مەملەكەت باسشىسى ەۋرازييالىق ٷكٸمەتارالىق كەڭەس مٷشەلەرٸمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋگە قازاقستان رەسپۋبليكاسىنىڭ پرەمەر-مينيسترٸ ب.ساعىنتاەۆ, ارمەنييا رەسپۋبليكاسىنىڭ پرەمەر-مينيسترٸ ك.كاراپەتيان, بەلارۋس رەسپۋبليكاسىنىڭ پرەمەر-مينيسترٸ ا.كوبياكوۆ, قىرعىز رەسپۋبليكاسىنىڭ پرەمەر-مينيسترٸ س.جەەنبەكوۆ, رەسەي فەدەراتسيياسى ٷكٸمەتٸنٸڭ تٶراعاسى د.مەدۆەدەۆ, ەۋرازييالىق ەكونوميكالىق كوميسسييا القاسىنىڭ تٶراعاسى ت.ساركيسيان قاتىستى.
نۇرسۇلتان نازارباەۆ ەۋرازييالىق ٷكٸمەتارالىق كەڭەس مٷشەلەرٸنٸڭ ەلورداعا كەلگەندەرٸنە قۋانىشتى ەكەنٸن جەتكٸزٸپ, كەزدەسۋدٸڭ استانا قالاسىنداعى «ەكسپو-2017» حالىقارالىق كٶرمەسٸمەن تۇسپا-تۇس ٶتٸپ وتىرعانىن ايتتى.
– ٷكٸمەتتەر باسشىلارىنىڭ ٶز مەملەكەتٸنٸڭ ۇلتتىق پاۆيلوندارىنا بارۋعا, سونداي-اق قازاقستان مەن ٶزگە ەلدەردٸڭ ەكسپوزيتسييالارىن ارالاپ كٶرۋگە مٷمكٸندٸكتەرٸ بار. ەۋرازييالىق ەكونوميكالىق وداقتىڭ ٷشٸنشٸ جىل جۇمىس ٸستەپ جاتقانىن اتاپ ٶتكەن جٶن. بۇل كەزەڭ ەلەمدەگٸ جەنە وداققا مٷشە ەلدەردٸڭ ۇلتتىق ەكونوميكاسىنداعى كٷردەلٸ احۋالدارعا بايلانىستى بولىپ وتىر. سونىمەن قاتار, ورتاق نارىق پەن بٸرىڭعاي ەكونوميكالىق قۇرىلىم قۇرۋ باستى فاكتور بولىپ سانالادى, – دەدٸ قازاقستان پرەزيدەنتٸ.
مەملەكەت باسشىسى ەكونوميكانىڭ ٶسٸمٸ ەلدەر اراسىنداعى تاۋار اينالىمىنىڭ ارتىپ, ٶزارا قارىم-قاتىناستاردىڭ نىعايۋىنا تٸكەلەي بايلانىستى ەكەنٸن ايتتى.
– بٸز وسى ۋاقىت ٸشٸندە دۇرىس باعىتتا ٸلگەرٸلەي الدىق دەپ ەسەپتەيمٸن. قازٸر ورىن الىپ وتىرعان بٸرقاتار مەسەلەگە قاراماستان, ەۋرازييالىق ەكونوميكالىق وداقتى نىعايتۋىمىز قاجەت. الدىمىزدا ەل ٸشٸندەگٸ مەسەلەلەردٸ شەشٸپ, ٶزارا قارىم-قاتىناسىمىزدى ودان ەرٸ دامىتا تٷسۋ مٸندەتٸ تۇر. بۇل جۇمىستاعى نەگٸزگٸ رٶلدٸ ٷكٸمەتتەرٸمٸز اتقارادى. بۇل دەگەنٸمٸز – ەكونوميكالىق مٸندەتتەردٸ شەشۋ, مەملەكەتتەر اراسىنداعى ٶزارا ٸس-قيمىل مەسەلەلەرٸن رەتتەۋ, – دەدٸ نۇرسۇلتان نازارباەۆ.
سوڭىندا قازاقستان پرەزيدەنتٸ كەڭەستٸڭ بٷگٸنگٸ وتىرىسى ارقىلى ۇيىمدى ەرٸ قاراي دامىتۋعا ماڭىزدى ٷلەس قوسىلاتىنىن اتاپ ٶتٸپ, قاتىسۋشىلاردىڭ جۇمىسىنا جەمٸس تٸلەدٸ.
