- كورەي كومپانييالارى قازاقستانداعى جەكەشەلەندٸرۋگە قاتىسا الادى. بۇل تۋرالى بٷگٸن كورەيا رەسپۋبليكاسىنا مەملەكەتتٸك ساپارى اياسىندا اتالعان ەلدٸڭ جەتەكشٸ بيزنەس ٶكٸلدەرٸمەن كەزدەسكەن قر پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپاراتتىڭ ارناۋلى تٸلشٸسٸ سەۋلدەن.
مەملەكەت باسشىسى كورەيلٸك بيزنەسمەندەرگە ەلٸمٸزدە جٷرگٸزٸلٸپ جاتقان مەملەكەتتٸك باعدارلامالار, كەسٸپكەرلٸكتٸ قولداۋ شارالارى جايىندا ايتىپ بەردٸ. سونىمەن قاتار «استانا» حالىقارالىق قارجى ورتالىعىنىڭ قۇرىلعاندىعىن, ونىڭ اعىلشىن قۇقىعى نەگٸزٸندە جۇمىس ٸستەيتٸندٸگٸن تٷسٸندٸردٸ. مۇنان بٶلەك, 2017 جىلى ەلوردادا «بولاشاق ەنەرگيياسى» تاقىرىبىمەن ٶتەتٸن «ەكسپو-2017» حالىقارالىق مامانداندىرىلعان كٶرمەسٸنە كورەيا رەسپۋبليكاسىن قوسا العاندا 100-دەن استام مەملەكەت پەن 17 حالىقارالىق ۇيىمنىڭ قاتىساتىندىعىن ايتتى جەنە كورەيلٸك كومپانييالاردى وسىناۋ شاراعا بەلسەنە قاتىسۋعا شاقىردى.
«مۇنان بٶلەك, مەن سٸزدەرگە جاپپاي جەكەشەلەندٸرۋ ساياساتىن جٷزەگە اسىرىپ جاتقاندىعىمىز جايىندا ايتقىم كەلەدٸ. بٸزدٸڭ 800-دەن استام ٸرٸ كومپانييامىز جەكەشەلەندٸرۋگە شىعارىلدى. مينيسترلٸكتەرٸمٸز بەن ۆەدومستۆولارىمىز سٸزدەرگە تولىققاندى اقپارات بەرە الادى. بٸز كورەيلٸك كومپانييالاردى وعان جەنە جالپى بيزنەستٸ قارجى ورتالىعى مەن يندۋستريالدى باعدارلامالارعا قاتىسۋعا شاقىرامىز», - دەدٸ مەملەكەت باسشىسى.
وسى ورايدا نازارباەۆ قازاقستاندا يندۋستريالاندىرۋ باعدارلاماسى اياسىندا 770 جاڭا كەسٸپورىن قۇرىلىپ, 100 مىڭداعان جۇمىس ورنى قۇرىلعانىن ايتتى. ال «نۇرلى جول» ينفراقۇرىلىمدىق دامۋ باعدارلاماسى اياسىندا ەلٸمٸزدە 7 مىڭ شاقىرىم كٶلٸك, تەمٸر جولدارى, ەۋەجايلار, كاسپييدە تەڭٸز پورتى سالىنىپ, جاڭعىرتىلاتىندىعىن اتاپ ٶتتٸ.
