قازاقستان پرەزيدەنتٸ نۇرسۇلتان نازارباەۆتىڭ تٶراعالىعىمەن بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ «جاپپاي قىرىپ-جوياتىن قارۋدى تاراتپاۋ: سەنٸم شارالارى» اتتى وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىندى اشقان مەملەكەت باسشىسى وتىرىسقا قاتىسقانى ٷشٸن بٸرٸككەن ۇلتتار ۇيىمىنىڭ باس حاتشىسى ا.گۋتەرريشكە, پولشا رەسپۋبليكاسىنىڭ پرەزيدەنتٸ ا.دۋداعا جەنە بۇۇ قاۋٸپسٸزدٸك كەڭەسٸنە مٷشە باسقا دا ەلدەردٸڭ دەلەگاتسييا باسشىلارىنا ريزاشىلىق بٸلدٸردٸ.
– مٷمكٸندٸكتٸ پايدالانا وتىرىپ, پرەزيدەنت دۋدانى پولشانىڭ بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندەگٸ قىزمەتٸنٸڭ باستالۋىمەن قۇتتىقتايمىن. سونىمەن بٸرگە, كوت-د’يۆۋار, كۋۆەيت, پەرۋ جەنە ەكۆاتورلىق گۆينەيانى دا بيىل قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولۋىمەن قۇتتىقتايمىن. جاھاندىق ۇيىمنىڭ وسى ماڭىزدى ورگانى اياسىندا ىنتىماقتاستىق پەن ىقپالداستىق تانىتىپ, بٸرلەسە جەمٸستٸ جۇمىس ٸستەيمٸز دەپ ٷمٸتتەنەمٸن, – دەدٸ قازاقستان پرەزيدەنتٸ.
نۇرسۇلتان نازارباەۆ بەكٸتٸلگەن كٷن تەرتٸبٸنە سەيكەس, سٶزدٸ بۇۇ-نىڭ باس حاتشىسى ا.گۋتەرريشكە بەردٸ.
ا.گۋتەرريشتٸڭ بايانداماسىنان كەيٸن مەملەكەت باسشىسى كەڭەس مٷشەلەرٸنە ارناپ مەلٸمدەمە جاسادى.
– بٸز قازاقستاننىڭ بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ بولىپ سايلانۋىن جەنە بٷگٸنگٸ تٶراعالىق قىزمەتٸمٸزدٸ ەلەمدٸك قوعامداستىقتىڭ ەلٸمٸزگە جەنە ونىڭ بەيبٸتشٸل ساياساتىنا دەگەن سەنٸمٸ دەپ بٸلەمٸز. بۇل مەرتەبەلٸ قىزمەتتەگٸ ورتالىق ازييانىڭ بٸرٸنشٸ مەملەكەتٸ بولا وتىرىپ, بٸز دٷنيەجٷزٸلٸك ۇيىمنىڭ بۇل ماڭىزدى ورگانىنداعى ٶڭٸر حالىقتارىنىڭ «ٷنٸنە» اينالدىق, – دەدٸ قازاقستان پرەزيدەنتٸ.
نۇرسۇلتان نازارباەۆ قازاقستاننىڭ بۇۇ قاۋٸپسٸزدٸك كەڭەسٸ جۇمىسىنا ٶتكەن جىلعى قوسقان ٷلەسٸن اتاپ ٶتتٸ.
– اۋعانستان/«تاليبان», يليم/دايش, «ەل-كايدا» جەنە سومالي/ەريترەيا جٶنٸندەگٸ كوميتەتتەردٸ باسقارا وتىرىپ, ولاردىڭ جەمٸستٸ قىزمەت ەتۋٸنە ٶز ٷلەسٸمٸزدٸ قوسىپ كەلەمٸز. كەڭەستٸڭ بارلىق مٷشە-مەملەكەتتەرٸنە بەرٸك ىنتىماقتاستىعى ٷشٸن ريزاشىلىعىمدى بٸلدٸرەمٸن, – دەدٸ مەملەكەت باسشىسى.
قازاقستان پرەزيدەنتٸ بەيبٸتشٸلٸك پەن قاۋٸپسٸزدٸككە قول جەتكٸزۋ جولىنداعى سەنٸم شارالارى شيەلەنٸستٸڭ الدىن الۋ جەنە ماڭىزدى جاھاندىق پروبلەمالاردى شەشۋ كەزٸندە نەگٸزگٸ رٶل اتقاراتىنىن ايتتى.
– مەن بٸرٸككەن ۇلتتار ۇيىمى باس اسسامبلەياسىنىڭ 47-شٸ سەسسيياسىنىڭ مٸنبەرٸنەن ازيياداعى قاۋٸپسٸزدٸك جەنە سەنٸم شارالارى جٶنٸندەگٸ ٶڭٸرلٸك قۇرىلىم قۇرۋ تۋرالى ۇسىنىس ايتقان بولاتىنمىن. تىنىمسىز ديپلوماتييالىق جۇمىستىڭ نەتيجەسٸندە بۇل مەحانيزمدٸ قۇرۋعا قول جەتكٸزٸلدٸ. بٷگٸندە ازيياداعى ٶزارا ىقپالداستىق جەنە سەنٸم شارالارى كەڭەسٸ ٶڭٸردەگٸ 26 مەملەكەتتٸ بٸرٸكتٸرٸپ, تابىستى جۇمىس ٸستەۋدە. شيرەك عاسىردان كەيٸن تاعى دا بٸرٸككەن ۇلتتار ۇيىمىندا قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە قازاقستاننىڭ اتىنان سٶز سٶيلەپ تۇرمىن, – دەدٸ نۇرسۇلتان نازارباەۆ.
مەملەكەت باسشىسى سەنٸم شارالارىن كٷن تەرتٸبٸنەن تٷسٸرمەۋ قاجەتتٸگٸن ايتىپ, بۇعان ىقپال ەتەتٸن بٸرنەشە فاكتوردى اتاپ ٶتتٸ.
قازاقستان پرەزيدەنتٸ يادرولىق قارۋدى تاراتپاۋ تۋرالى شارتقا نەگٸزدەلگەن قارۋدى تاراتپاۋ رەجٸمٸن نىعايتۋ مەسەلەسٸندە تەرەڭ مەنتالدٸ ٶزگەرٸستەر مەن كٶپجاقتى جاڭا ساياسي شەشٸمدەر قاجەت ەكەنٸن ايتتى.
وسىعان بايلانىستى نۇرسۇلتان نازارباەۆ قارۋدى تاراتپاۋ سالاسىنداعى سەنٸمدٸ نىعايتا تٷسۋگە باعىتتالعان بٸرقاتار شارالاردى ۇسىندى.
سوڭىندا مەملەكەت باسشىسى قاقتىعىستاردى تيٸمدٸ شەشۋ ٷشٸن ەلەمدٸك يادرولىق دەرجاۆالار اراسىندا ٶزارا تٷسٸنٸستٸك پەن ٶزارا سەنٸم ورناتۋدىڭ ماڭىزدىلىعىنا نازار اۋداردى.
– ەلەمدٸك قوعامداستىق – الۋان تٷرلٸ جەنە كٶپ قىرلى سيپاتى ارقىلى كٷشەيە تٷسكەن بٸرتۇتاس ورگانيزم. ول جەر بەتٸندەگٸ ۇلتتار مەن حالىقتار اراسىندا تەڭگەرٸم مەن ٷيلەسٸم بولعان كەزدە عانا العا باسىپ, دامي الادى. سول سەبەپتٸ, بٸز قۇقىق ٷستەمدٸگٸنە نەگٸزدەلگەن قاۋٸپسٸز ەلەم مەن ەدٸلەتتٸ ەلەمدٸك تەرتٸپكە بٸرلەسە قول جەتكٸزۋٸمٸز كەرەك. بۇل ٸستە بٸرٸككەن ۇلتتار ۇيىمى قاۋٸپسٸزدٸك كەڭەسٸنٸڭ رٶلٸ زور جەنە وعان تاريحي ميسسييا جٷكتەلەتٸنٸ دە سٶزسٸز, – دەدٸ قازاقستان پرەزيدەنتٸ.
سونداي-اق, كەڭەس وتىرىسى بارىسىندا پولشا پرەزيدەنتٸ ا.دۋدا, كۋۆەيت پرەمەر-مينيسترٸنٸڭ ورىنباسارى – سىرتقى ٸستەر مينيسترٸ شەيح ساباح حالەد ەل-ساباح جەنە رەسەي فەدەراتسيياسىنىڭ سىرتقى ٸستەر مينيسترٸ س.لاۆروۆ سٶز سٶيلەدٸ.
