بٷگٸن مەملەكەت باسشىسى نۇرسۇلتان ەبٸشۇلى باتىس ٶڭٸرٸنە جۇمىس ساپارىمەن بارعان بولاتىن. ەۋەلگٸ جۇمىستى ايماقتاعى ٸرگەلٸ كەسٸپورىنداردىڭ جۇمىسىمەن تانىسۋدان باستاعان ەلباسى ساپار سوڭىن باتىس قازاقستان وبلىسىنىڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەسٸمەن تٷيٸندەدٸ.
ورال شاھارىنا ات باسىن بۇرعان ەل پرەزيدەنتٸ ٶڭٸردەگٸ بٸرقاتار ينفراقۇرىلىمدىق جەنە ەلەۋمەتتٸك-مەدەني نىساندارمەن تانىسىپ, ٶنەركەسٸپتٸك كەسٸپورىنداردى دا ارالاپ قايتقان-دى. ەندٸگٸ كەڭەس ەلەۋمەتتٸك-ەكونوميكالىق مەسەلەر تٶڭٸرەگٸندە بولدى.
جيىن بارىسىندا بقو وبلىسى ەكٸمٸ التاي كٶلگٸنوۆتٸڭ ٶڭٸردٸڭ دامۋ بارىسى جٶنٸندەگٸ ەسەبٸ وقىلدى. ٶڭٸر باسشىسى 2017 جىلدىڭ جەنە بيىلعى بٸرٸنشٸ توقساننىڭ قورىتىندىسى بويىنشا بايانداما جاسادى.
سونداي-اق, وبلىس ەكٸمٸ ەلباسىنىڭ مەملەكەتتٸك جەنە سالالىق باعدارلامالارعا قاتىستى بەرگەن تاپسىرمالارىنىڭ ورىندالۋى جٶنٸندە ايتىپ ٶتتٸ.
اقوردانىڭ باسپاسٶز قىزمەتٸ حابارلاعانداي, باسقوسۋدا نۇرسۇلتان ەبٸشۇلى ٶڭٸردە دايىن ٶنٸم شىعارۋ ٸسٸنٸڭ جولعا قويىلعانىن ايتىپ, مەملەكەتتٸك ەلەۋمەتتٸك باعدارلامالاردىڭ ٸسكە اسىرىلۋ بارىسىنا وڭ باعا بەردٸ.
– بٷگٸن وبلىستاعى نىسانداردى ارالاپ كٶرگەندەگٸ ماقساتىمىز – مەملەكەتتٸك باعدارلامالاردىڭ, سونىڭ ٸشٸندە جاقىندا قابىلدانعان «بەس ەلەۋمەتتٸك باستامانىڭ» ٸسكە اسىرىلۋ بارىسىمەن تانىسۋ. ولاردى جٷزەگە اسىرۋ قوعام ٶمٸرٸنە وڭ ەسەرٸن تيگٸزەدٸ, – دەدٸ مەملەكەت باسشىسى.
ەلباسى «قازاقستان-2050» ستراتەگيياسىنىڭ ماقساتتارىنا قول جەتكٸزۋ ٸسٸندە بارلىق ٶڭٸردٸڭ اتقارىپ جاتقان جۇمىستارىنىڭ ماڭىزدى ەكەنٸن ايتتى.
مەملەكەت باسشىسى باتىس قازاقستان وبلىسىنىڭ ەكونوميكالىق دامۋىنىڭ نەگٸزگٸ كٶرسەتكٸشتەرٸ ٶسٸپ كەلە جاتقانىنا توقتالىپ, ٶڭٸر تۇرعىندارىنىڭ ەل-اۋقاتىن ارتتىرۋعا باعىتتىلعان جۇمىستاردى جالعاستىرۋ قاجەتتٸگٸن اتاپ ٶتتٸ.
– ازاماتتاردىڭ ەل-اۋقاتى تۇرعىن ٷي قۇرىلىسىنا دا بايلانىستى بولادى. سوڭعى بەس جىلدا وبلىستا بٸر جارىم ميلليون شارشى مەتر تۇرعىن ٷي پايدالانۋعا بەرٸلگەنٸ قۋانتارلىق جەيت. «بەس ەلەۋمەتتٸك باستامانى» ٸسكە اسىرۋ ارقىلى بٸز قۇرىلىس قارقىنىن ارتتىراتىن بولامىز, – دەدٸ نۇرسۇلتان نازارباەۆ.
قازاقستان پرەزيدەنتٸ شاعىن جەنە ورتا بيزنەسكە قولداۋ كٶرسەتۋ, اۋىل شارۋاشىلىعىن دامىتۋ مەن اۋىل شارۋاشىلىعى ٶنٸمدەرٸن قايتا ٶڭدەۋ مەسەلەلەرٸنە, سونداي-اق ٶزٸن-ٶزٸ جۇمىسپەن قامتىعانداردىڭ پروبلەماسىنا توقتالدى.
ەلباسى وبلىس باسشىلىعىنا ەكونوميكانىڭ جاڭا سەكتورلارىندا زاماناۋي ٶندٸرٸس ورىندارىن اشۋ جٶنٸندەگٸ جۇمىستاردى جانداندىرۋدى جەنە ٶڭٸردەگٸ كەسٸپورىنداردى ودان ەرٸ دامىتۋدى تاپسىردى.
– ٸرٸ ينۆەستورلاردى تارتۋعا باعىتتالعان جۇمىستاردى جالعاستىرۋدىڭ دا ماڭىزى زور. مەسەلەن, مەنٸڭ اقش-قا ساپارىمنان كەيٸن امەريكالىق ٸرٸ بيزنەسمەندەر توبى قازاقستانعا كەلٸپ, كەلٸسسٶزدەر جٷرگٸزٸپ جاتىر. بٸز ٷشٸن ولاردىڭ ينۆەستيتسيياسى, تەحنولوگييالارى جەنە نارىعى ماڭىزدى, – دەدٸ مەملەكەت باسشىسى.
نۇرسۇلتان نازارباەۆ جاڭا تەحنولوگييالاردى پايدالانۋ ارقىلى وبلىستا «جاسىل» ەكونوميكانى دامىتۋدىڭ قاجەتتٸگٸن اتاپ ٶتتٸ.
مەملەكەت باسشىسى اۋىل جاستارىن جۇمىسپەن قامتۋ پروبلەماسىنا توقتالىپ, ولاردى مەملەكەت قابىلداعان باعدارلامالاردى جٷزەگە اسىرۋ ٷدەرٸسٸنە تارتۋدى تاپسىردى.
قازاقستان پرەزيدەنتٸ شاعىن جەنە ورتا بيزنەس سەكتورىنداعى ديسپروپورتسيياعا نازار اۋداردى.
– ورال قالاسى مەن بٶرلٸ اۋدانى شاعىن جەنە ورتا بيزنەسكە تيەسٸلٸ بٷكٸل ٶنٸمنٸڭ 90 پايىزىن ٶندٸرٸپ وتىر. قالعان 11 اۋدان 10 پايىزدى قامتيدى. جۇرتقا بيزنەسپەن اينالىسۋدى ٷيرەتٸپ, كەسٸپكەرلەردٸ قولداۋعا ارنالعان قانداي مەملەكەتتٸك باعدارلامالار بار ەكەنٸن كٶرسەتۋ كەرەك. بيزنەستٸ دامىتۋ ٷشٸن قولايلى جاعداي جاساۋ قاجەت, – دەدٸ نۇرسۇلتان نازارباەۆ.
مەملەكەت باسشىسى, سونداي-اق, ەكسپورت كٶلەمٸن ارتتىرۋ ٷشٸن ٶڭٸردٸڭ شەكارا ماڭى ەلەۋەتٸن بەلسەندٸ پايدالانۋدى تاپسىرىپ, وبلىستا كٶلٸك ينفراقۇرىلىمىن دامىتۋدىڭ ماڭىزدى ەكەنٸن اتاپ ٶتتٸ.
جيىن سوڭىندا ەلباسى ٶڭٸردٸڭ دامۋ قارقىنىن ساقتاۋدى جەنە جۇمىس ساپارى بارىسىندا بەرٸلگەن تاپسىرمالاردىڭ جٷزەگە اسىرىلۋىن باقىلاۋعا الىپ, قامتاماسىز ەتۋدٸ تاپسىردى.
بۇل باسقوسۋ ٶڭٸردٸڭ ەلەۋمەتتٸك-ەكونوميكالىق دامۋ ٷدەرٸسٸنە جاڭا قارقىن قوسارى سٶزسٸز. ايماق تٸزگٸنٸن ۇستاعان التاي كٶلگٸنوۆتٸڭ الداعى جۇمىس جوسپارى ايقىن. ناقتى نەتيجەلەر دە ٶز جەمٸسٸن بەرە باستادى. ەل پرەزيدەنتٸنٸڭ ورال ٶڭٸرٸنە جاساعان ارنايى ساپارى نەتيجەلٸ اياقتالدى.
