قازاقستاننىڭ تۇڭعىش پرەزيدەنتٸ نۇرسۇلتان نازارباەۆ كورەيا رەسپۋبليكاسىنىڭ پرەزيدەنتٸ مۋن چجە ينمەن كەزدەستٸ, دەپ حابارلايدى "ۇلت اقپارات" ەلباسىنىڭ باسپاسٶز قىزمەتٸنە سٸلتەمە جاساپ.
ەڭگٸمەلەسۋ بارىسىندا ەلباسى نۇرسۇلتان نازارباەۆ مەرتەبەلٸ قوناققا ٸلتيپات بٸلدٸرٸپ, ەكٸ مەملەكەت اراسىنداعى ەكونوميكالىق جەنە ساياسي ىنتىماقتاستىقتىڭ تيٸمدٸلٸگٸن ايتتى.
– سٸزبەن قازاقستاندا جٷزدەسكەنٸمە قۋانىشتىمىن. تەۋەلسٸزدٸگٸمٸزدٸڭ العاشقى كٷنٸنەن باستاپ وڭتٷستٸك كورەيامەن جاقسى قارىم-قاتىناس ورناتتىق. بٸز ەكونوميكالىق جەنە ساياسي ىنتىماقتاستىعىمىزدى جاڭادان قالىپتاستىردىق. سٸزدەردٸڭ جالپى قازاقستانعا جەنە ورتالىق ازيياعا دەگەن ىقىلاستارىڭىزدى جوعارى باعالايمىز, – دەدٸ قازاقستاننىڭ تۇڭعىش پرەزيدەنتٸ.
نۇرسۇلتان نازارباەۆ وڭتٷستٸك كورەيا مەن كورەي حالىق دەموكراتييالىق رەسپۋبليكاسى اراسىندا قول جەتكٸزٸلگەن كورەيارالىق ۋاعدالاستىقتاردى جٷزەگە اسىرۋدىڭ ماڭىزدىلىعىن اتاپ ٶتتٸ.
– سٸزدەر كٷردەلٸ مەسەلەمەن – كورەي تٷبەگٸندە بەيبٸتشٸلٸك پەن ٶزارا سەنٸم ورناتۋ ٸسٸمەن اينالىسىپ جاتىرسىزدار. بۇل وڭاي ەمەس, بٸراق بۇل – يگٸلٸكتٸ ٸس. سٸزدەردٸڭ كٷش-جٸگەرلەرٸڭٸزگە جان-جاقتى قولداۋ كٶرسەتۋگە دايىنبىز, – دەدٸ ەلباسى نۇرسۇلتان نازارباەۆ.
وڭتٷستٸك كورەيا پرەزيدەنتٸ قازاقستاننىڭ تۇڭعىش پرەزيدەنتٸنە جٷزدەسكەنٸ ٷشٸن ريزاشىلىق بٸلدٸرٸپ, بۇل ساپاردىڭ ەكٸجاقتى بايلانىستاردى دامىتۋ ٷشٸن ماڭىزدى ەكەنٸن ايتتى.
– بريۋسسەلدە ٶتكەن اسەم سامميتٸ اياسىندا كەزدەسكەنٸمٸز ەسٸمدە. سول كەزدە مەنٸ قازاقستانعا ساپارمەن كەلۋگە شاقىردىڭىز. مەن بۇل ساپارعا باسا مەن بەرەمٸن. ٶيتكەنٸ بيىل ەكٸ ەل اراسىنداعى ستراتەگييالىق سەرٸكتەستٸگٸمٸزدٸڭ 10 جىلدىعىن اتاپ ٶتەمٸز, – دەدٸ مۋن چجە ين.
وڭتٷستٸك كورەيا پرەزيدەنتٸ قازاقستاننىڭ ەكونوميكالىق دامۋ تۇرعىسىنان قول جەتكٸزگەن جەتٸستٸكتەرٸنٸڭ بەرٸ نۇرسۇلتان نازارباەۆتىڭ كٶرەگەن ساياساتىنىڭ ارقاسى ەكەنٸن ەرەكشە اتاپ ٶتتٸ.
سونداي-اق, مۋن چجە ين قازاقستاننىڭ بەيبٸتشٸلٸك پەن كەلٸسٸم باعىتىندا, سونىڭ ٸشٸندە يادرولىق قارۋسىزدانۋ مەن ونى تاراتپاۋ سالاسىندا جٷرگٸزٸپ جاتقان ساياساتىنا توقتالدى.
كەزدەسۋ سوڭىندا ەلباسى نۇرسۇلتان نازارباەۆ پەن وڭتٷستٸك كورەيا پرەزيدەنتٸ مۋن چجە ين قازاقستاننىڭ تۇڭعىش پرەزيدەنتٸ كٸتاپحاناسىنىڭ كٶرمەسٸندەگٸ ەكسپوزيتسييالارمەن تانىستى.
