نۇرسۇلتان نازارباەۆ «ALSTOM» كومپانيياسى باسقارماسىنىڭ تٶراعاسى انري پۋپار-لافارجدى قابىلدادى, دەپ حابارلايدى "ۇلت اقپارات" ەلباسىنىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا تاراپتار ينۆەستيتسييالىق ىنتىماقتاستىقتىڭ قازٸرگٸ احۋالى مەن پەرسپەكتيۆالارىن تالقىلادى.
– بٸز 7 جىل بۇرىن تابىستى ىنتىماقتاستىعىمىزدى باستادىق. بٷگٸندە سٸزدەردٸڭ كەسٸپورىندارىڭىز تەمٸرجول سالاسىندا عانا ەمەس, سونداي-اق ماشينا جاساۋ سالاسىندا دا جۇمىس ٸستەپ كەلەدٸ. كومپانيياڭىز شىعاراتىن ٶنٸم ٶڭٸر ەلدەرٸندە سۇرانىسقا يە, – دەدٸ قازاقستاننىڭ تۇڭعىش پرەزيدەنتٸ.
ەڭگٸمەلەسۋ كەزٸندە نۇرسۇلتان نازارباەۆ ەلٸمٸزدٸڭ كٶلٸك-ترانزيت ەلەۋەتٸنٸڭ ارتۋىنا وراي ينفراقۇرىلىمدى دامىتۋدىڭ ماڭىزدى ەكەنٸن اتاپ ٶتتٸ.
– قازٸر ينفراقۇرىلىمدىق دامۋ ٶڭٸردەگٸ ماڭىزدى باعىتتاردىڭ بٸرٸ سانالادى. بۇل قىتايدىڭ «بٸر بەلدەۋ, بٸر جول» باستاماسىنا دا بايلانىستى. بٸز تەمٸرجول جەلٸلەرٸن سالدىق, – دەدٸ ەلباسى.
انري پۋپار-لافارج نۇرسۇلتان نازارباەۆتىڭ ينۆەستيتسييالىق ىنتىماقتاستىقتى نىعايتۋ ٸسٸندەگٸ رٶلٸن اتاپ ٶتٸپ, كەزدەسۋگە مٷمكٸندٸك بەرگەنٸ ٷشٸن قازاقستاننىڭ تۇڭعىش پرەزيدەنتٸنە ريزاشىلىق بٸلدٸردٸ.
– ەلەكتروۆوز قۇراستىرۋ زاۋىتىندا كٶپ تەحنيكا شىعارىلدى. بۇل ٶنٸم شەتەل نارىعىنا دا جەتكٸزٸلۋدە. ەزەربايجانعا ەكسپورتتاۋدى باستادىق. بٸز قازاقستاندىق مامانداردىڭ ارقاسىندا ساپالى ٶنٸم شىعارۋعا مٷمكٸندٸك الدىق. قازٸر ٶندٸرٸسٸمٸزدٸ كەڭەيتۋدٸ جوسپارلاپ وتىرمىز. زاۋىت قىزمەتكەرلەرٸن 500-دەن 700 قىزمەتكەرگە دەيٸن, سونداي-اق كەسٸپورىننىڭ ٶنٸمدٸلٸگٸن جىلىنا 100 ەلەكتروۆوزعا دەيٸن كٶبەيتۋ جوسپاردا بار, – دەدٸ «ALSTOM» كومپانيياسى باسقارماسىنىڭ تٶراعاسى.
