعان. مۇنى ويلاۋدىڭ ٶزٸ قيىن, سوندىقتان قىزدارىمىزدى ايالايىق", - دەدٸ نازارباەۆ.
ايتا كەتسەك, بٷگٸن "رۋحاني جاڭعىرۋ" باعدارلاماسى اياسىندا "قازاقستاننىڭ 100 جاڭا ەسٸمٸ" جوباسىنىڭ ەكٸنشٸ كەزەڭٸ قورىتىندىلاندى. جوباعا 2388 ٶتٸنٸم تٷسكەن. ساراپشىلار توبى 200 ٷمٸتكەردٸ ٸرٸكتەپ الدى. سوڭعى ونلاين داۋىس بەرۋ ارقىلى 29 ادام جەڭٸمپاز اتاندى.
