قازاقستان پرەزيدەنتٸ اقش-تىڭ ساۋدا مينيسترٸ ۋيلبۋر روسسپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا تاراپتار ەكٸ ەلدٸڭ ساۋدا-ەكونوميكا جەنە ينۆەستيتسييا سالالارىنداعى قارىم-قاتىناستارىنىڭ قازٸرگٸ جاعدايى مەن دامۋ پەرسپەكتيۆالارىن تالقىلادى.
مەملەكەت باسشىسى ساۋدا مينيسترٸنٸڭ بۇل ساپارى اقش-تىڭ ورتالىق ازييا ٶڭٸرٸمەن ىنتىماقتاستىقتى دامىتۋعا مٷددەلٸ ەكەنٸن ايقىن اڭعارتاتىنىن, سونداي-اق ٶزارا ەكونوميكالىق بايلانىستاردى نىعايتۋعا سەپتٸگٸن تيگٸزەتٸنٸن ايتتى.
نۇرسۇلتان نازارباەۆ بيىلعى قاڭتار ايىنداعى اقش-قا رەسمي ساپارى بارىسىندا جوعارى دەڭگەيدە ٶتكەن كەزدەسۋلەردٸڭ نەتيجەلەرٸنە توقتالدى.
– كەزدەسۋدە پرەزيدەنت دونالد ترامپپەن ٶزارا تٷسٸنٸستٸككە قول جەتكٸزدٸك. قازاقستان مەن امەريكا اراسىنداعى قارىم-قاتىناستار كەڭەيتٸلگەن سەرٸكتەستٸك دەڭگەيٸنە كٶتەرٸلدٸ. بۇل تۋرالى تيٸستٸ مەلٸمدەمەگە قول قويىلدى. مەن رەسمي ساپار بارىسىندا اقش-تىڭ «بيزنەس كاپيتاندارىنىڭ» ٷلكەن توبىمەن كەزدەستٸم. بٸرلەسكەن بيزنەس-فورۋمدا جالپى قۇنى 7 ميلليارد اقش دوللارى بولاتىن تٷرلٸ 27 كوممەرتسييالىق قۇجاتقا قول قويىلدى. بٷگٸندە ەلدەرٸمٸز اراسىنداعى ساۋدا كٶلەمٸ 2 ميلليارد اقش دوللارىنا جەتتٸ. بيىل بۇل كٶرسەتكٸش 30 پايىزعا ٶستٸ, – دەدٸ قازاقستان پرەزيدەنتٸ.
سونىمەن قاتار, مەملەكەت باسشىسى ەكٸ ەل اراسىنداعى ىنتىماقتاستىقتىڭ دامۋ تاريحىنا توقتالىپ, قازاقستان تەۋەلسٸزدٸگٸنٸڭ العاشقى جىلدارىندا قول قويىلعان كەلٸسٸمدەر جٶنٸندە ايتتى.
– قازاقستان يادرولىق قارۋدان باس تارتىپ, ەلەمدەگٸ ٸرٸ يادرولىق پوليگوندى جاپقان سوڭ, بٸز پرەزيدەنت ٷلكەن دجوردج بۋشپەن ىنتىماقتاستىق جٶنٸندە بٸرٸنشٸ كەلٸسٸمشارتقا قول قويدىق. سول كەزدە «شەۆرون» كومپانيياسى بٸزدٸڭ ەلدە جۇمىس ٸستەۋگە نيەت بٸلدٸردٸ. بۇل كومپانييا جۇمىسىنىڭ تاريحى قازاقستاندا بيزنەس جٷرگٸزۋدٸڭ قانشالىقتى تابىستى بولاتىنىن ايقىن كٶرسەتەدٸ, – دەدٸ قازاقستان پرەزيدەنتٸ.
مەملەكەت باسشىسى بٷگٸندە قازاقستاننىڭ كٶپۆەكتورلى ساياسات جٷرگٸزٸپ وتىرعانىن جەنە سەرٸكتەس ەلدەردٸڭ بەرٸمەن تاتۋ قارىم-قاتىناس ورناتقانىن اتاپ ٶتتٸ.
ۋيلبۋر روسس نۇرسۇلتان نازارباەۆقا كەزدەسۋگە مٷمكٸندٸك تۋعىزعانى ٷشٸن ريزاشىلىق بٸلدٸرٸپ, استانانى كٶرگەن كەزدەگٸ ەسەرٸ جٶنٸندە ەڭگٸمەلەدٸ.
– مەن قازاقستانعا بٸرٸنشٸ رەت كەلٸپ وتىرمىن. ەۋەجايدان كەلە جاتىپ, استانانىڭ سەۋلەتٸنە تامسانا قارادىم. سٸزدەردە قۇرىلىس جۇمىستارى قارقىندى جٷرگٸزٸلۋدە ەرٸ ەكونوميكالارىڭىز دا قارىشتاپ دامىپ كەلەدٸ, – دەدٸ اقش-تىڭ ساۋدا مينيسترٸ.
سونداي-اق, ۋ.روسس استاناعا ٶزٸمەن بٸرگە قازاقستانمەن ساۋدا-ەكونوميكالىق قاتىناستاردى دامىتۋعا نيەت بٸلدٸرگەن امەريكالىق 16 كومپانييانىڭ دەلەگاتسيياسى كەلگەنٸن اتاپ ٶتتٸ.
اقش-تىڭ ساۋدا مينيسترٸ قازاقستان پرەزيدەنتٸنە اقش پرەزيدەنتٸ د.ترامپتىڭ ٸزگٸ تٸلەگٸن جەتكٸزٸپ, ەكٸ مەملەكەت اراسىنداعى ىنتىماقتاستىقتى ودان ەرٸ نىعايتىپ, كەڭەيتە تٷسۋگە مٷددەلٸ ەكەنٸن ايتتى.
