نۇرسۇلتان نازارباەۆ پرەزيدەنتتٸڭ كٶمەكشٸسٸ – قاۋٸپسٸزدٸك كەڭەسٸنٸڭ حاتشىسى عابيت بايجانوۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا مەملەكەت باسشىسى قاۋٸپسٸزدٸك كەڭەسٸنٸڭ ۇلتتىق قاۋٸپسٸزدٸكتٸ, زاڭدىلىق پەن قۇقىقتىق تەرتٸپتٸ قامتاماسىز ەتۋ, سونداي-اق ەلٸمٸزدٸڭ قورعانىس قابٸلەتٸن نىعايتۋ سالاسىنداعى مەملەكەتتٸك ساياساتتى ٷيلەستٸرۋدٸ جٷزەگە اسىراتىن ارنايى ورگان ەكەنٸن اتاپ ٶتتٸ.
– قاۋٸپسٸزدٸك كەڭەسٸ تۋرالى جاڭا زاڭ كەڭەستٸڭ ٶكٸلەتتٸگٸن مەيلٸنشە كەڭەيتەدٸ. وسىعان بايلانىستى نورماتيۆتٸك قۇقىقتىق بازانى, سونىڭ ٸشٸندە قۇقىق قورعاۋ جەنە ارنايى قىزمەت ورگاندارىنىڭ جۇمىسىن رەتتەيتٸن قۇجاتتاردى ەگجەي-تەگجەيلٸ زەرتتەۋ قاجەت, – دەدٸ قازاقستان پرەزيدەنتٸ.
ع.بايجانوۆ نۇرسۇلتان نازارباەۆقا قاۋٸپسٸزدٸك كەڭەسٸنٸڭ كەزەكتٸ وتىرىسىن ٶتكٸزۋگە دايىندىق بارىسى جٶنٸندە مەلٸمدەدٸ.
كەزدەسۋ سوڭىندا مەملەكەت باسشىسى قاۋٸپسٸزدٸك كەڭەسٸنٸڭ الداعى جۇمىستارى جٶنٸندە بٸرقاتار ناقتى تاپسىرما بەردٸ.
