قاماۋداعى وپپوزيتسييالىق ساياساتكەر, بيلٸكتٸڭ جەمقورلىق ەرەكەتتەرٸن ەشكەرەلەپ جٷرگەن بەلسەندٸ الەكسەي ناۆالنىيدىڭ ەيەلٸ يۋلييا ناۆالنايا بەلگٸسٸز سەبەپتەرمەن گەرمانيياعا ۇشىپ كەتكەن. ساياساتكەردٸڭ ەيەلٸ 10 اقپاندا مەسكەۋدەگٸ دومودەدوۆو ەۋەجايىنان ۇشىپ, سەرسەنبٸ كەشكە فرانكفۋرتقا جەتكەن. نەمٸستٸڭ Deutsche Welle اگەنتتٸگٸ ونىڭ ەۋەجايدىڭ ترانزيت ايماعىنان شىقپاعانىن حابارلادى, بٸراق Lufthansa جولاۋشىلارى ناۆالنايانىڭ رەيستە بولعانىن راستاعان.
بۇعان دەيٸن رەسەيلٸك "ينتەرفاكس" اگەنتتٸگٸ جەكە دەرەككٶزٸنە سٷيەنە وتىرىپ, ناۆالنايانىڭ گەرمانيياعا ۇشىپ كەتكەنٸن حابارلاعان. ناۆالنايانىڭ زاڭگەرٸ سۆەتلانا داۆىدوۆا تاسس اگەنتتٸگٸنە ناۆالنايانىڭ ۇشىپ كەتكەنٸ جايلى اقپاراتتى ەستٸمەگەنٸن ايتقان.
يۋلييا ناۆالنايا جاقىندا كٷيەۋٸن بوساتۋدى تالاپ ەتٸپ, رۇقسات ەتٸلمەگەن ميتينگٸگە قاتىسقانى ٷشٸن ۇستالىپ, بوساتىلعان. ناۆالنىيدىڭ جاقتاستارىنا بيلٸك قىسىمى ٷدەگەن شاقتا ونىڭ باسقا ەلگە ۇشۋى "ساياساتكەردٸڭ ەيەلٸ قاۋٸپسٸزدٸگٸ ٷشٸن الاڭداپ, ەلدەن كەتتٸ" دەگەن سىبىستىڭ تاراۋىنا تٷرتكٸ بولدى. نەمٸستٸڭ Der Spiegel جۋرنالى دەرەككٶزگە سٷيەنە وتىرىپ, ناۆالنايا "جەكە شارۋالارىمەن" گەرمانيياعا ۇشىپ كەلدٸ دەپ جازعان. دەگەنمەن باسىلىم جاي-جاپسارىنا توقتالماعان.
