بٷگٸنگٸ كٷنٸ حالىقتىڭ باسىم بٶلٸگٸ قازاقستاندا بۇرىن-سوڭدى بولماعان دەڭگەيدە تۇرىپ جاتىر. بۇل تۋرالى "بەس ەلەۋمەتتٸك باستاما – قوعامنىڭ ەلەۋمەتتٸك بٸرلٸگٸنٸڭ تۇعىرى" دەگەن كٷن تەرتٸبٸمەن ٶتٸپ جاتقان قازاقستان حالقى اسسامبلەياسىنىڭ XXVI سەسسيياسىندا مەملەكەت باسشىسى نۇرسۇلتان نازارباەۆ ايتتى, حابارلايدى Sputnik قازاقستان تٸلشٸسٸ.
"قاڭتاردا بٷكٸلەلەمدٸك ەكونوميكالىق فورۋمدا مەملەكەتتەردٸڭ ەكونوميكاسىن باعالاۋدىڭ جاڭا جٷيەسٸ ەنگٸزٸلدٸ. ول ەكسكليۋزيۆتٸك دامۋدىڭ يندەكسٸ دەپ اتالادى. بۇل جٷيە ٸشكٸ جالپى ٶنٸم ٶسٸمٸ مەن باسقا 11 پارامەتردٸ نەگٸزگە الادى, ونىڭ ٸشٸندە دەنساۋلىق ساقتاۋ, بٸلٸم, ەل ازاماتتارىنىڭ كٶڭٸل-كٷيٸ بار. وسى رەيتينگتە دامۋشى 74 مەملەكەتتٸڭ ٸشٸندە قازاقستان 15-شٸ ورىندى يەلەندٸ", — دەدٸ نۇرسۇلتان نازارباەۆ.
مەملەكەت باسشىسى بۇل بٸزدٸڭ وراسان جۇمىسىمىزدىڭ لايىقتى نەتيجەسٸ ەكەنٸن اتاپ ٶتتٸ. نازارباەۆ قازاقستاندىقتار ەلٸمٸزدٸڭ تابىستارى مەن ٶزٸنٸڭ ەل-اۋقاتى اراسىنداعى تٸكەلەي بايلانىستى ايقىن كٶرٸپ وتىر دەگەن سەنٸمٸن بٸلدٸردٸ.
"جيىرما بٸرٸنشٸ عاسىردىڭ باسىندا بٸز قانداي ەدٸك? بٷگٸنگٸ كٷنمەن سالىستىرعاندا ايىرماشىلىق ٷلكەن. مەنٸڭ ويىمشا, بۇل ەرقايسىمىزدىڭ ٶمٸرٸمٸزدەن سەزٸلەدٸ. قازٸر ەربٸر وتباسىندا دەرلٸك كٶلٸك بار, كەيبٸرەۋٸندە بٸرنەشە كٶلٸكتەن. تەرەزەدەن قاراپ وتىرىپ, ەربٸر قازاقستاندىقتىڭ ٶمٸرٸنەن ٶزگەرٸس كٶرەسٸڭ. ەرينە, بٸز ەلٸ كٶمەك كٶرسەتۋٸمٸز قاجەت ادامدار بار. بٸراق, حالىقتىڭ باسىم بٶلٸگٸ قازٸر قازاقستاندا بۇرىن-سوڭدى ٶمٸر سٷرمەگەن دەڭگەيدە تۇرىپ جاتىر", — دەدٸ سەسسييادا پرەزيدەنت.
ايتا كەتەيٸك, اسسامبلەيانىڭ XXVI سەسسيياسىنا 1 500-دەن استام دەلەگات جينالدى.
