Nursultan Nazarbaev Prezidenttiń kómekshisi – Qaýipsizdik keńesiniń hatshysy Ǵabit Baijanovty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Memleket Basshysy Qaýipsizdik keńesiniń ulttyq qaýipsizdikti, zańdylyq pen quqyqtyq tártipti qamtamasyz etý, sondai-aq elimizdiń qorǵanys qabiletin nyǵaitý salasyndaǵy memlekettik saiasatty úilestirýdi júzege asyratyn arnaiy organ ekenin atap ótti.
– Qaýipsizdik keńesi týraly jańa zań Keńestiń ókilettigin meilinshe keńeitedi. Osyǵan bailanysty normativtik quqyqtyq bazany, sonyń ishinde quqyq qorǵaý jáne arnaiy qyzmet organdarynyń jumysyn retteitin qujattardy egjei-tegjeili zertteý qajet, – dedi Qazaqstan Prezidenti.
Ǵ.Baijanov Nursultan Nazarbaevqa Qaýipsizdik keńesiniń kezekti otyrysyn ótkizýge daiyndyq barysy jóninde málimdedi.
Kezdesý sońynda Memleket basshysy Qaýipsizdik keńesiniń aldaǵy jumystary jóninde birqatar naqty tapsyrma berdi.
