قازاقستاننىڭ ماكروەكونوميكالىق تۇراقتىلىعى بويىنشا پوزيتسييا جاقساردى. بۇل تۋرالى مەجٸلٸستٸڭ جالپى وتىرىسىندا 2019 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتٸ تالقىلاۋ كەزٸندە ەسەپ كوميتەتٸنٸڭ تٶرايىمى ناتاليا گودۋنوۆا مەلٸم ەتتٸ, دەپ حابارلايدى قازاقپارات.
«دٷنيەجٷزٸلٸك ەكونوميكالىق فورۋمنىڭ جاھاندىق بەسەكەگە قابٸلەتتٸك رەيتينگٸندە قازاقستاننىڭ ماكروەكونوميكالىق تۇراقتىلىعى بويىنشا پوزيتسييا جاقساردى. مۇنايعا دەگەن تەۋەلدٸلٸكتٸ تٶمەندەتۋ تەندەنتسيياسىنا قول جەتكٸزٸلمەدٸ. 10 جىل بويىنا ٶڭدەۋشٸ سەكتور ٷلەسٸ 11 پايىزدان اسپادى. ەكسپورت قۇرىلىمىندا مينەرالدى ٶنٸم 70 پايىزدان استى. ازاماتتار ەل-اۋقاتى ٶسٸمڭ بويىنشا ماقسات قالاي ورىندالىپ جاتىر? حالىقتىڭ ناقتى تابىسى 5,5 پايىزعا ٶستٸ. الايدا, حالىق شىعىستارىندا ازىق-تٷلٸك تاۋارلارىنىڭ ٷلەسٸ ارتتى, ياعني 50 پايىزعا دەيٸن. دامىعان ەلدەردە بۇل كٶرسەتكٸش 10 پايىز شاماسىندا», - دەدٸ ن. گودۋنوۆا.
ونىڭ سٶزٸنە قاراعاندا, رەسەي مەن بەلارۋستە وسى كٶرسەتكٸش ازاماتتار شىعىستارىنىڭ ٷشتەن بٸر بٶلٸگٸنەن اسپايدى.
سونىمەن قاتار ول مەملەكەتتٸك قارىزعا قاتىستى پٸكٸر بٸلدٸردٸ.
«مەملەكەتتٸك بورىش, ياعني ٷكٸمەت قارىزى سەكٸلدٸ قاۋٸپسٸز دەڭگەيدە. قارىزدى جابۋعا قاتىستى ەرٸ وسى باعىتتا قىزمەت كٶرسەتۋ باعىتىنداعى شىعىستار ارتىپ كەلەدٸ. ٷكٸمەتتٸك قارىز بويىنشا وسىنداي شىعىستار 1 ترلن 400 ملرد تەڭگەگە جۋىقتادى», - دەدٸ ول.
ەسەپ كوميتەتٸنٸڭ تٶرايىمى بىلتىر مەملەكەتتٸك-جەكەشەلٸك سەرٸكتەستٸك, كۆازيمەملەكەتتٸك سەكتور مەن جەرگٸلٸكتٸ اتقارۋشى ورگاندار جوبالارى بويىنشا حالىقارالىق قارجى ۇيىمدارىنان زايمداردى قاداعالاۋ تۇرعىسىندا تيٸستٸ جۇمىستار اتقارىلعانىن جەتكٸزدٸ.
