مەملەكەت باسشىسى رەسەي فەدەراتسيياسىنىڭ پرەزيدەنتٸ ۆلاديمير پۋتينمەن كەزدەستٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
نۇرسۇلتان نازارباەۆ تمد ەلدەرٸ باسشىلارىنىڭ بەيرەسمي سامميتٸنە قاتىسۋعا شاقىرعانى ٷشٸن ۆلاديمير پۋتينگە العىس بٸلدٸرٸپ, ٶتكەن كەلٸسسٶزدەردٸڭ تابىستى بولعانىن ايتتى.
– ەلدەرٸمٸز اراسىندا شەشٸمٸن تاپپاعان مەسەلە جوق. تەۋەلسٸزدٸكتٸڭ 26 جىلى ٸشٸندە بٸز بٸر-بٸرٸمٸزگە جاقىن بولا تٷستٸك, شارتتىق بازانى قالىپتاستىرىپ, ٶزارا ىنتىماقتاستىق ٷشٸن قولايلى جاعداي جاسادىق, – دەدٸ قازاقستان پرەزيدەنتٸ.
مەملەكەت باسشىسى ەۋرازييالىق ينتەگراتسييا مەسەلەلەرٸنە ەرەكشە توقتالىپ, قازاقستان مەن رەسەي اراسىنداعى ىنتىماقتاستىقتىڭ تابىستى ەكەنٸن اتاپ ٶتتٸ.
– بٸز بارلىق مەسەلەلەر بويىنشا, سونىڭ ٸشٸندە كاسپيي تەڭٸزٸ, «بايقوڭىر» عارىش ايلاعى جٶنٸندە كەلٸسسٶز جٷرگٸزدٸك. عارىشتى يگەرۋ سالاسىندا ەكولوگييالىق تۇرعىدان تازا جانارمايمەن جۇمىس ٸستەيتٸن زىمىران تاسۋشىلاردىڭ جاڭا تٷرٸن جاساۋ جوسپارلانىپ وتىر, – دەدٸ نۇرسۇلتان نازارباەۆ.
رەسەي فەدەراتسيياسىنىڭ پرەزيدەنتٸ ەكٸجاقتى قارىم-قاتىناستار تابىستى دامىپ كەلە جاتقانىنا توقتالىپ, جوعارى ساراپشىلىق دەڭگەيدەگٸ مامانداردىڭ تسيفرلىق تەحنولوگييالاردى دامىتۋعا ارنالعان كەزدەسۋٸن قازاقستاندا ٶتكٸزۋ جٶنٸندەگٸ باستاماسى ٷشٸن نۇرسۇلتان نازارباەۆقا العىس ايتتى.
– بيىلعى 10 ايدىڭ ٸشٸندە ەلدەرٸمٸز اراسىنداعى تاۋار اينالىمىنىڭ ٶسٸمٸ 34 پايىزدى قۇرادى. ەڭ ماڭىزدىسى ەرٸ پەرسپەكتيۆاعا باعىتتالعانى – تسيفرلىق تەحنولوگييالار سالاسىنداعى بٸزدٸڭ ىنتىماقتاستىعىمىز بەن بٸرلەسكەن جۇمىسىمىز. قازاقستان ەكونوميكا, ٶڭٸرلٸك جەنە حالىقارالىق قاۋٸپسٸزدٸك, سونداي-اق ەلدەرٸمٸزدٸڭ قورعانىس قابٸلەتٸن قامتاماسىز ەتۋ سالالارىندا بٸزدٸڭ نەگٸزگٸ سەرٸكتەسٸمٸز بولدى جەنە سولاي بولىپ قالا بەرمەك, – دەدٸ رەسەي پرەزيدەنتٸ.
سونداي-اق, كەزدەسۋ بارىسىندا مەملەكەتتەر باسشىلارى ەنەرگەتيكا, عارىشتى يگەرۋ جەنە تسيفرلىق ەكونوميكا سالاسىنداعى ىنتىماقتاستىق مەسەلەلەرٸن تالقىلادى.
