قازاقستان پرەزيدەنتٸ ەزەربايجان رەسپۋبليكاسىنىڭ پرەزيدەنتٸ يلحام ەليەۆپەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەتتەر باسشىلارى رەسمي كەزدەسۋ رەسٸمٸنەن سوڭ «زاگۋلبا» رەزيدەنتسيياسىندا شاعىن قۇراممەن كەلٸسسٶز جٷرگٸزدٸ.
كەزدەسۋ بارىسىندا ساياسي, ساۋدا-ەكونوميكالىق جەنە مەدەني-گۋمانيتارلىق ىنتىماقتاستىقتىڭ دامۋ احۋالى مەن پەرسپەكتيۆالارى, سونداي-اق كٷن تەرتٸبٸندەگٸ حالىقارالىق جەنە ٶڭٸرلٸك ٶزەكتٸ مەسەلەلەر تالقىلاندى.
نۇرسۇلتان نازارباەۆ قازاقستان مەن ەزەربايجان اراسىندا ەجەلدەن تاريحي جەنە مەدەني بايلانىستارعا نەگٸزدەلگەن دەستٷرلٸ دوستىق سيپاتىنداعى ەكٸجاقتى قارىم-قاتىناس قالىپتاسقانىن اتاپ ٶتتٸ.
مەملەكەت باسشىسى ەلەمدٸك ەكونوميكاداعى قازٸرگٸ كەزدەگٸ جاڭا ٷردٸستەر ەكٸ ەل سەرٸكتەستٸگٸن ودان ەرٸ دامىتۋعا تىڭ سەرپٸن بەرە الاتىنىن ايتتى.
– ەلەمدەگٸ داعدارىستىق قۇبىلىستار ۇلتتىق ەكونوميكامىزعا ايتارلىقتاي زالالىن تيگٸزٸپ جاتقانىن كٶرٸپ وتىرمىز. سونىمەن قاتار, بۇل بٸرلەسكەن جاڭا ٶندٸرٸستەر اشىپ, جاسىرىن مٷمكٸندٸكتەرٸمٸزدٸ پايدالانۋعا جول اشۋدا. ەكونوميكانى ەرتاراپتاندىرىپ, يننوۆاتسييالىق تەحنولوگييالارعا نازار اۋدارۋ قاجەت, – دەدٸ قازاقستان پرەزيدەنتٸ.
نۇرسۇلتان نازارباەۆ ەكٸجاقتى ىنتىماقتاستىقتىڭ بارلىق سالاسىندا ٶزارا ٸس-قيمىلدى ٷدەتۋ, سونىڭ ٸشٸندە قازاقستان مەن ەزەربايجاننىڭ كٶلٸك-ترانزيت ەلەۋەتٸن دامىتۋ قاجەتتٸگٸن اتاپ ٶتتٸ.
– بۇل كەزدەسۋ ەلدەرٸمٸزدٸڭ ٶزارا ٸس-قيمىلىن ودان ەرٸ تىعىز دامىتۋعا مٷمكٸندٸك تۋعىزاتىن جاڭا فورماتتاعى قارىم-قاتىناسىمىزعا تىڭ سەرپٸن بەرۋگە تيٸس, – دەدٸ مەملەكەت باسشىسى.
سونداي-اق, قازاقستان پرەزيدەنتٸ ەكٸ مەملەكەتتٸڭ حالىقارالىق سالاداعى ٶزارا تٷسٸنٸستٸگٸنە جەنە ۇستانىمدارىنىڭ ۇقساستىعىنا نازار اۋداردى. بۇدان بٶلەك, نۇرسۇلتان نازارباەۆ ي.ەليەۆتٸ 2016 جىلعى رەفەرەندۋمدا ەزەربايجان حالقىنىڭ ەل كونستيتۋتسيياسىنا ەنگٸزٸلەتٸن, پرەزيدەنتتٸڭ ٶكٸلەتتٸك مەرزٸمٸن ۇزارتۋعا باعىتتالعان ٶزگەرٸستەردٸ قولداعانىمەن قۇتتىقتادى.
ي.ەليەۆ ىنتىماقتاستىقتى ودان ەرٸ نىعايتىپ, ونىڭ اياسىن كەڭەيتۋ جولىندا قازاقستان پرەزيدەنتٸنٸڭ ساپارى ماڭىزدى ەكەنٸن ايتتى.
– بٷگٸن قول قويىلعالى وتىرعان قۇجاتتار ەكٸجاقتى قارىم-قاتىناستى ەرٸ قاراي نىعايتۋعا سەپتٸگٸن تيگٸزەتٸنٸنە سەنٸمدٸمٸن. قازاقستان بٸز ٷشٸن دوستاس, باۋىرلاس ەل بولىپ سانالادى. بٸز بٷگٸنگٸ كەزدەسۋگە زور مەن بەرٸپ وتىرمىز, – دەدٸ ي.ەليەۆ.
سونىمەن بٸرگە, ەزەربايجان پرەزيدەنتٸ يلحام ەليەۆ قازاقستاننىڭ نۇرسۇلتان نازارباەۆتىڭ باسشىلىعىمەن جەتكەن جەتٸستٸكتەرٸن اتاپ ٶتتٸ.
