ناتو اركتيكاداعى ەسكەري نىسانداردى كٷشەيتۋگە نيەتتٸ. مۇنداي قاجەتتٸلٸكتٸ ناتو باس حاتشىسى يەنس ستولتەنبەرگ كانادا پرەمەر-مينيسترٸ دجاستين تريۋدومەن ەلدٸڭ ەسكەري نىساندارىنا بٸرلەسكەن ساپارىنىڭ قورىتىندىسى بويىنشا ايتتى, - دەپ حابارلايدى Tengrinews.kz اگەنتتٸگٸ Vesti.ru سايتىنا سٸلتەمە جاساپ.
"رەسەي زىمىراندارى مەن بومبالاۋشى ۇشاقتارى ٷشٸن سولتٷستٸك امەريكاعا ەڭ قىسقا جول سولتٷستٸك پوليۋس ارقىلى ٶتەدٸ. بۇل ناتو ٷشٸن اقش-كانادا بٸرلەسكەن اەروعارىشتىق قورعانىس جٷيەسٸنٸڭ رولٸن ماڭىزدى ەتەدٸ. اليانستىڭ جاڭا تۇجىرىمداماسى رەسەيدٸڭ قيىر سولتٷستٸكتەگٸ ەلەۋەتٸن ستراتەگييالىق سىناق رەتٸندە انىقتايدى", - دەدٸ ستولتەنبەرگ.
ول رەسەي جاڭا اركتيكالىق قولباسشىلىق قۇرىپ, اركتيكادا جٷزدەگەن ەسكەري نىساندار اشقانىن ەسكە سالدى.
"قىتاي دا ٶز قاتىسىن كەڭەيتٸپ جاتىر. بەيجٸڭ مەن مەسكەۋ دە اركتيكاداعى پراكتيكالىق ىنتىماقتاستىقتى جانداندىرۋعا مٸندەتتەمە الدى. بۇل بٸزدٸڭ قۇندىلىقتارىمىز بەن مٷددەلەرٸمٸزگە قاۋٸپ تٶندٸرەدٸ. قازٸردٸڭ ٶزٸندە اتلانت مۇحيتىندا جاڭا ناتو قولباسشىلىعىن قۇردىق. وداقتاستار, سونىڭ ٸشٸندە كانادا دا بار", - دەدٸ اليانستىڭ باس حاتشىسى.
ستولتەنبەرگ پەن تريۋدو قوس ماقساتتاعى جوبالارعا, سونىڭ ٸشٸندە اەروعارىشتىق باقىلاۋ جٷيەلەرٸنە جاڭا ينۆەستيتسييالار تۋرالى حابارلادى.
ٶز كەزەگٸندە اقش پرەزيدەنتٸ دجو بايدەن اركتيكاداعى ەلشٸ لاۋازىمىن قۇرۋ تۋرالى شەشٸم قابىلداعان. مەملەكەتتٸك دەپارتامەنت جاڭا لاۋازىمنىڭ ەنگٸزٸلگەنٸن 26 تامىزدا رەسمي تٷردە جارييالايتىنى, سودان كەيٸن بۇل شەشٸمدٸ سەنات بەكٸتۋٸ كەرەك ەكەنٸ اتاپ ٶتٸلدٸ.
