قازاقستان پرەزيدەنتٸ نۇرسۇلتان نازارباەۆ ەلەۋمەتتٸك قامسىزداندىرۋ مەسەلەلەرٸ بويىنشا ٶزگەرٸستەر مەن تٷزەتۋلەر ەنگٸزۋ تۋرالى زاڭعا قول قويدى. وعان سەيكەس تابىسى 60 مىڭنان تٶمەن قازاقستاندىقتار ٷشٸن سالىق جٷكتەمەسٸ ازايتىلادى, دەپ حابارلايدى sputniknews.kz اقورداعا سٸلتەمە جاساپ.
بۇعان دەيٸن نۇرسۇلتان نازارباەۆ ەڭ تٶمەنگٸ ەسەپتٸك كٶرسەتكٸشتٸڭ 25 ەسەلەنگەن كٶلەمٸنەن از جالاقى الاتىندارعا سالىناتىن جەكە تابىس سالىعىن ازايتۋ ارقىلى ولاردىڭ سالىق جٷكتەمەسٸن جەڭٸلدەتۋدٸ ۇسىنعان بولاتىن. ەلباسىنىڭ ۇسىنىسىنان كەيٸن پارلامەنت زاڭعا ەنگٸزٸلگەن تٷزەتۋلەردٸ قابىلدادى. ەندٸ جالاقىسى تٶمەن قىزمەتكەرلەر ٷشٸن جەكە تابىس سالىعى ون ەسەگە تٶمەندەيدٸ.
ال سالىقتى ازايتۋدان شىعاتىن قارجى ولاردىڭ جالاقىسىن كٶبەيتۋگە جۇمسالادى. وسىنىڭ نەتيجەسٸندە قازاقستاندا ەكٸ ميلليوننان استام تۇرعىننىڭ جالاقىسى ٶسەدٸ.
اتالعان نورما 2019 جىلدىڭ 1 قاڭتارىنان باستاپ كٷشٸنە ەنەدٸ دەپ جوسپارلانىپ وتىر.
سونداي-اق, تٷزەتۋلەرمەن وسى جىلدىڭ 1 شٸلدەسٸنەن كەمەلەتكە تولعان, بالا كەزٸنەن بٸرٸنشٸ توپتاعى مٷگەدەكتەردٸ باعىپ وتىرعان اتا-انالار ٷشٸن قوسىمشا مەملەكەتتٸك جەردەماقى ەنگٸزٸلدٸ. قوسىمشا جەردەماقىنى شامامەن 14 مىڭ وتباسى اي سايىن الاتىن بولادى. جەردەماقى كٶلەمٸ بيىل ەڭ تٶمەنگٸ كٷنكٶرٸس دەڭگەيٸنٸڭ 1,05 مٶلشەرٸن نەمەسە 29 699 تەڭگەنٸ قۇرايدى.
