قازاقستان قىرعىزستانمەن اراداعى بارلىق مەسەلەلەردٸ شەشۋگە دايىن. بۇل تۋرالى بٷگٸن اقوردادا ەلٸمٸزگە رەسمي ساپارمەن كەلگەن قىرعىزستان پرەزيدەنتٸ سوورونباي جەەنبەكوۆپەن كەڭەيتٸلگەن قۇرامداعى كەلٸسسٶزدەر بارىسىندا قازاقستان پرەزيدەنتٸ نۇرسۇلتان نازارباەۆ ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«وسى 25 جىلدىڭ ٸشٸندە ەكٸ ەلدٸڭ تەۋەلسٸزدٸگٸ, قارىم-قاتىناسىمىز ودان ارى نىعايدى. 150 قۇجاتقا قول قويىلدى. مۇنداي قۇجاتتىق بازا, ەكٸ ەلدٸڭ اراسىنداعى وسىنداي ينستيتۋتتسيونالدى قاتىناس باسقا ەلمەن قازاقستاندا جوق. تەك قىرعىزستانمەن وسىنشاما قۇجاتقا, كەلٸسٸمگە قول قويىلدى. ەكٸ ەلدٸڭ اراسىندا بار مەسەلەلەردٸ شەشٸپ, ارتقا قالدىرىپ, بولاشاققا بەت بۇرۋعا مٷمكٸنشٸلٸگٸمٸز بار. بٸز, مەن ٶزٸم وعان ەبدەن دايىنمىن», - دەدٸ مەملەكەت باسشىسى.
سونىمەن قاتار قازاقستان پرەزيدەنتٸ ەكٸ ەلدٸڭ اراسىنداعى ساۋدا-ەكونوميكالىق بايلانىستارعا توقتالدى.
«ەكٸجاقتى قارىم-قاتىناس جايىندا ايتار بولساق, اعىمداعى جىلدىڭ 10 ايىندا ساۋدا-ساتتىق 13 پايىزعا ارتتى. قازاقستان قىرعىزستاننىڭ نەگٸزگٸ سەرٸكتەستەرٸنٸڭ بٸرٸ, نەگٸزگٸ ينۆەستورلارىنىڭ بٸرٸ سانالادى. وسى جىلداردىڭ ٸشٸندە قىرعىز ەكونوميكاسىنا شامامەن 650 ملن دوللار سالىندى, بٸرنەشە بٸرلەسكەن كەسٸپورىن جۇمىس ٸستەپ تۇر. قازاقستاندا قىرعىز بيزنەسٸ مەن كاپيتالى سالىنعان 700-دەن استام كەسٸپورىن بار. ەندٸگٸ ۋاقىتتا ەۋرازييالىق ينتەگراتسييا جاعدايىندا جۇمىس ٸستەيمٸز», - دەدٸ نۇرسۇلتان نازارباەۆ.
مەملەكەت باسشىسى قىرعىز ەرٸپتەسٸمەن شاعىن قۇرامداعى كەلٸسسٶزدەر بارىسىندا ٶڭٸرلٸك ساياسي مەسەلەلەردٸڭ كەڭ اۋقىمى قاراستىرىلعاندىعىن اتاپ ٶتتٸ.
«مينسكٸدەگٸ سوڭعى كەزدەسۋدەن بەرٸ از عانا ۋاقىت ٶتتٸ. بٸزدٸڭ ٷكٸمەتتەرٸمٸز ٶتە ٷلكەن تيٸمدٸ جۇمىستاردى جٷرگٸزٸپ, سٸزدەردٸ دە, بٸزدٸ دە تولعاندىرعان مەسەلەلەردٸ شەشتٸ», - دەدٸ ەلباسى.
