مەملەكەت باسشىسى امەريكا قۇراما شتاتتارىنىڭ ٸسكەر توپتار ٶكٸلدەرٸمەن كەزدەستٸ, "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قازاقستان پرەزيدەنتٸ دٶڭگەلەك ٷستەل قاتىسۋشىلارىمەن كەزدەسۋ ۇيىمداستىرىلعانى ٷشٸن ريزاشىلىق بٸلدٸردٸ.
نۇرسۇلتان نازارباەۆ قازاقستان مەن اقش اراسىندا ورنىققان قاتىناستاردىڭ ماڭىزدىلىعى مەن ستراتەگييالىق سيپاتىنا توقتالدى.
– امەريكا قازاقستان ەكونوميكاسىنا سالىنعان تٸكەلەي ينۆەستيتسييالاردىڭ كٶلەمٸ بويىنشا ەكٸنشٸ ورىندا. تەۋەلسٸزدٸك جىلدارى ٸشٸندە سٸزدەردٸڭ كومپانييالارىڭىز تاراپىنان قازاقستانعا 50 ميلليارد دوللاردان استام ينۆەستيتسييا قۇيىلدى. ٶتكەن جىلى ەكٸ ەل اراسىنداعى تاۋار اينالىمى 2 ميلليارد دوللارعا جەتتٸ. بٸزدٸڭ ەلدە ەنەرگەتيكا, كٶلٸك, يننوۆاتسييا, مەديتسينا جەنە باسقا دا سالالاردا امەريكا كاپيتالىنىڭ قاتىسۋىمەن 500-دەن اسا كومپانييا تابىستى جۇمىس ٸستەپ كەلەدٸ. بٸزدٸڭ ٸرٸ سەرٸكتەستەرٸمٸزدٸڭ قاتارىندا شەۆرون, ەكسون موبيل, دجەنەرال ەلەكتريك, حەلليبيورتون جەنە باسقا دا كومپانييالار بار, – دەدٸ نۇرسۇلتان نازارباەۆ.
مەملەكەت باسشىسى ەكٸ جاقتى قاتىناستاردىڭ كەڭ اۋقىمىن قامتيتىن كەڭەيتٸلگەن ستراتەگييالىق ەرٸپتەستٸك تۋرالى بٸرلەسكەن مەلٸمدەمەنٸ قابىلداۋدىڭ ەرەكشە ماڭىزدىلىعىن اتاپ ٶتتٸ.
سونداي-اق, نۇرسۇلتان نازارباەۆ قازاقستاننىڭ كٶلٸك-ترانزيتتٸك ەلەۋەتٸن دامىتۋ ٷدەرٸسٸنە توقتالىپ, بيزنەس جٷرگٸزۋ ٷشٸن مەملەكەت تاراپىنان جاعداي جاساۋعا باعىتتالعان شارالار جٶنٸندە ەڭگٸمەلەدٸ.
– ينۆەستيتسييالىق احۋالدى جاقسارتىپ, ينۆەستورلاردىڭ قۇقىقتارىن قورعاۋ ٷشٸن تۇراقتى جۇمىستار جٷرگٸزٸلۋدە. قازاقستان ەكونوميكالىق ىنتىماقتاستىق جەنە دامۋ ۇيىمىنىڭ ينۆەستيتسييالار جٶنٸندەگٸ كوميتەتٸنٸڭ قاۋىمداستىرىلعان مٷشەسٸ بولدى جەنە حالىقارالىق ينۆەستيتسييالار جٶنٸندەگٸ دەكلاراتسيياعا قوسىلدى. 62 ەلدٸڭ, سونىڭ ٸشٸندە اقش ازاماتتارى ٷشٸن بٸزدە ۆيزاسىز رەجٸم ەنگٸزٸلدٸ. كەسٸپكەرلٸك سالاسىنداعى زاڭناما جەتٸلدٸرٸلۋدە. 11 ارنايى ەكونوميكالىق ايماق جەنە 22 يندۋسترييالىق ايماق جۇمىس ٸستەۋدە. وندا قاجەتتٸ ينفراقۇرىلىم مەن جەڭٸلدٸكتەر كٶزدەلگەن, – دەدٸ قازاقستان پرەزيدەنتٸ.
سونىمەن قاتار, مەملەكەت باسشىسى قازاقستان ەكونوميكاسىن تسيفرلاندىرۋ جەنە ٶندٸرٸسكە يننوۆاتسييانى ەنگٸزۋ بارىسىنا ەرەكشە نازار اۋداردى.
– «تسيفرلىق قازاقستان» ارنايى مەملەكەتتٸك باعدارلاماسى قابىلداندى. وسىعان وراي, ەكونوميكا سالالارىن تسيفرلاندىرۋ جەنە يننوۆاتسييالىق ەكوجٷيەنٸ دامىتۋ جٶنٸندەگٸ جوبالاردى جٷزەگە اسىرۋ ماڭىزدى بولىپ سانالادى. مەسەلەن, نازارباەۆ ۋنيۆەرسيتەتٸ جەنە يننوۆاتسييالىق تەحنولوگييالار پاركٸ سيياقتى يننوۆاتسييالىق كلاستەرلەر جۇمىس ٸستەۋدە. بيىل استانادا ٸت-ستارتاپتاردىڭ جاڭا حالىقارالىق تەحنوپاركٸ اشىلادى. وسىنىڭ بەرٸ ىنتىماقتاستىعىمىز ٷشٸن پەرسپەكتيۆتٸ باعىت بولا الادى, – دەدٸ نۇرسۇلتان نازارباەۆ.
قازاقستان پرەزيدەنتٸ امەريكالىق بيزنەسمەندەرگە ارنالعان سٶزٸندە اگروٶنەركەسٸپ كەشەنٸندەگٸ بٸرلەسكەن جوبالاردى جٷزەگە اسىرۋ ٷشٸن شەتەلدٸك ينۆەستورلاردى قاتىسۋعا شاقىردى.
بۇدان بٶلەك, مەملەكەت باسشىسى ەلٸمٸزدەگٸ جەكەشەلەندٸرۋ باعدارلاماسىنىڭ ٸسكە اسىرىلۋ بارىسى جەنە «جاسىل ەكونوميكا» سالاسىنداعى جوبالاردى دامىتۋ پەرسپەكتيۆاسى تۋرالى ايتتى.
– ٶتكەن جىلى «بولاشاقتىڭ ەنەرگيياسى» اتتى تاقىرىپتا حالىقارالىق «ەكسپو-2017» مامانداندىرىلعان كٶرمەسٸن تابىستى ٶتكٸزدٸك. بۇل كٶرمە بٷكٸل پلانەتانىڭ «تازا» ەنەرگەتيكا سالاسىنداعى جوعارى تەحنولوگييالىق جەنە زيياتكەرلٸك ەلەۋەتٸن كٶرسەتۋگە كەرەمەت مٷمكٸندٸك تۋعىزدى. كٶرمە مۇراسى يننوۆاتسييالىق جەنە ورنىقتى دامۋ مٸندەتتەرٸنە ەرٸ قاراي دا قىزمەت ەتە بەرەتٸن بولادى. اتاپ ايتقاندا, ەكسپو ينفراقۇرىلىمىنىڭ بازاسىندا «جاسىل» تەحنولوگييالاردى جەنە ينۆەستيتسييالاردى دامىتۋ جٶنٸندەگٸ حالىقارالىق ورتالىق جۇمىس ٸستەيتٸن بولادى. ول ەلٸمٸزدە جەنە ٶڭٸردە «جاسىل» جوبالاردى جٷزەگە اسىرۋعا سەپتٸگٸن تيگٸزۋگە ارنالعان, – دەدٸ قازاقستان پرەزيدەنتٸ.
سونداي-اق, نۇرسۇلتان نازارباەۆ «استانا» حالىقارالىق قارجى ورتالىعىنىڭ ەرەكشە مەرتەبەسٸن اتاپ ٶتٸپ, ونىڭ جۇمىسىنىڭ الداعى جوسپارلارىنا توقتالدى.
– «استانا» حالىقارالىق قارجى ورتالىعىنىڭ قاتىسۋشىلارىنا 50 جىلعا دەيٸن سالىقتىق, ۆاليۋتالىق, ۆيزالىق جەنە ەڭبەك رەجٸمدەرٸ سيياقتى جەڭٸلدٸكتەر بەرٸلەدٸ. بۇل – جۇمىسى اعىلشىن قۇقىعىنا نەگٸزدەلگەن ٶڭٸردەگٸ بٸردەن-بٸر ورتالىق. «استانا» حالىقارالىق قارجى ورتالىعىنىڭ جوعارى تەحنولوگييالىق بيرجاسىن قۇرۋعا شانحاي قور بيرجاسى جەنە NASDAQ امەريكالىق بيرجاسى تارتىلدى. «استانا» حالىقارالىق قارجى ورتالىعىنىڭ «جاسىل», يسلامدىق جەنە يننوۆاتسييالىق قارجىلىق قۇرالداردى دامىتۋ جٶنٸندەگٸ ٶڭٸرلٸك ورتالىققا اينالۋىنا بارلىق مٷمكٸندٸگٸ بار. جاز ايىندا بٸز حالىقارالىق قوعامداستىق ٷشٸن «استانا» حالىقارالىق قارجى ورتالىعىنىڭ رەسمي تانىستىرىلىمىن ٶتكٸزۋدٸ جوسپارلاپ وتىرمىز, – دەدٸ مەملەكەت باسشىسى.
سوڭىندا قازاقستان پرەزيدەنتٸ ٶتكٸزٸلگەن كەزدەسۋدٸڭ ەكٸ ەلدٸڭ جاقىنداسۋىنا جەنە ٶزارا تيٸمدٸ ەرٸپتەستٸكتٸ نىعايتۋعا سەرپٸن بەرەتٸنٸنە سەنٸم بٸلدٸردٸ.
