نۇرسۇلتان نازارباەۆ ۇلتتىق دومبىرا كٷنٸنە ارنالعان كونتسەرتكە باردى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ەلوردا تۇرعىندارى مەن قوناقتارى الدىندا سٶيلەگەن سٶزٸندە بارشا قازاقستاندىقتاردى ۇلتتىق دومبىرا كٷنٸمەن قۇتتىقتاپ, بۇل مۋزىكالىق اسپاپ قازاق حالقىنىڭ مەدەنيەتٸ مەن تاريحىندا ايرىقشا ورىن الاتىنىن ايتتى.
– جاقىندا مەنٸڭ جارلىعىممەن شٸلدەنٸڭ بٸرٸنشٸ جەكسەنبٸسٸ ۇلتتىق دومبىرا كٷنٸ دەپ جارييالانعانىن بٸلەسٸزدەر. بٷگٸن بۇل مەرەكەنٸ ەلٸمٸزدٸڭ بارلىق ٶڭٸرٸ اتاپ ٶتۋدە. دومبىرا – قازاقتىڭ جانى, رۋحى, تاريحى, سالت-دەستٷرٸ, بٷكٸل بٸتٸم-بولمىسى, – دەدٸ قازاقستان پرەزيدەنتٸ.
ەلباسى بٷگٸندە دومبىرا قازاقتىڭ برەندٸ بولىپ سانالاتىنىن اتاپ ٶتتٸ.
– «رۋحاني جاڭعىرۋ» باعدارلاماسى ارقىلى ۇلتتىق مەدەنيەتٸمٸزدٸ ەلەمگە تانىتۋعا دومبىرا ەرەكشە ٷلەس قوسادى. قۇرمانعازى مەن دەۋلەتكەرەيدٸڭ, تەتتٸمبەت پەن سٷگٸردٸڭ, قازانعاپ پەن دينانىڭ كٷيلەرٸ – تٶل مەدەنيەتٸمٸزدٸڭ بٸرەگەي ٷلگٸلەرٸ, – دەدٸ نۇرسۇلتان نازارباەۆ.
مەملەكەت باسشىسى دومبىرا مەن كٷيدٸڭ يۋنەسكو شەشٸمٸمەن ادامزاتتىڭ ماتەريالدىق ەمەس مەدەني مۇرالارىنىڭ تٸزٸمٸنە ەنگەنٸن ايتتى.
– بٸزدٸڭ مەدەني قۇندىلىقتارىمىز بەن دەستٷرٸمٸز قوس ٸشەكتٸڭ ٷنٸ مەن كٷمبٸرلەگەن كٷي ارقىلى ۇرپاقتان-ۇرپاققا بەرٸلەدٸ. ۇلتتىق دومبىرا كٷنٸنٸڭ استانادا – تەۋەلسٸز قازاقستاننىڭ جٷرەگٸندە دٷنيەگە كەلۋٸنٸڭ سيمۆولدىق مەنٸ بار, – دەدٸ نۇرسۇلتان نازارباەۆ.
سوڭىندا مەملەكەت باسشىسى ۇلتتىق دومبىرا كٷنٸ ٶسكەلەڭ ۇرپاقتىڭ قاسيەتتٸ دومبىراعا, ۇلتتىق ٶنەرگە دەگەن قۇلشىنىسىن ارتتىرا تٷسەتٸنٸنە سەنٸم بٸلدٸردٸ.
«قازاق ەلٸ» الاڭىندا ٶتكەن ٸس-شارا بارىسىندا ديريجەر ايتقالي جايىموۆتىڭ جەتەكشٸلٸگٸمەن 2 مىڭنان استام ٶنەرپاز بٸر وركەستر رەتٸندە دومبىرامەن قازاقتىڭ بەلگٸلٸ كٷيلەرٸن ورىندادى.
كونتسەرتتەن كەيٸن قازاقستان پرەزيدەنتٸ قولدانبالى ٶنەر تۋىندىلارىنىڭ كٶرمەسٸن ارالاپ كٶردٸ.
