قازاقستان پرەزيدەنتٸ مەسكەۋ مەملەكەتتٸك حالىقارالىق قاتىناستار ينستيتۋتىنىڭ تٷلەكتەرٸمەن كەزدەستٸ, دەپ حابارلايدى اقوردانىڭ باسپاسٶز قىزمەتٸ.
كەزدەسۋگە پارلامەنت سەناتىنىڭ تٶراعاسى ق.توقاەۆ, رەسەي فەدەراتسيياسىنىڭ سىرتقى ٸستەر مينيسترٸ س.لاۆروۆ, مەسكەۋ مەملەكەتتٸك حالىقارالىق قاتىناستار ينستيتۋتىنىڭ رەكتورى ا.توركۋنوۆ, ERG كومپانيياسى ديرەكتورلار كەڭەسٸنٸڭ مٷشەسٸ پ.شوديەۆ, قازاقستاننىڭ سىرتقى ٸستەر مينيسترٸ ق.ەبدٸراحمانوۆ قاتىستى.
ەڭگٸمە بارىسىندا نۇرسۇلتان نازارباەۆ مەسكەۋ مەملەكەتتٸك حالىقارالىق قاتىناستار ينستيتۋتىنىڭ مەرتەبەسٸ ەرەكشە ەكەنٸن ايتىپ, ونىڭ ديپلوماتتار مەن سىرتقى ساياسات ۆەدومستۆولارى قىزمەتكەرلەرٸنٸڭ اراسىنداعى بەدەلٸ جوعارى ەكەنٸن اتاپ ٶتتٸ.
- مەسكەۋ مەملەكەتتٸك حالىقارالىق قاتىناستار ينستيتۋتى ٷنەمٸ كٶپشٸلٸك بٸلٸم الۋعا ۇمتىلاتىن ايرىقشا وقۋ ورنى بولدى. جاستارىمىز قازٸر دە سوندا وقىعاندى قالايدى. بٸز مەسكەۋ مەملەكەتتٸك حالىقارالىق قاتىناستار ينستيتۋتىمەن جەنە استانادا فيليالى بار مەسكەۋ مەملەكەتتٸك ۋنيۆەرسيتەتٸمەن تيٸمدٸ بايلانىستار ورناتتىق, - دەدٸ مەملەكەت باسشىسى.
قازاقستان پرەزيدەنتٸ مەملەكەتارالىق ديالوگتى نىعايتۋ مەسەلەسٸنە توقتالىپ, ديپلوماتييالىق كادرلاردى ەۋرازييالىق ەكونوميكالىق وداقتىڭ جۇمىسىنا تارتۋ قاجەتتٸگٸن ايتتى.
كەزدەسۋگە قاتىسۋشىلار استانادا ٶتٸپ جاتقان مەسكەۋ مەملەكەتتٸك حالىقارالىق قاتىناستار ينستيتۋتى تٷلەكتەرٸنٸڭ IV حالىقارالىق فورۋمىنىڭ اۋقىمدىلىعى مەن ونىڭ ەلدەرٸمٸز اراسىنداعى ديپلوماتييالىق بايلانىستاردى كٷشەيتۋدەگٸ رٶلٸن اتاپ ٶتتٸ.
