رەسەيدە وپپوزيتسييالىق ساياساتكەر الەكسەي ناۆالنىي مەن ٶزگە "ساياسي تۇتقىنداردى" قولداپ, ەلەۋمەتتٸك جەلٸدە ۆيدەو جارييالاعان پوليتسييا قىزمەتكەرٸ جۇمىستان قۋىلدى.
مەسكەۋدٸڭ وڭتٷستٸك-باتىسىنان 460 شاقىرىم جەردەگٸ كۋرسك قالاسىنىڭ پوليتسيياسىندا ٸستەگەن رۋسلان اگيبالوۆ 22 قاڭتاردا Youtube جەلٸسٸندە ۆيدەو جارييالاعاننان سوڭ بٸر ساعات ٶتپەي جاتىپ "ابىرويسىز قىلىعى ٷشٸن" جۇمىستان شىعارىلعان.
شامامەن 30 مىڭ رەت كٶرٸلگەن ۆيدەودا اگيبالوۆ ەلدە بيلٸكتٸ سىناعانداردىڭ قاتاڭ قۋدالانىپ جاتقانىن العا تارتىپ, بالالارىنىڭ بولاشاعىنا الاڭدايتىنىن جەتكٸزگەن.
"مەن سونىمەن بٸرگە بالالارىم ٶسكەن كەزدە "ەكە, بٸزدٸڭ ەركٸن ەرٸ اۋقاتتى ەلدە ٶمٸر سٷرۋٸمٸز ٷشٸن نە ٸستەدٸڭ?" دەپ سۇراعان كەزدە جاۋاپ تابا الماي, قينالعىم كەلمەيدٸ" دەگەن.
پوليتسييا قىزمەتكەرٸ بۇعان قوسا ۆيدەو جارييالاۋىنا تٷرلٸ قىلمىستىق ٸستەر اتاپ ايتقاندا, حاباروۆسكٸنٸڭ بۇرىنعى گۋبەرناتورى سەرگەي فۋرگالدىڭ قامالۋى جەنە پرەزيدەنت ۆلاديمير پۋتيننٸڭ سىنشىلارىنىڭ "جۇمباق ٶلٸمٸن" (تانىمال حيپ-حوپ ەنشٸسٸ كيريلل دەتسل توماتسكيي جەنە تانىمال جٷرگٸزۋشٸ سەرگەي دورەنكونىڭ قازاسى) ساراپتاۋ تٷرتكٸ بولعانىن ايتقان.
بىلتىر فۋرگال ۇستالعاننان كەيٸن قيىر شىعىستاعى حاباروۆسكٸدە ٸرٸ نارازىلىق تۇتانعان.
23 قاڭتاردا رەسەيدٸڭ تٷرلٸ قالالارىندا ونداعان مىڭ ادام كرەمل سىنشىسى الەكسەي ناۆالنىيدى بوساتۋدى تالاپ ەتٸپ, نارازىلىققا شىقتى. باقىلاۋشىلار ونى سوڭعى بٸرنەشە جىل ٸشٸندەگٸ نارازىلىقتاردىڭ ەڭ ٸرٸسٸ دەپ اتادى.
"نوۆيچوك" ۋىمەن ۋلانىپ, اۋرۋحاناعا تٷسكەن الەكسەي ناۆالنىي گەرمانييادا ەمدەلٸپ, 17 قاڭتاردا رەسەيگە كەلگەن بەتتە مەسكەۋ ەۋەجايىندا ۇستالعان. ول ٶزٸنە قاستاندىقتى بيلٸك ۇيىمداستىردى دەپ ايتقان.
