نۇرسۇلتان نازارباەۆ ەيەلدەر قاۋىمى ٶكٸلدەرٸمەن «كٶكتەم شۋاعى» اتتى كەزدەسۋ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋدٸ اشقان مەملەكەت باسشىسى جيىنعا قاتىسۋشىلاردى جەنە ەلٸمٸزدٸڭ بٷكٸل ەيەلدەر قاۋىمىن كەلە جاتقان 8 ناۋرىز – حالىقارالىق ەيەلدەر كٷنٸمەن قۇتتىقتادى.
قازاقستان پرەزيدەنتٸ كٶپ بالالى انالارعا قولداۋ كٶرسەتۋگە ارنالعان جاڭا اۋقىمدى ەلەۋمەتتٸك شارالاردى جٷزەگە اسىرۋدىڭ ماڭىزدىلىعىن ايتىپ, بۇل كٶمەكتٸڭ كٶلەمٸ بٸرتٸندەپ ارتا بەرەتٸنٸن اتاپ ٶتتٸ.
– نەگٸزٸنەن, بۇل قولداۋ شارالارى تابىسى تٶمەن كٶپ بالالى وتباسىلار ٷشٸن ەلەۋمەتتٸك كٶمەكتٸ كٷشەيتۋگە باعىتتالاتىن بولادى. ەلەۋمەتتٸك تٶلەمدەر مەن جەردەماقىلار كٶلەمٸ ارتىپ, بيۋدجەت سالاسىنداعى جالاقىسى تٶمەن قىزمەتكەرلەردٸڭ ەڭبەكاقىسى ٶسەدٸ, تۇرعىن ٷيلەر سالىنادى. سونداي-اق, «باقىتتى وتباسى», «قۇتتى مەكەن» جەنە «اۋىل – ەل بەسٸگٸ» جوبالارى جٷيەلٸ قولداۋ كٶرسەتۋگە باعىتتالعان, – دەدٸ ەلباسى.
نۇرسۇلتان نازارباەۆ كەلەشەك ۇرپاقتى تەربيەلەۋ ٸسٸندە ەيەلدەردٸڭ ايرىقشا رٶل اتقاراتىنىن ايتتى.
– ەلەمدەگٸ ەڭ ماڭىزدى نەرسە ەيەلدٸڭ قولىنان كەلەدٸ. ول ادامعا ٶمٸر سىيلايدى. ورتا ەسەپپەن, بٸر وتباسىندا ٷش بالا تەربيەلەنٸپ وتىر دەسەك, بٸر جىلدا شامامەن 400 مىڭ سەبي ٶمٸرگە كەلەدٸ. بالا – بٸر وتباسىنىڭ بايلىعى مەن ماقتانىشى عانا ەمەس, تۇتاس ەلدٸڭ باعا جەتپەس كاپيتالى. سوندىقتان بٸزدٸڭ انالارىمىز, ەسٸرەسە كٶپ بالالى انالار, ەرەكشە قۇرمەت پەن العىسقا لايىق. ولار حالقىمىزدىڭ يگٸلٸگٸن ەسەلەپ, ناعىز ەرلٸك كٶرسەتٸپ وتىر, – دەدٸ مەملەكەت باسشىسى.
ەلباسى قازاقستاندىقتاردىڭ ەل-اۋقاتى مەن وتباسىلىق ٶمٸردٸڭ قۇندىلىقتارى مەملەكەتتٸڭ بەرٸك نەگٸزٸ سانالاتىنىن اتاپ ٶتتٸ.
– قارقىنى كٷشتٸ ەرٸ جاڭاشىلدىققا تولى زاماندا سٸزدەر ەل يگٸلٸگٸ ٷشٸن ٶز ەلەۋەتتەرٸڭٸز بەن قابٸلەتتەرٸڭٸزدٸ تابىستى جٷزەگە اسىرىپ كەلەسٸزدەر. تٷرلٸ سالالار مەن باعىتتاردا جاڭا بەلەستەردٸ باعىندىرىپ, ماڭىزدى نەتيجەلەرگە قول جەتكٸزٸپ وتىرسىزدار. مەنٸڭ جاڭعىرۋ جٶنٸندەگٸ يدەيالارىمدى ٸسكە اسىرۋدىڭ باستاۋىندا ەيەلدەر قاۋىمى تۇر, – دەدٸ قازاقستان پرەزيدەنتٸ.
نۇرسۇلتان نازارباەۆ ەيەلدەردٸڭ ەل ٶمٸرٸنە بەلسەندٸ اتسالىسىپ وتىرعانىن اتاپ ٶتتٸ.
– بٷگٸندە بٸلٸم بەرۋ جەنە دەنساۋلىق ساقتاۋ سالاسىنداعى ەيەلدەردٸڭ ٷلەسٸ 70 پايىزعا جەتسە, قارجى جەنە ساقتاندىرۋ مەكەمەلەرٸندە 60 پايىزدى قۇرايدى, ال اۋىل شارۋاشىلىعىندا – 45 پايىز. بيزنەستە, شىعارماشىلىق سالاسى مەن سپورت ەلەمٸندە زور تابىسقا قول جەتكٸزگەن ەيەلدەر از ەمەس. بٸزگە, ياعني ەركەكتەر قاۋىمىنا, سٸزدەردەن قالىپ قويماۋ ٷشٸن ويلاناتىن كەز كەلدٸ, – دەدٸ مەملەكەت باسشىسى.
سوڭىندا قازاقستان پرەزيدەنتٸ ەلٸمٸزدٸڭ ەيەلدەر قاۋىمى ٶمٸرٸمٸزدٸڭ ايناسى ەكەنٸن ەرٸ حالقىمىزدىڭ مٸنەز-قۇلقىن ايشىقتايتىنىن ايتتى.
– بٸزدٸڭ مٸندەتٸمٸز – سٸزدەر ٷشٸن جاسامپاز باستامالارىڭىزدىڭ تولىق جٷزەگە اسۋىنا جاعداي جاساۋ, – دەدٸ ەلباسى.
كەزدەسۋگە پرەمەر-مينيستردٸڭ ورىنباسارى, قازاقستان رەسپۋبليكاسىنىڭ پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ تٶرايىمى گ.ەبدٸقالىقوۆا, «استانا-زەلەنستروي» اق بريگادا جەتەكشٸسٸ ن.ەرمولينا, الماتى وبلىسى الاكٶل اۋدانى انالار كەڭەسٸنٸڭ تٶرايىمى ۇ.دٷيسەباەۆا, كرانشى ا.اسماعامبەتوۆا, قوستاناي وبلىسى ميچۋرين اۋىلدىق وكرۋگٸنٸڭ ەكٸمٸ ۆ.كلوچكو, «Qazaq-Oner» قولٶنەرشٸلەر ورتالىعىنىڭ باسشىسى ا.جانسەرٸكوۆا, اقىن, «جەتٸسۋ» گازەتٸنٸڭ تٸلشٸسٸ م.تەجماعانبەتوۆا, «كٸشكەنتاي» ەلەۋمەتتٸك اتەلە» جوباسىنىڭ جەتەكشٸسٸ ا.مۇستافينا, ونكولوگ-دەرٸگەر ۆ.يۋن, ۇستاز ن.سادىقوۆا, «نازارباەۆ ۋنيۆەرسيتەتٸ» دببۇ عىلىم جەنە تەحنولوگييالار مەكتەبٸنٸڭ اسسيستەنت-پروفەسسورى ا.ساندىعۇلوۆا, كٶشٸ-قون قىزمەتٸنٸڭ ينسپەكتورى ا.ەبٸشەۆا, «نۇر» شارۋا قوجالىعىنىڭ باسشىسى س.ماۋتەەۆا, «دانا» جەكە بٸلٸم بەرۋ مەكتەبٸنٸڭ باس ديرەكتورى ك.باتىربەكوۆا, اكتريسا س.ەسلياموۆا, «Life4job» جشس ديرەكتورى ا.باقتىعاليەۆا, مەملەكەتتٸك كٷزەت قىزمەتٸ پرەزيدەنتتٸك وركەسترٸنٸڭ جەتەكشٸ سوليسٸ ك.تٶلەنباەۆا قاتىستى.
