NASA ايدا تۇراقتى ادام قاتىسۋىن قامتاماسىز ەتۋگە باعىتتالعان جاڭا Moon Base باعدارلاماسىن تانىستىردى. جوبا اياسىندا ايعا روۆەرلەر, قونۋ اپپاراتتارى مەن دروندار جٸبەرٸلەدٸ, دەپ حابارلايدى ult.kz skyandtelescope.org-كە سٸلتەمە جاساپ.
عارىش اگەنتتٸگٸ العاشقى كەزەڭگە اقش-تىڭ جەتەكشٸ اەروعارىش كومپانييالارىمەن 700 ميلليون دوللاردان استام كەلٸسٸمشارت جاساعان. تولىق جوبا قۇنى شامامەن 20 ميلليارد دوللارعا باعالانىپ وتىر.
NASA جوسپارىنا سەيكەس, 2026-2029 جىلدارى اي بەتٸندە العاشقى زەرتتەۋلەر جٷرگٸزٸلٸپ, تەحنولوگييالار سىنالادى. 2029-2032 جىلدارى بازانىڭ باستاپقى ينفراقۇرىلىمى ٸسكە قوسىلادى, ال 2032 جىلدان كەيٸن ايدا جارتىلاي تۇراقتى ادام قاتىسۋىن قالىپتاستىرۋ كٶزدەلگەن.
2026 جىلى جٷزەگە اسىرىلاتىن العاشقى ٷش ميسسييا اي بەتٸنٸڭ ەرەكشەلٸكتەرٸن زەرتتەۋگە باعىتتالادى. سونىمەن قاتار عالىمدار ايدىڭ پايدا بولۋى, ەۆوليۋتسيياسى جەنە قۇرىلىمى تۋرالى ماڭىزدى دەرەكتەر جيناماق.
NASA سونداي-اق Astrolab جەنە Lunar Outpost كومپانييالارىنا 2028 جىلعا دەيٸن بٸر تونناعا دەيٸنگٸ اي روۆەرلەرٸن ەزٸرلەۋگە شامامەن 220 ميلليون دوللاردان بٶلدٸ. ال Blue Origin كومپانيياسى ايعا جەتكٸزٸلەتٸن اپپاراتتاردى جاساۋعا 280 ميلليون دوللارعا دەيٸن قارجى الادى.
دەگەنمەن ساراپشىلار جوبانىڭ مەرزٸمٸ تىم قىسقا ەكەنٸن اتاپ ٶتۋدە. بۇعان قوسا, Blue Origin كومپانيياسىنىڭ New Glenn زىمىرانى جاقىندا سىناق كەزٸندە جارىلىپ, باعدارلامانىڭ ۋاقىتىندا ورىندالۋىنا قاتىستى سۇراقتار تۋىندادى.
NASA بولاشاقتا ايدىڭ وڭتٷستٸك پوليۋسٸنە ەرەكشە نازار اۋدارماق. عالىمداردىڭ پٸكٸرٸنشە, بۇل ايماقتا مۇز تٷرٸندەگٸ سۋ قورى بولۋى مٷمكٸن, ال ول بولاشاقتاعى عارىشتىق ميسسييالار ٷشٸن ماڭىزدى رەسۋرس سانالادى.
