قازاقستان پرەزيدەنتٸ نۇرسۇلتان نازارباەۆ قىرعىزستانعا 100 ميلليون دوللار بٶلۋ تۋرالى قۇجاتقا قول قويدى, - دەپ حابارلايدى "ۇلت اقپارات" اقورداعا سٸلتەمە جاساپ.
"مەملەكەت باسشىسى "قازاقستان رەسپۋبليكاسىنىڭ ٷكٸمەتٸ مەن قىرعىز رەسپۋبليكاسىنىڭ ٷكٸمەتٸ اراسىنداعى ەۋرازييالىق ەكونوميكالىق ينتەگراتسييا جاعدايىندا ەكونوميكالىق ىنتىماقتاستىقتى دامىتۋ تۋرالى كەلٸسٸمدٸ راتيفيكاتسييالاۋ تۋرالى" قازاقستان رەسپۋبليكاسىنىڭ زاڭىنا قول قويدى", - دەلٸنگەن اقوردانىڭ سايتىندا.
ايتا كەتەيٸك, پارلامەنت مەجٸلٸسٸنٸڭ جالپى وتىرىسىندا ۇلتتىق ەكونوميكا مينيسترٸ تيمۋر سٷلەيمەنوۆ مامىر ايىندا ەۋرازييالىق ەكونوميكالىق ينتەگراتسييا جاعدايىندا ەكونوميكالىق ىنتىماقتاستىقتى دامىتۋ تۋرالى قازاقستان مەن قىرعىزستان ٷكٸمەتتەرٸ اراسىنداعى كەلٸسٸم اياسىندا قازاقستان قىرعىز ەلٸنە 100 ميلليون دوللار كٶلەمٸندە قارجىلاي كٶمەك كٶرسەتەتٸنٸن حابارلاعان ەدٸ.
"كەلٸسٸمگە سەيكەس قازاقستاندىق تاراپ قىرعىز رەسپۋبليكاسىنىڭ ەۋرازييالىق ەكونوميكالىق وداققا ينتەگراتسيياسى ٷدەرٸسٸنە جەردەمدەسۋ ماقساتىندا قىرعىز تاراپىنا 100 ميلليون اقش دوللارىنا بارابار كٶمەك كٶرسەتەدٸ", - دەگەن ەدٸ سٷلەيمەنوۆ پارلامەنت مەجٸلٸسٸنٸڭ جالپى وتىرىسىندا.
ەسكە سالايىق, قازاقستان 2014 جىلى دا قىرعىز ەلٸنە كٶمەك رەتٸندە 100 ميلليون دوللار بٶلگەن ەدٸ. سول كەزدە كٶرشٸ ەلدٸڭ باسشىسى المازبەك اتامباەۆ قازاقستاندىقتارعا ەلباسىنى قادٸرلەۋگە شاقىرعان. "بٸز ەۋرازييالىق ەكونوميكالىق وداققا ەنٸپ جاتىرمىز. ەرينە, قازاقستاندا ارتىق اقشا جوق. بٸراق قازاقستان قىرعىزستاندى قولداۋعا 100 ميلليون دوللار بٶلٸپ وتىر - باۋىرلاس ەلدەن, باۋىردان باسقا كٸم مۇندايدى جاسايدى?", - دەگەن ەدٸ اتامباەۆ نازارباەۆتىڭ قولىنان وردەنمەن ماراتتالعاننان كەيٸن.
