قازاقستان پرەزيدەنتٸ نۇرسۇلتان نازارباەۆ 2020 جىلدان باستاپ ەڭبەك قابٸلەتٸن جوعالتقان ازاماتتار مەن اسىراۋشىسىنان ايىرىلعان وتباسىلارعا تٶلەنەتٸن ەلەۋمەتتٸك تٶلەمدەردٸ 30%-كە ٶسٸرۋدٸ تاپسىردى, دەپ حابارلايدى Sputnik قازاقستان تٸلشٸسٸ.
نازارباەۆ بىلتىر ەلەۋمەتتٸك كٶمەكتەر ەجەپتەۋٸر ۇلعايعانىن اتاپ ٶتتٸ.
"ٷكٸمەتكە 2020 جىلدىڭ 1 قاڭتارىنان باستاپ ەڭبەك قابٸلەتٸن جوعالتقان جەنە اسىراۋشىسىنان ايىرىلعان ازاماتتارعا تٶلەنەتٸن ەلەۋمەتتٸك تٶلەمنٸڭ ٶسٸمٸن 30 پروتسەنتكە دەيٸن قامتاماسىز ەتۋدٸ تاپسىرامىن. مادينا (ەبٸلقاسىموۆا, ەڭبەك جەنە حالىقتى ەلەۋمەتتٸك قورعاۋ مينيسترٸ), مۇنى جاساۋ مٷمكٸن بە?", — دەپ سۇرادى پرەزيدەنت ٷكٸمەتتٸڭ كەڭەيتٸلگەن وتىرىسىندا.
ەبٸلقاسىموۆانىڭ ايتۋىنشا, تيٸستٸ تٷزەتۋلەر زاڭناماعا ەنگٸزٸلگەن.
"زاڭ جوباسى ەزٸرلەندٸ, ناۋرىز ايىندا پارلامەنتكە ەنگٸزٸپ, تاپسىرمانى ورىندايمىز", — دەپ سەندٸردٸ مينيستر.
سونداي-اق, ۆەدومستۆو باسشىسى قازاقستاندا العاش رەت مٷگەدەكتەردٸ قورعاۋ بويىنشا كەشەندٸ بٸرٸكتٸرٸلگەن جوسپار ەزٸرلەنٸپ جاتقانىن مەلٸمدەدٸ.
"بۇل ينكليۋزيۆتٸ بٸلٸم بەرۋ, جۇمىسپەن قامتۋ, مٷگەدەكتٸكتٸڭ الدىن الۋ, كەدەرگٸسٸز ورتا, ەلەۋمەتتٸك قىزمەتتەر ساپاسىن ارتتىرۋ مەسەلەلەرٸ", — دەدٸ ەبٸلقاسىموۆا.
