قازاقستان پرەزيدەنتٸ قاراعاندى وبلىسىنىڭ ەكٸمٸ ەرلان قوشانوۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا مەملەكەت باسشىسىنا 2018 جىلدىڭ قورىتىندىسى بويىنشا وبلىستىڭ نەگٸزگٸ ەلەۋمەتتٸك-ەكونوميكالىق كٶرسەتكٸشتەرٸ مەن دامۋدىڭ الداعى پەرسپەكتيۆالارى جٶنٸندە باياندالدى.
نۇرسۇلتان نازارباەۆ وسى ٶڭٸردٸڭ ماڭىزى زور ەكەنٸن اتاپ ٶتٸپ, گازبەن قامتۋ مەسەلەسٸنە, سونداي-اق تەمٸرتاۋ قالاسىنىڭ ەكولوگييالىق جاعدايىنا ايرىقشا توقتالدى.
وبلىس ەكٸمٸ ەلباسىعا جولداۋدا ايتىلعان تاپسىرمالاردى ٸسكە اسىرۋ ٷشٸن قابىلدانىپ جاتقان شارالار تۋرالى مەلٸمدەدٸ.
– سٸزدٸڭ ەڭبەكاقى مٶلشەرٸن كٶتەرۋ جٶنٸندەگٸ باستاماڭىزدى وبلىستاعى بارلىق ۇيىمدار قولدادى. بۇل بيىلعى 1 قاڭتاردان باستاپ 220 مىڭنان استام جۇمىسشىنىڭ جالاقىسىن 14 پايىزعا دەيٸن ٶسٸرۋگە مٷمكٸندٸك بەردٸ. سونىمەن قاتار, نەگٸزگٸ كوممۋنالدىق قىزمەتتەرگە قاتىستى تاريفتەر 5-11 پايىزعا تٶمەندەيتٸن بولادى, – دەدٸ ە.قوشانوۆ.
سوڭىندا ەلباسى ٶڭٸردٸ ودان ەرٸ ٶركەندەتۋ, سونىڭ ٸشٸندە قاراعاندى قالاسىنىڭ قۇرىلىسىنا قاتىستى مەسەلەلەر جٶنٸندە بٸرقاتار تاپسىرما بەردٸ.
