ەلباسى حالىقارالىق ساۋدا ورتالىقتارى قاۋىمداستىعىنىڭ باسقارما مٷشەسٸ (WTCA) رولف درااكپەن جەنە «Nest Investments HOLDINGS» كومپانيياسىنىڭ كورپوراتيۆتٸك ينۆەستيتسييالار جٶنٸندەگٸ ديرەكتورى مەحران ەفتەحارمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىنعا پرەزيدەنت ەكٸمشٸلٸگٸنٸڭ باسشىسى ە.يسەكەشەۆ, استانا قالاسىنىڭ ەكٸمٸ ب.سۇلتانوۆ جەنە سەۋلەتشٸ-ديزاينەر كەننەت بريۋس دجەيمس اندەرسون قاتىستى.
كەزدەسۋ بارىسىندا مەملەكەت باسشىسىنا ەلوردادا دٷنيەجٷزٸلٸك ساۋدا ورتالىعىنىڭ عيماراتىن سالۋ جٶنٸندەگٸ جوبا ۇسىنىلدى. بۇل نىسان تولىقتاي شەتەل ينۆەستيتسيياسى ەسەبٸنەن بوي كٶتەرەدٸ.
نۇرسۇلتان نازارباەۆ بٷگٸنگٸ كەزدەسۋدٸڭ بىلتىر قازان ايىندا بريۋسسەلدە ٶتكەن قازاقستان-ەۋروپا بيزنەس فورۋمى الاڭىنداعى كەلٸسسٶزدەردٸڭ جالعاسى ەكەنٸن اتاپ ٶتتٸ.
– بٸز بريۋسسەلدە سٸزدەردٸڭ ۇسىنىستارىڭىزدى تالقىلاپ, تاعى دا كەزدەسۋ ٶتكٸزۋ جٶنٸندە ۋاعدالاسقان ەدٸك. حالىقارالىق ساۋدا ورتالىقتارى قاۋىمداستىعىنىڭ مۇنداي جوبالاردى جٷزەگە اسىرۋ ٸسٸندەگٸ مول تەجٸريبەسٸن ەسكەرسەك, بٸزدٸڭ ىنتىماقتاستىعىمىز ەكٸ تاراپ ٷشٸن دە جەمٸستٸ بولادى دەپ ويلايمىن. بۇل جوبا ەلوردامىزدىڭ كەلبەتٸ مەن رۋحىنا ساي كەلٸپ, ونىڭ اجارىن اشا تٷسكەنٸن قالار ەدٸم, – دەدٸ قازاقستان پرەزيدەنتٸ.
ەلباسى استانانىڭ بوي كٶتەرۋ ٷدەرٸسٸنە ەرەكشە توقتالىپ, ونداعى ەر سەۋلەت نىسانىنىڭ تاريحى جٶنٸندە ايتتى.
نۇرسۇلتان نازارباەۆ استانانىڭ بٷكٸل ەۋرازييا قۇرلىعىنىڭ كٸندٸگٸ رەتٸندە باتىس پەن شىعىس مەدەنيەتتەرٸنٸڭ سەۋلەت ستيلٸن جەنە سالت-دەستٷرٸن بويىنا سٸڭٸرگەنٸن اتاپ ٶتتٸ.
سونىمەن قاتار, قازاقستان پرەزيدەنتٸ حالىقارالىق «ەكسپو-2017» مامانداندىرىلعان كٶرمەسٸنٸڭ پاۆيلوندارىن سالۋ بارىسى مەن نەتيجەلەرٸ جٶنٸندە ايتتى.
– بٸز حالىقارالىق «ەكسپو-2017» كٶرمەسٸن ٶتكٸزۋ قۇقىعىنا يە بولعاندا بايقاۋ جارييالاعان بولاتىنبىز. ديامەترٸ 80 مەترلٸك «نۇر ەلەم» سفەراسى ەلەمدەگٸ بٸرەگەي نىسان سانالادى. ونىڭ قۇرىلىسىن ٶزٸم باقىلاپ وتىردىم. بٷگٸندە «ەكسپو-2017» كٶرمەسٸ ينفراقۇرىلىمىنىڭ بازاسىندا «استانا» حالىقارالىق قارجى ورتالىعىن, «جاسىل» تەحنولوگييالاردىڭ حالىقارالىق ورتالىعىن, IT-ستارتاپتاردىڭ حالىقارالىق تەحنوپاركٸن اشتىق. سونداي-اق, مۇندا حالىقارالىق ٸت-ۋنيۆەرسيتەت قۇرىلادى. بارلىق جوبالار سينەرگيياسىنىڭ مۋلتيپليكاتيۆتٸك تۇرعىدان وڭ ەسەرٸ بولادى دەپ ويلايمىن, – دەدٸ نۇرسۇلتان نازارباەۆ.
حالىقارالىق ساۋدا ورتالىقتارى قاۋىمداستىعىنىڭ باسقارما مٷشەسٸ رولف درااك كەزدەسۋگە جەنە ەلوردادا جاڭا نىسان سالۋ جٶنٸندەگٸ جوبانى تالقىلاۋعا مٷمكٸندٸك بەرگەنٸ ٷشٸن مەملەكەت باسشىسىنا العىس بٸلدٸردٸ.
«Nest Investments HOLDINGS» كومپانيياسىنىڭ كورپوراتيۆتٸك ينۆەستيتسييالار جٶنٸندەگٸ ديرەكتورى مەحران ەفتەحار ٶز كومپانيياسى ٷشٸن ساۋدا-ەكونوميكالىق بايلانىستاردى كەڭەيتۋ ٷدەرٸسٸندەگٸ استانانىڭ ستراتەگييالىق تۇرعىدان ماڭىزدىلىعىن اتاپ ٶتتٸ.
– بٸزدٸڭ ينۆەستيتسييالىق توبىمىزعا قاراستى ٸرٸ 18 دٷنيەجٷزٸلٸك ساۋدا ورتالىعى بار. مۇنداي نىسانداردى قالاي سالىپ, قالاي باسقارۋدى بٸلەمٸز. «بٸر بەلدەۋ, بٸر جول» اۋقىمدى جوباسىنا قاتىسۋ جٶنٸندەگٸ بٸزدٸڭ ستراتەگييالىق باعىتىمىزدا قازاقستان, سونىڭ ٸشٸندە استانا ماڭىزدى ورىن الادى, – دەدٸ م.ەفتەحار.
سوڭىندا مەملەكەت باسشىسى دٷنيەجٷزٸلٸك ساۋدا ورتالىعىنىڭ جاڭا عيماراتىنىڭ جوباسىن ماقۇلداپ, استانا قالاسىنىڭ ەكٸمٸ ب.سۇلتانوۆقا ونى ٸسكە اسىرۋ جٶنٸندەگٸ بٸرلەسكەن جۇمىستاردى باستاۋعا تاپسىرما بەردٸ.
