ەلباسى نۇرسۇلتان نازارباەۆ قىتاي حالىق رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجان سياومەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا قازاقستاننىڭ تۇڭعىش پرەزيدەنتٸ ەكٸ مەملەكەت اراسىندا ورنىققان قارىم-قاتىناستىڭ جوعارى دەڭگەيدە ەكەنٸن اتاپ ٶتٸپ, ونى ەرٸ قاراي دامىتۋدىڭ پەرسپەكتيۆالارىنا توقتالدى.
– سٸزبەن جٷزدەسكەنٸمە قۋانىشتىمىن. تٶراعا سي تسزينپيننٸڭ بٸرلەسكەن جۇمىستارىمىزدىڭ نەتيجەلەرٸ مەن پەرسپەكتيۆالارى تالقىلاناتىن «بٸر بەلدەۋ, بٸر جول» اتتى فورۋمعا قاتىسۋعا شاقىرۋىن ريزاشىلىقپەن قابىل الدىم. سونىمەن قاتار, بٸز جەتٸ جىل بويى ٶزارا تٷسٸنٸستٸك رۋحىندا بٸرلەسە جۇمىس ٸستەگەن قىتاي حالىق رەسپۋبليكاسىنىڭ تٶراعاسىمەن كەلٸسسٶز ٶتكٸزۋ جوسپارلانىپ وتىر, – دەدٸ نۇرسۇلتان نازارباەۆ.
قازاقستاننىڭ تۇڭعىش پرەزيدەنتٸ كٶلٸك-لوگيستيكا سالاسىنداعى بٸرلەسكەن جوبالاردى ٸسكە اسىرۋدىڭ تيٸمدٸلٸگٸن ايتتى.
– بٸز ينفراقۇرىلىمدى دامىتۋ جٶنٸندە اۋقىمدى جۇمىس اتقاردىق. بٸز قىتاي حالىق رەسپۋبليكاسىمەن جەمٸستٸ ىنتىماقتاستىقتى ٶتە جوعارى باعالايمىز جەنە بۇل ٶزارا تيٸمدٸ قاتىناستاردى جالعاستىرا بەرەمٸز, – دەدٸ ەلباسى.
سونىمەن قاتار, نۇرسۇلتان نازارباەۆ بارشا قىتاي حالقىن قىتاي حالىق رەسپۋبليكاسىنىڭ 70 جىلدىعىمەن قۇتتىقتاپ, زور تابىس جەنە باق-بەرەكە تٸلەدٸ.
ەلشٸ چجان سياو نۇرسۇلتان نازارباەۆقا قىتاي حالىق رەسپۋبليكاسىنىڭ تٶراعاسى سي تسزينپيننٸڭ زور ٸلتيپاتىن جەتكٸزدٸ.
– «بٸر بەلدەۋ, بٸر جول» اتتى ەكٸنشٸ فورۋم – 37 مەملەكەت پەن ٷكٸمەتتەردٸڭ باسشىلارى قاتىساتىن اۋقىمدى حالىقارالىق شارا. قاتىسۋشىلاردىڭ ٸشٸندە سٸز, نۇرسۇلتان ەبٸشۇلى, بۇل ٸس-شارانىڭ ەڭ ماڭىزدى ەرٸ قۇرمەتتٸ قوناعى بولاسىز, – دەدٸ قحر ەلشٸسٸ.
چجان سياو «بٸر بەلدەۋ, بٸر جول» باستاماسى مەن «نۇرلى جول» جاڭا ەكونوميكالىق ساياساتتىڭ تٷيٸندەسۋٸنٸڭ جەمٸستٸ بولعانىن اتاپ ٶتتٸ.
– بٷگٸندە بٸرلەسكەن 55 جوبانىڭ 9-ى جٷزەگە اسىرىلدى. وسى جىلدىڭ ٸشٸندە تاعى 8 جوبانى اياقتاۋ جوسپارلانۋدا. ىنتىماقتاستىعىمىزدىڭ جەمٸستٸ بولۋى, ەڭ الدىمەن, سٸزدٸڭ سٸڭٸرگەن زور ەڭبەگٸڭٸزدٸڭ ارقاسى, – دەدٸ قحر ەلشٸسٸ.
